Nawab Malik to be remanded in ED custody till March 3 : अल्पसंख्याक मंत्री नवाब मलिक यांना मनी लाँड्रिंग प्रकरणात अटक झाल्यानंतर राज्यात मोठा राजकीय गदारोळ सुरू झाला आहे. ईडीने अटकेनंतर नवाब मलिक यांना पीएमएलए कोर्टात हजर करून 14 दिवसांची कोठडी मागितली होती. यावर दोन्ही बाजूंनी कोर्टात जोरदार युक्तिवाद करण्यात आले. दरम्यान, कोर्टाने नवाब मलिक यांना ३ मार्चपर्यंत ईडीच्या कोठडीचे आदेश दिले आहेत. Big news Nawab Malik to be remanded in ED custody till March 3, PMLA court decision
वृत्तसंस्था
मुंबई : अल्पसंख्याक मंत्री नवाब मलिक यांना मनी लाँड्रिंग प्रकरणात अटक झाल्यानंतर राज्यात मोठा राजकीय गदारोळ सुरू झाला आहे. ईडीने अटकेनंतर नवाब मलिक यांना पीएमएलए कोर्टात हजर करून 14 दिवसांची कोठडी मागितली होती. यावर दोन्ही बाजूंनी कोर्टात जोरदार युक्तिवाद करण्यात आले. दरम्यान, कोर्टाने नवाब मलिक यांना ३ मार्चपर्यंत ईडीच्या कोठडीचे आदेश दिले आहेत.
मलिकांच्या राजीनाम्याची मागणी
नवाब मलिक यांच्यावर अंडरवर्ल्डशी संबंधित मनी लाँडरिंगचे गंभीर आरोप आहेत. त्यामुळे मंत्री नवाब मलिक यांनी राजीनामा द्यावा, असे भाजपचे महाराष्ट्र अध्यक्ष चंद्रकांत पाटील यांनी म्हटले आहे. सरकारच्या अनेक कॅबिनेट मंत्र्यांवर गुन्हे दाखल आहेत. राज्याचे माजी गृहमंत्री यापूर्वीच तुरुंगात आहेत.
वास्तविक, ईडी दाऊद इब्राहिम, त्याचा भाऊ अनीस, इक्बाल, साथीदार छोटा शकील यांच्याविरुद्ध खटल्याचा तपास करत आहे. यासाठी गेल्या आठवड्यात दाऊदची बहीण हसिना पारकर हिच्या ठिकाण्यांसह अनेक ठिकाणी छापेही टाकण्यात आले होते. हसीनाचा मुलगा अलीशाह पारकर याचीही सोमवारी ईडीने चौकशी केली. दाऊदच्या इतर साथीदारांवरही ईडीची नजर आहे. कारण दाऊद अजूनही काही लोकांच्या मदतीने मुंबईत डी-कंपनी चालवत असल्याचा दावा करण्यात आला आहे.
नोव्हेंबरमध्ये देवेंद्र फडणवीस यांचे नवाब मलिकांवर आरोप
नवाब मलिक यांनी दाऊद इब्राहिमचा गुंड सरदार शाहवली खान आणि हसीना पारकरचा अंगरक्षक सलीम पटेल यांच्याशी केलेल्या व्यवहाराचीही चौकशी सुरू आहे. राज्याचे माजी मुख्यमंत्री देवेंद्र फडणवीस यांनी नोव्हेंबर 2021 मध्ये आरोप केला होता की नवाब मलिक यांनी खान आणि पटेल यांच्याकडून कोट्यवधींची मालमत्ता अवघ्या 30 लाख रुपयांना खरेदी केली होती. सध्या ईडी मलिक यांच्या इतर व्यावसायिक व्यवहारांची चौकशी करत आहे.
राष्ट्रवादीचे अध्यक्ष शरद पवार यांनी बैठक घेतली. शरद पवार यांच्या घरी झालेल्या बैठकीत उपमुख्यमंत्री अजित पवार, मंत्री छगन भुजबळ, हसन मुश्रीफ आणि राजेश टोपे उपस्थित होते. मलिक यांच्या अटकेनंतर उद्भवलेली परिस्थिती आणि पक्षाची भविष्यातील रणनीती यावर चर्चा करण्यासाठी ही बैठक बोलावण्यात आली, असे सूत्रांनी सांगितले. या बैठकीत मलिक यांच्या राजीनाम्याबाबत चर्चा झाल्याचे त्यांनी सांगितले. मलिक यांनी राजीनामा दिल्यास पक्षातील त्यांच्या सहकार्‍यांना त्यांचे खाते दिले जाईल, असेही सूत्रांचे म्हणणे आहे.
महाविकास आघाडीतर्फे आंदोलनाची घोषणा
या बैठकीला उपस्थित असलेले राष्ट्रवादीचे नेते छगन भुजबळ यांनी नवाब मलिक यांच्या राजीनाम्याचा प्रश्नच उद्भवत नसल्याचे सांगितले. दुर्भावनापूर्ण कारवाई केली. उद्या सकाळी 10 वाजता महाविकास आघाडीचे नेते महात्मा गांधींच्या पुतळ्याजवळ आंदोलन करणार आहेत.
दरम्यान, नवाब मलिक यांनी राजीनामा देऊ नये, असे ट्विट शिवसेनेचे ज्येष्ठ नेते संजय राऊत यांनी केले आहे. ते म्हणाले, “महाविकास आघाडीशी समोरा समोर लढता येत नसल्याने पाठीमागून अफझलखानी वार सुरू आहेत..चालू द्या . एक मंत्री कपट करून आत टाकला असे आनंदाचे भरते आले असेल तर येऊद्या. नवाब मलिक यांचा राजीनामा घेऊ नये.. लढत राहू आणि जिंकू. कंस आणि रावण सुध्दा मारले गेले…हेच हिंदुत्व आहे.. जय महाराष्ट्र!”
Big news Nawab Malik to be remanded in ED custody till March 3, PMLA court decision
महत्त्वाच्या बातम्या
- नवाब मलिकांवर ईडी कारवाईचा थेट यूपी निवडणुकीशी संबंध, आमदार रोहित पवार यांनी व्यक्त केला संशय
- Nawab malik ED : राष्ट्रवादीचे मोर्चे ईडी विरोधात? की चौकशीत “कोणाचे” नाव घेऊ नये म्हणून नवाब मलिकांवर दबावासाठी…??
- भुजबळ, देशमुखांच्या अटकेच्या वेळी मोर्चे नाहीत, फक्त नवाब मलिकांच्या ईडी चौकशीच्या वेळी राष्ट्रवादीचे मोर्चे!!; रहस्य काय??
- औरंगाबादच्या घाटी रुग्णालयातील परिचारिकांचे विविध मागण्यांसाठी राज्यव्यापी आंदोलन
- कोरोना ज्या वूहानच्या लँबोरेटरीमधून निघाला त्याचा मालक बिल गेट्स : मेधा पाटकर यांचा घणाघात