राजर्षि शाहूंच्या कोल्हापुरात रविवारी सामाजिक न्याय परिषदेचे आयोजन

प्रतिनिधी

कोल्हापूर : राजर्षी छत्रपती शाहू महाराज यांच्या जयंती निमित्त राज्यस्तरीय सामाजिक न्याय परिषद २०२३ चे आयोजन करण्यात आले आहे. विवेक विचार मंच सहयोगी संस्था आणि शिवाजी विद्यापीठ यांच्या संयुक्त विद्यमाने ‘सामजिक न्याय दिनाच्या’ औचित्याने ही एक दिवसीय परिषद होणार आहे. येत्या रविवारी २५ जूनला विद्यापीठातील राजर्षी शाहू सभागृहात सकाळी १० वाजता परिषदेचे उद्घाटन होणार आहे. कामगारमंत्री सुरेश खाडे यांच्या हस्ते उद्घाटन होणार आहे. Rajarshi Shahu organized Social Justice Conference in Kolhapur on Sunday

▪️  डॉ. बाबासाहेब आंबेडकर संशोधन व प्रशिक्षण संस्था बार्टीचे महासंचालक सुनील वारे, विवेक विचार मंच आणि भारत इतिहास संशोधक मंडळाचे अध्यक्ष माजी खासदार प्रदीप रावत, छत्रपती राजर्षी शाहू महाराजांच्या जनक घराण्याचे वंशज समरजितसिंह घाटगे, शिवाजी विद्यापीठाचे कुलगुरू, प्रा. डॉ. डी. टी. शिर्के यावेळी उपस्थित राहणार आहेत.

▪️  बुलढाणा येथील दौलतराव खरात,बीड येथील वाल्मीक निकाळजे, नाशिक येथील योगेश शिंदे इचलकरंजी येथील प्रा. डॉ. अमर कांबळे यांना या परिषदेत राजर्षी छत्रपती शाहू महाराज सामाजिक न्याय पुरस्कार २०२३ने सन्मानित करण्यात येणार आहे.

▪️  विवेक विचार मंच ही संस्था महराष्ट्रात सामाजिक विषयात कार्यरत असून भारतीय संविधान तसेच विविध वैचारिक विषयात प्रबोधन तसेच सामाजिक न्यायाच्या विषयात काम करते. गेली तीन वर्षे राज्यस्तरावर सामाजिक न्याय परिषदेचे आयोजन केले जाते. या परिषदेत राज्यभरातून सामाजिक संस्था संघटनांचे प्रतिनिधी, सामाजिक कार्यकर्ते सहभाग घेतात. भारतीय संविधानाला अपेक्षित सामजिक न्याय, समताधिष्ठित, बंधुभावपूर्ण समाजनिर्मितीच्या उद्देशाने सामाजिक न्याय परिषदेचे आयोजन केले जाते.या परिषदेला महाराष्ट्रातून साधारण २०० संस्था संघटनांचे ३५० प्रतिनिधी आणि सामाजिक कार्यकर्ते सहभागी होणार आहेत.

▪️ दिवसभराच्या परिषदेत एकूण तीन सत्र होणार आहेत. त्यात प्रामुख्याने वंचित घटकांचे समाजिक न्याय – हक्काचे प्रश्न, सामाजिक अन्याय अत्याचाराच्या आणि तणावाच्या घटना,विविध समस्या आणि त्यांचे निराकरण या अनुषंगाने मान्यवरांचे मार्गदर्शन तसेच चर्चा, संवाद होईल. दोन ठराव या परिषदेत पारित करणार आहेत.

Rajarshi Shahu organized Social Justice Conference in Kolhapur on Sunday

महत्वाच्या बातम्या 

• फडणवीसांची पॉप्युलरिटी, भाजपची सलग तिसऱ्यांदा शंभरी, ही तर पवारांची राजकीय कंबख्ती!!
• Maharashtra Drone Mission : देशातील पहिले ड्रोन धोरण आणि इकोसिस्टम महाराष्ट्राने तयार करावे – फडणवीस
• इतरांना गद्दार म्हणणाऱ्या उद्धव ठाकरेंचीच खरी गद्दारी; देवेंद्र फडणवीसांचे शरसंधान
• तीच कॅसेट वाचवू नका, निदान स्क्रिप्ट रायटर तरी बदला; एकनाथ शिंदेंचा उद्धव ठाकरेंना टोला