विशेष प्रतिनिधी
नागपूर : विधान परिषद निवडणुकीत नागपुरात काँग्रेसने भाजपमधून फोडून पक्षात घेतलेल्या छोटू भोयर यांना “कात्रजचा घाट” दाखवत शेवटच्या दिवशी त्यांची उमेदवारी कापली. आता निवडणुकीतले मतदान पूर्ण झाल्यानंतर त्यावरून काँग्रेसचे प्रदेशाध्यक्ष नाना पटोले यांच्यावर जोरदार टोलेबाजी सुरू आहे. Congress men and BJP candidate Chandrasekhar Bawankule targets Nana Patole over MLC candidate Change in congress
काँग्रेसच्या दोन मंत्र्यांनी ऐनवेळी उमेदवार बदलायला लावला. त्यामुळे नाना पटोले हे किती प्रभावहीन प्रदेशाध्यक्ष आहेत हे दिसून आले, अशी टोलेबाजी काँग्रेसच्या अंतर्गत वर्तुळातून सुरू आहेच. त्याचबरोबर विधान परिषदेचे भाजपचे उमेदवार माजी ऊर्जामंत्री चंद्रशेखर बावनकुळे यांनी देखील नाना पटोले यांना टोला हाणून घेतला आहे. काँग्रेसचे दोन मंत्री ऐनवेळेला उमेदवार बदलतात यावरून नाना पटोले यांचा पक्षात काय “स्थान” आहे, हे लक्षात येते त्यामुळे त्यांनी राजीनामा दिलेला बरा, असा टोला बावनकुळे यांनी हाणला आहे. भाजपला विधान परिषद निवडणुकीत 318 मते मिळतील, असा दावाही त्यांनी केला आहे. काँग्रेसचे दोन मंत्री नितीन राऊत आणि सुनील केदार त्यामुळे उमेदवार बदलावा लागला असल्याची चर्चा नागपूरच्या राजकीय वर्तुळात आहे.
याचा अर्थ नाना पटोले यांनी छोटू भोयर यांना उमेदवारी देण्याचे आश्वासन देऊन भाजपमधून फोडून काँग्रेसमध्ये पक्षात घेतले. पण पक्षाच्या दोन मंत्र्यांनी मात्र त्यांचे तिकीट अखेरच्या क्षणी कापायला लावले, असे राजकीय चित्र निर्माण झाले आहे. त्यामुळे नाना पटोले यांना काँग्रेसमध्ये किंमत नसल्याचे दिसून येते, अशी राजकीय वर्तुळात चर्चा सुरू झाली आहे. या मुद्द्यावर आता नाना पटोले काय उत्तर देतात याकडे राजकीय वर्तुळाचे लक्ष लागले आहे.
Congress men and BJP candidate Chandrasekhar Bawankule targets Nana Patole over MLC candidate Change in congress
महत्त्वाच्या बातम्या
- CDS Helicopter Crash : राजनाथ सिंह ग्रुप कॅप्टन वरुण सिंग यांच्या कुटुंबीयांशी फोनवर बोलले, प्रकृती सध्या चिंताजनक
- नवाब मलिकांचा म्हणाले, “आज-उद्या घरी सरकारी पाहुणे येणार! गांधी गोर्‍यांशी लढले, आम्ही चोरांशी लढू”
- Omicron @ 33 : दिल्लीत ओमिक्रॉनचा दुसरा रुग्ण, महाराष्ट्रात ३ वर्षांची मुलगी बाधित, मुंबईत कलम 144 लागू
- विश्वविजयी फुटबॉल स्टार दिएगो मॅराडोना ह्यूबोल्ट घड्याळ आसाम मधून जप्त; वाजिद हुसेन या चोराला अटक
- पुणे जिल्ह्यात १७ लाख रुपयांचा गुटखा पकडला ; यवत येथे पोलिसांची कारवाई
- इस्लामपूरचे “ईश्वरपूर” नामकरणाच्या आंदोलनात शिवप्रतिष्ठान युवा हिंदुस्थानची उडी