आदित्य ठाकरेंसाठी आपली जागा सोडणाऱ्या सुनील शिंदे यांना विधान परिषदेवर पाठवण्याचा निर्णय शिवसेनेने घेतला आहे. शिवसेनेच्या सूत्रांकडून मिळालेल्या माहितीनुसार विधान परिषदेच्या सहा जागांसाठी निवडणूक होत आहे. शिवसेनेकडून सुनील शिंदे, सचिन अहिर आणि वरुण सरदेसाई यांच्या नावाची चर्चा होती. मात्र, आता सुनील शिंदे यांच्या नावावर शिक्कामोर्तब झाल्याचे मानले जात आहे. शिवसेनेने सुनील शिंदे यांना उमेदवारी देऊन माजी पर्यावरण मंत्री आणि शिवसेनेचे ज्येष्ठ नेते रामदास कदम यांना इशाराच दिला आहे. sunil shinde candidature for legislative council from shiv sena
विशेष प्रतिनिधी
मुंबई : आदित्य ठाकरेंसाठी आपली जागा सोडणाऱ्या सुनील शिंदे यांना विधान परिषदेवर पाठवण्याचा निर्णय शिवसेनेने घेतला आहे. शिवसेनेच्या सूत्रांकडून मिळालेल्या माहितीनुसार विधान परिषदेच्या सहा जागांसाठी निवडणूक होत आहे. शिवसेनेकडून सुनील शिंदे, सचिन अहिर आणि वरुण सरदेसाई यांच्या नावाची चर्चा होती. मात्र, आता सुनील शिंदे यांच्या नावावर शिक्कामोर्तब झाल्याचे मानले जात आहे. शिवसेनेने सुनील शिंदे यांना उमेदवारी देऊन माजी पर्यावरण मंत्री आणि शिवसेनेचे ज्येष्ठ नेते रामदास कदम यांना इशाराच दिला आहे.
शिवसेनेने सुनील शिंदे यांच्या नावावर शिक्कामोर्तब केले नसले तरी शिंदे यांना संधी मिळणार असल्याचे मानले जात आहे. हे राम कदम यांच्या दृष्टीकोनातून देखील केले गेले आहे कारण नुकतीच त्यांची एक व्हिडिओ क्लिप व्हायरल झाली आहे ज्यामध्ये ते काही आरआयटी कार्यकर्त्यांशी शिवसेना नेते आणि महाराष्ट्र सरकारमधील मंत्री अनिल परब यांच्या विरोधात बोलताना दिसून आले.
आदित्य ठाकरेंसाठी सोडली जागा
महाराष्ट्र विधानसभा निवडणुकीत सुनील शिंदे वरळी मतदारसंघातून विजयी झाले. मात्र, २०१९ च्या विधानसभा निवडणुकीत शिवसेनेने आदित्य ठाकरे यांना उमेदवारी देण्याचा निर्णय घेतला होता. त्यामुळे सुनील शिंदे यांनी आदित्य ठाकरेंसाठी वरळीची जागा सोडली होती. त्यानंतर शिंदे संघटनात्मक कामात गुंतले.
कोण आहेत सुनील शिंदे?
सुनील शिंदे 2007 साली मुंबई महापालिकेवर निवडून आले होते. ते बेस्ट समितीचे अध्यक्षही राहिले आहेत. 2014 मध्ये त्यांनी सचिन अहिर यांचा पराभव केला आणि वरळीतून आमदार म्हणून निवडून आले. या निवडणुकीत त्यांना ६० हजार ६२५, तर सचिन अहिर यांना ३७६१३ मते मिळाली. 2015 मध्ये त्यांच्याकडे उत्तर अहमदनगरच्या संपर्क प्रमुखपदाची जबाबदारीही देण्यात आली होती. ते ठाकरे घराण्याच्या विश्वासू लोकांपैकी एक मानले जातात.
रामदास कदमांना धक्का!
शिवसेनेने यावेळी रामदास कदम यांना विधान परिषदेवर न पाठवण्याचा निर्णय घेतल्याचे मानले जात आहे. परिवहन मंत्री अनिल परब यांच्या विरोधात भाजप नेते किरीट सोमय्या यांना रामदास कदम यांनीच पुरावे दिल्याचे बोलले जात आहे. त्यामुळे कदम यांचा विधान परिषदेतून पत्ता कट झाल्याचे सूत्रांनी सांगितले.
sunil shinde candidature for legislative council from shiv sena
महत्त्वाच्या बातम्या
- वरूण गांधी भाजप सोडून तृणमूळ काँग्रेसमध्ये जाणार??… ही फक्त भाजपवरची नाराजी की अन्य काही…??
- प्रियांका गांधींनी पीएम मोदींना लिहिले पत्र, म्हणाल्या- लखीमपूर पीडितांनाही न्याय मिळावा, गृह राज्यमंत्र्यांसोबत स्टेजही शेअर करू नका!
- अहमदनगर : सेंट्रल एक्सलन्स इन्सि्टट्यूट उभारले जाणार ,३० कोटी रुपये खर्च ; उच्च तंत्रशिक्षणमंत्री उदय सामंत यांनी दिली माहिती
- दुबईमध्ये वर्ल्ड एक्सपोचे आयोजन ; महाराष्ट्राचे सांस्कृतिक वैभव वेगवेगळ्या स्वरूपात सादर करण्यात येणार
- वेळेच्या चौकटीशिवाय भरतीप्रक्रिया व्यर्थ, सर्वोच्च न्यायालयाने सुनावले
- ‘मन ही मन तुझे चाहा…’ अमृता फडणवीस यांचं नवं गाण झालं लॉन्च ; चाहत्यांनी दिला मोठा प्रतिसाद
- शिवसेना नेते अर्जुन खोतकर यांनी केला १०० कोटींचा घोटाळा, किरीट सोमय्या यांचा आरोप
- पाकिस्तानातून चीनला जाणारे रेडिओॲक्टिव्ह पदार्थ मुंद्रा पोर्टवर जप्त, कस्टम आणि महसूल गुप्तचर विभागाची कारवाई