वृत्तसंस्था
नवी दिल्ली : भारत बायोटेकने कोरोनाची लस नाकाद्वारे देण्यासाठी पावले उचलली आहेत. त्या लसीची चाचणी आता अखिल भारतीय आयुर्विज्ञान संस्था (AIIMS) येथे सुरू होणार आहे. Another step of anti-corona vaccine; AIIMS to conduct Bharat Botech nasal vaccine phase 2-3 clinical
भारतात कोव्हक्सींन आणि कोव्हिशिल्ड या लसीचे डोस दंडात टोचून दिले जातात. परंतु, आता नाकावाटे लस देण्यासाठी भारत बायोटेकने पुढाकार घेतला आहे. त्या अंतर्गत या चाचण्या केल्या जाणार आहेत. त्या यशस्वी झाल्या की, नागरिकांना थेट नाकाद्वारे ही नवी Nasal Spray Vaccine घेता येणे शक्य होणार आहे.
कोरोना लसीकरण मोहिमेत देशासाठी ही एक आनंदाची बातमी आहे. भारत बायोटेकच्या नेजल लसीच्या (Nasal Spray Vaccine) दुसऱ्या आणि तिसऱ्या टप्प्यातील चाचण्या अखिल भारतीय आयुर्विज्ञान संस्था येथे सुरू होणार आहेत. या चाचणीसाठी गेल्या ऑगस्ट महिन्यात मान्यता मिळाली होती. ही लस नाकाद्वारे दिली जाते. तज्ज्ञांच्या मते काही दिवसांमध्ये कोरोनाविरुद्धच्या लढाईत ही लस अधिक प्रभावी ठरणार आहे.
वृत्तसंस्था एएनआयने माहिती दिली की, लसीची चाचणी पुढील एक किंवा दोन आठवड्यांत सुरू होईल. ही चाचणी एम्सच्या ग्रीन सिग्नलच्या प्रतीक्षेत आहे. या लसीचे प्रिन्सिपल इन्व्हेस्टिगेटर डॉ. संजय राय आहेत. चाचणी दरम्यान, स्वयंसेवकांना नेजल लसीचे दोन डोस ४ आठवड्यांच्या अंतराने दिले जातील. देशात पहिल्यांदाच कोरोनाच्या नाकाद्वारे देण्यात येणाऱ्या लसीचा चाचणी केली जात आहे.
पहिल्या टप्प्यातील परिणाम
दरम्यान, ही लस BBV154 आहे, ज्याची माहिती सेंट लुईसमधील वॉशिंग्टन विद्यापीठातून भारत बायोटेकला मिळाली आहे. पहिल्या टप्प्यात निरोगी स्वयंसेवकांना दिलेल्या लसीचे डोस मानवी शरीराने चांगले स्वीकारले आहेत. तसेच कोणतेही गंभीर प्रतिकूल प्रभावाची माहिती नाही. पूर्व-क्लिनिकल अभ्यासातही ही लस सुरक्षित असल्याचे दिसून आले. प्राण्यांच्या अभ्यासात, लस उच्च पातळीवरील प्रतिपिंडे तयार करण्यात यशस्वी झाली.
किती प्रभावी आहे लस?
शास्त्रज्ञांच्या मते, ही नेजल लस नाकातील म्यूकस मँबरेनचे संरक्षण करेल. यामुळे संपूर्ण पोट किंवा पोटावर विषाणूंपासून संरक्षणात्मक कवच तयार होते. त्यामुळे तज्ज्ञांचा असा विश्वास आहे की. नाकाद्वारे होणारे संसर्ग टाळण्यासाठी कोविड-अनुरूप वर्तन स्वीकारणे फार महत्वाचे आहे.
AIIMS to conduct Bharat Botech nasal vaccine phase 2-3 clinical
महत्त्वाच्या बातम्या
- नांदेड एक झलक होती, सरकार दखल घेत नसेल तर आम्हाला करायचं ते आम्ही करू शकतो, संभाजीराजे छत्रपती यांचा मुख्यमंत्र्यांना इशारा
- कापड उद्योगाला प्रोत्साहनासाठी केंद्र सरकार देणार १०,६३३ कोटी रुपयांचे अनुदान
- सुरक्षा समितीची (सीसीएस) महत्त्वपूर्ण बैठक : चीन-पाकिस्तानला उत्तर देण्यासाठी मोदी सरकारने घेतला महत्त्वाचा निर्णय
- खासदार सुभाष भामरे यांना जाणवला चिकुन गुनियाचा त्रास , वायू सेनेच्या विमानाने मुंबईला हलवले