या राजकीय भूकंपावर भाष्य करत अनेक कलाकारांच्या खोचक बोचक पोस्ट व्हायरल
विशेष प्रतिनिधी
पुणे :रविवारी महाराष्ट्राच्या राजकारणाला मोठा सुरुंग लागला. राष्ट्रवादी पक्षात महा भूकंप झाला आणि त्याचे झटके जनसामान्यांसोबतच मनोरंजन विश्वालाही बसले.राष्ट्रवादी काँग्रेस पक्षाचे ज्येष्ठ नेते अजित पवार यांनी राष्ट्रवादी पक्षाच्या आमदार यांना सोबत घेत शिंदे फडणवीस सरकारला पाठिंबा दिला. आणि त्यासोबत राजभवनात उपमुख्यमंत्री पदाची शपथ घेतली. त्यांच्यासोबत इतर नऊ आमदारांनी देखील मंत्रीपदाची शपथ घेतली आणि शिंदे फडणवीस सरकारमध्ये ते सामील झाले.Sunday’s political drama, artists poured through social media.
हा सगळा जो काल पवार ड्रामा सुरू होता. तो एखाद्या सिनेमालाही लाजवेल इतक्या ताकदीचा होता.घडणाऱ्या या एकंदरीतच सगळ्या राजकीय घडामोडींबाबत मनोरंजन विश्वात कार्यरत असणाऱ्या अनेक सेलिब्रिटीज नी या सगळ्या घडामोडींबाबत भाष्य केलं आहे.
सोनाली कुलकर्णी, शरद पोंक्षे, स्वप्नील जोशी, हेंमत ढोमे अशा अनेक कलाकारांनी आपल्या समाज माध्यमातून पोस्ट शेयर केल्या आहेत.अभिनेते शरद पोंक्षे यांनी अतिशय संतप्त शब्दात आपली प्रतिक्रिया व्यक्त केली. ते म्हणतात ” तत्व वैचारिक, बैठक, नीतिमत्ता हे शब्द आज वारलेत. ”
अचानक झालेल्या राजकिय घडामोडींवर प्रतिक्रिया देत सोनाली कुलकर्णीनेही इंस्टाला स्टोरी टाकली आहे, ती तिच्या स्टोरीत म्हणते की, ‘पाऊस आणि भूकंप एकत्र? हे चाललंय तरी काय?’तर दुसरीकडे “भेळ हवीये भेळ ???? सर्वोत्तम भेळ आमच्या महाराष्ट्रात मिळेल !!!!”
असं ट्वीट करत तेजस्विनी पंडितही चर्चेत आली होती. तर सुबोध भावे ने मी जरा एक दिवस मुंबईच्या बाहेर काय गेलो…..क्रमश: असं म्हणत चिमटा काढला आहे. महाराष्ट्राच्या राजकीय परिस्थितीवर अभिनेता हेमंत ढोमे याने पोस्ट शेयर केली. तो आपल्या ट्वीटमध्ये म्हणतो की, “खेळ तर आता सुरु झालाय…” तर दुसरीकडे स्वप्नील जोशीनेही कोणत्याही राजकिय पक्षाचा उल्लेख न करता एक सुचक पोस्ट केली आहे. त्यात तो म्हणतो, “उत्तम पटकथा लिहिण्याची कला”आता कलाकरांच्या या ट्वीटवर आणि पोस्टवर नेटकरी प्रतिक्रिया देत आहे.
Sunday’s political drama, artists poured through social media.
महत्वाच्या बातम्या
- यशवंतराव समाधी जवळ पवारांचा अजितदादांचे नाव न घेताच भाजपवर टीकेचा रोख; कार्यकर्त्यांमध्ये संभ्रम!!
- बंगालमध्ये पंचायत निवडणुकीपूर्वी राजकारण तापले, तृणमूल नेते मदन मित्रा यांनी राज्यपालांना ‘असुर’ म्हटले, भाजपचा पलटवार
- Script 2 : म्हणे, अजितदादांना मुख्यमंत्री पदाचा शब्द; मग पवार अजितदादांना राष्ट्रवादीतच ठेवून मुख्यमंत्री का नाही करू शकले??
- Script 1 : पोस्टर्सवर पवारांचे फोटो लावा अजितदादांचे आदेश; चिन्ह गेलं तरी चालेल, आम्ही जनतेच्या कोर्टात जाऊ!!; पवारांकडून पक्ष अजितदादांकडे सरेंडर!!