Fire broke out at Prime Criticare Hospital in Mumbra : राज्यात कोविड सेंटरमध्ये आगीच्या दुर्घटना थांबण्याचे नाव नाही. आता ठाण्यातील मुंब्रा परिसरातील प्राइम क्रिटिकेअर हॉस्पिटलमध्ये बुधवारी पहाटे अचानक भीषण आग लागली. या दुर्घटनेत चार रुग्णांचा मृत्यू झाला, तर 20 रुग्णांना वाचवण्यात यश आले आहे. आगीनंतर आयसीयूमध्ये दाखल झालेल्या सहा रुग्णांना दुसर्‍या रुग्णालयात हलविण्यात आले होते, यादरम्यान त्यातील चार जणांचा मृत्यू झाला. 4 died After Fire broke out at Prime Criticare Hospital in Mumbra Thane
वृत्तसंस्था
ठाणे : राज्यात कोविड सेंटरमध्ये आगीच्या दुर्घटना थांबण्याचे नाव नाही. आता ठाण्यातील मुंब्रा परिसरातील प्राइम क्रिटिकेअर हॉस्पिटलमध्ये बुधवारी पहाटे अचानक भीषण आग लागली. या दुर्घटनेत चार रुग्णांचा मृत्यू झाला, तर 20 रुग्णांना वाचवण्यात यश आले आहे. आगीनंतर आयसीयूमध्ये दाखल झालेल्या सहा रुग्णांना दुसर्‍या रुग्णालयात हलविण्यात आले होते, यादरम्यान त्यातील चार जणांचा मृत्यू झाला.
स्थानिक आमदार व मंत्री जितेंद्र आव्हाड यांनी घटनेची माहिती घेतली. ठाणे महानगर पालिकेने म्हटले की, बुधवारी पहाटे 3.40च्या सुमारास ठाण्यातील मुंब्रा परिसरातील प्राइम क्रिटिकेअर रुग्णालयात भीषण आग लागली. अग्निशमन दलाच्या जवानांनी घटनास्थळी पोहोचून आगीवर नियंत्रण मिळवले. ठाणे महानगरपालिकेने या अपघाताची चौकशी करण्याचे आदेश दिले आहेत. मुख्यमंत्री मदत निधीतून मृतांच्या नातेवाइकांना प्रत्येकी पाच लाख रुपयांची भरपाई जाहीर करण्यात आली आहे.
ठाणे महानगरपालिकेच्या वतीने असे सांगण्यात आले की, रुग्णांना दुसर्‍या रुग्णालयात हलविले जात असताना 4 रुग्णांचा मृत्यू झाला. प्राथमिक चौकशीनुसार ही आग शॉर्टसर्किटमुळे लागली होती, मात्र यामागचे खरे कारण अद्याप समजू शकलेले नाही.
या दुर्घटनेत 4 जणांचा मृत्यू झाल्याचे ज्येष्ठ पोलीस निरीक्षक मधुकर शिवाजी कदम यांनी सांगितले. शवविच्छेदनानंतरच मृत्यूचे कारण कळू शकेल. सुरुवातीला आम्हाला माहिती मिळाली की, रुग्णालयात आत 12 जण आहेत, परंतु येथे आल्यानंतर अधिक रुग्ण आढळले. आमची चौकशी सुरूच आहे. जर कोणी दोषी आढळले तर नक्कीच कारवाई केली जाईल.
4 died After Fire broke out at Prime Criticare Hospital in Mumbra Thane
महत्त्वाच्या बातम्या
- काँग्रेसचे ज्येष्ठ नेते, माजी खासदार एकनाथ गायकवाड यांचे कोरोनामुळे निधन
- …तर २०२२ मध्ये महाराष्ट्रातही होऊ शकते विधानसभा निवडणूक, हे आहे कारण!
- Vaccine Registration : आजपासून १८ वर्षांवरील सर्वांना लसीकरणासाठी रजिस्ट्रेशनची मुभा, अशी करा नोंदणी
- कोरोनाच्या मुकाबल्यासाठी भारताला जगभरातून मदतीचा ओघ सुरु
- ऑक्सिजन निर्मिती ही ‘राष्ट्रीय गरज’, सर्वोच्च न्यायालयाचा स्टरलाइटला हिरवा कंदील