सध्या मुंबईच्या एका जहाजावर छापे टाकण्यात आले,यामध्ये अभिनेता शाहरुख खानचा मुलगा आर्यन खानला ड्रगच्या प्रकरणात अटक करण्यात आली आहे.The government has not ordered the police to keep an eye on NCB officials in Wankhede – Home Minister Dilip Walse Patil
विशेष प्रतिनिधी
मुंबई : महाराष्ट्राचे गृहमंत्री दिलीप वळसे-पाटील यांनी मंगळवारी सांगितले की, राज्य सरकारने NCB झोनल डायरेक्टर समीर वानखेडे यांच्या कारवायांवर नजर ठेवण्याचे आदेश पोलिसांना किंवा इतर कोणत्याही एजन्सीला दिलेले नाहीत.
सध्या मुंबईच्या एका जहाजावर छापे टाकण्यात आले,यामध्ये अभिनेता शाहरुख खानचा मुलगा आर्यन खानला ड्रगच्या प्रकरणात अटक करण्यात आली आहे. वानखेडे यांनी सोमवारी डीजीपीकडे तक्रार केली होती.ज्यात त्यांनी असे सांगितले आहे की दोन पोलीस अधिकारी माझ्या मागे येत आहेत.
प्रसारमाध्यमांशी बोलताना गृहमंत्री वळसे-पाटील म्हणाले, सरकारने पोलीस किंवा राज्य गुप्तचर विभागाला समीर वानखेडेचा पाठलाग करण्याचे कोणतेही आदेश दिलेले नाहीत. त्यांनी डीजीपीकडे तक्रार केल्याचे मी ऐकले आहे.आम्ही याकडे लक्ष देऊ. गृहमंत्री म्हणाले, मला वाटत नाही की पोलीस त्याच्यावर लक्ष ठेवून आहेत.
नार्कोटिक्स कंट्रोल ब्युरोच्या आणखी एका अधिकाऱ्याने सोमवारी दावा केला होता की, 2015 मध्ये समीर वानखेडे यांच्या आईच्या मृत्यूनंतर ज्या स्मशानभूमीत दफन करण्यात आले त्या परिसरातील कब्रस्तानला ओशिवरा पोलीस स्टेशनचे दोन अधिकाऱ्यांनी भेट दिली होती. त्याचबरोबर दोन्ही पोलीस अधिकाऱ्यांनी सीसीटीव्ही फुटेज गोळा केले.
पोलीस अधिकाऱ्यांनी सांगितले की, वानखेडे या स्मशानभूमीला नियमित भेट देतात. त्या अधिकाऱ्याने म्हटले होते की एनसीबीच्या प्रादेशिक संचालकांनी नंतर त्यांच्या हालचालींवर लक्ष ठेवले जात असल्याची तक्रार नोंदवली होती आणि त्यांच्या दाव्याच्या समर्थनार्थ ओशिवरा स्मशानभूमीचे सीसीटीव्ही फुटेज दिले होते.समीर वानखेडे यांनी अभिनेता सुशांत सिंह राजपूतच्या मृत्यूशी संबंधित 2020 च्या ड्रग्स प्रकरणाची देखील चौकशी केली होती.
The government has not ordered the police to keep an eye on NCB officials in Wankhede – Home Minister Dilip Walse Patil
महत्त्वाच्या बातम्या
- ऐन दसरा – दिवाळीच्या तोंडावर सिलिंडर दरवाढीने ग्राहक गॅसवर, वर्षात तीनशे रुपयांची दरवाढ
- कोरोनाच्या काळात सर्वात धडाडीचे काम योगी सरकारचे, ऑक्सिजन कमतरतेवर यशस्वी मात, कानपुर आयआयटीकडून कौतुक
- केंद्रीय गृहमंत्री अमित शाह यांनी जम्मू -काश्मीरमध्ये नवीन युग आणले, मानवाधिकार संस्थेचे प्रमुख न्यायमूर्ती अरुण मिश्रा यांच्याकडून कौतुक
- कोव्हिशिल्डची ‘ब्लूप्रिंट’ चोरून रशियान बनविली ‘स्पुटनिक’ लस, ब्रिटनचा खळबळजनक आरोप