• Download App
    डीम्ड कन्व्हेयन्स आणि मालकी हक्क याबाबत रविवारी औंधमध्ये चर्चासत्र|Seminar on Deemed Convenience and Ownership in Aundh on Sunday

    डीम्ड कन्व्हेयन्स आणि मालकी हक्क याबाबत रविवारी औंधमध्ये चर्चासत्र

    विशेष प्रतिनिधी

    पिंपरी : शहरांमधील हजारो गृहनिर्माण संस्थांना विकसकाच्या कडून डीम्ड कन्व्हेयन्स आणि जागेचा मालकी हक्क देण्याबाबत टाळाटाळ केली जाते. पुणे व पिंपरी चिंचवड तसेच पुण्याच्या उपनगरी भागातील विशेषता मावळ, मुळशी तालुक्यातील हजारो गृहनिर्माण संस्था अद्यापही डीम्ड कन्व्हेयन्स आणि मालकी हक्क पासून वंचित आहेत.Seminar on Deemed Convenience and Ownership in Aundh on Sunday

    यासाठी अनेक कागदपत्रांची पूर्तता करावी लागते. याबाबत गृहनिर्माण संस्थांना मार्गदर्शन करण्यासाठी रविवारी दि. २७ फेब्रुवारी रोजी औंध येथील भारतरत्न पंडित भीमसेन जोशी कला मंदिर येथे सायंकाळी ५ वाजता “गृहनिर्माण संस्था यांचे मानीव अभिहस्तांतरण व मालकी हक्क” यावर चर्चासत्राचे आयोजन करण्यात आले आहे अशी माहिती कार्यक्रमाच्या मार्गदर्शिका ॲड. अंजली कलंत्रे यांनी प्रसिद्धीस दिली आहे.



    महा – रेरा अंतर्गत डीम्ड कन्व्हेन्स संस्था नोंदणी आणि जागेचा मालकी हक्क मिळण्यासाठी शासकीय तरतुदी त्याचे फायदे व यात येणाऱ्या अडचणी याबाबत भागधारकांशी या चर्चासत्रात जिल्हा उपनिबंधक सहकारी संस्था पुणे एन. व्ही. आघाव आणि सहाय्यक निबंधक सहकारी संस्था पुणे शहर एन. ए. अनपट – भोसले संवाद साधणार आहेत.

    तसेच यावेळी कार्यक्रमाचे मार्गदर्शक ॲड. अंजली कलंत्रे तसेच उपनिबंधक सहकारी संस्था पुणे शहर स्नेहा जोशी या मार्गदर्शन करणार आहेत. कायझेन मीडियाच्या समन्वयक शिल्पा देशपांडे या संवाद साधणार आहेत. हा कार्यक्रम सर्वांसाठी मोफत असून या कार्यक्रमास येताना नागरिकांनी आपल्या गृहनिर्माण संस्थेशी संबंधित असणाऱ्या कागदपत्रांची फाईल घेऊन यावे असे आवाहन संयोजिका शिल्पा देशपांडे यांनी केले आहे. मावळ, मुळशी, औंध, पुणे शहर आणि पिंपरी चिंचवड शहर परिसरातील गृहनिर्माण संस्थांच्या पदाधिकारी व भागधारकांनी या कार्यक्रमाचा लाभ घ्यावा असे आवाहन संयोजकांच्या वतीने केले आहे.

    Seminar on Deemed Convenience and Ownership in Aundh on Sunday

    महत्त्वाच्या बातम्या

    Related posts

    नागपूरकरांची स्वप्नपूर्ती; आर्थिक दुर्बल‌ घटकांना 480 घरे वाटप; महाराष्ट्र बेघरमुक्त करण्याच्या दिशेने मार्गक्रमण

    काका – पुतण्याच्या महत्त्वाकांक्षांचे फुगेच मोठे; पण राजकीय कर्तृत्वात काटेच काटे!!

    बारामतीतून कर्जत जामखेड मध्ये “घुसलेल्या” रोहित पवारांची घसरण सुरूच, कर्जत दूध संघाची निवडणूक बिनविरोध राम शिंदेंचा रोहित पवारांना धोबीपछाड!!