विशेष प्रतिनिधी
मुंबई : कोणत्याही प्रवर्गातील आरक्षणाला धक्का न लावता मराठा समाजाला आरक्षण देण्याची घोषणा आज माजी मुख्यमंत्र्यांनी केली होती. त्याचे काय झाले? त्यासाठी काय करत आहात? कधीपर्यंत आरक्षण देताय, हे समाजाला सांगा. त्यांना वेठीस धरून रस्त्यावर उतरायला लावू नका. आता घोषणा नकोय, लवकरात लवकर प्रत्यक्ष कृती करा, असा इशारा संभाजीराजे छत्रपती यांनी दिला आहे.Sambhaji Raje Chhatrapati warns Chief Minister, Tell me when to make a reservation, don’t hold on to the road
मराठा क्रांती मोर्चाच्या 5 व्या वर्धपान दिनानिमित्त हर्सूल येथील मधुरा लॉन्समध्ये मेळावा आयोजित करण्यात आला होता. यावेळी संभाजीराजे म्हणाले, १९०२ मध्ये छत्रपती शाहू महाराजांनी वंचित बहुजनांना आरक्षण लागू केले होते. पण गोरगरीब मराठा समाजाला यापासून वंचित ठेवण्यात आले. त्यांचा हक्क मिळवून देण्यासाठी मी २००७ पासून प्रामाणिकपणे प्रयत्न करत आहे.
- आरक्षणाबाबत प्रश्न विचारायचे असतील तर मला मुख्यमंत्री करा, संभाजीराजे छत्रपती यांचे बीडमध्ये वक्तव्य
महाराष्ट्र पिंजून काढला आहे. संसदेत सर्वप्रथम मराठा आरक्षणासाठी मीच आवाज उठवला. १२७ वी घटना दुरूस्तीवर परखड मत मांडले. उर्वरित खासदार गप्प होते. त्यांनी असे तोंडावर बोट ठेवायला नको. आग्रा भेटीत छत्रपती शिवाजी महाराजांनी औरंगजेबच्या दरबारात अन्याय विरोधात आवाज उठवला होता. तसेच मराठा समाजावर होणाºया अन्याय विरोधात मी संसदेत एकटा बोललो व पुढेही बोलत राहील. तुम्ही कोणत्याही पक्षात असू द्या, समाजासाठी मात्र, एकत्रित येण्याची त्यांनी आवाहन केले.
मराठा सेवा संघाचे संस्थापक अध्यक्ष डॉ. पुरुषोत्तम खेडेकर यांनी शिव धर्म यात्रा काढली होती तेव्हा त्यांच्या सोबत होतो, आजही आहे. जेथे शिव, शाहू, फुले, आंबेडकरांचे व समाजहिताचे काम आहे तेथे मी सर्वांसोबत असल्याचे त्यांनी सांगितले. मनसे प्रमुख राज ठाकरे यांना इतिहासाबाबत प्रश्न विचारले पाहिजे असेही ते म्हणाले.
फडणवीस मुख्यमंत्री असताना म्हणाले होते की, इतर कोणत्याही आरक्षणाला धक्का न लावता मराठा समाजाला आरक्षण दिले जाईल. तसेच विद्यमान मुख्यमंत्री ठाकरे यांनी तिच घोषणा केली. त्यामुळे आपण आरक्षण कशातून हवे हे सांगत बसू नका व मतभेद न ठेवता, त्या सत्ताधारी व विरोधकांनी बोलल्याप्रमाणे कुठल्याही आरक्षणाला धक्का न लावता तातडीने मराठा समाजाला आरक्षण द्यावे, असे आवाहन केले.
Sambhaji Raje Chhatrapati warns Chief Minister, Tell me when to make a reservation, don’t hold on to the road
महत्त्वाच्या बातम्या
- ‘प्रायव्हेट पार्ट’मधून महिलांनी केली किलोभर सोन्याची तस्करी
- आघाडीमुळे तिन्ही पक्षांचा श्वास कोंडला, भाजपाला विस्ताराची संधी
- हिंदू प्रतीकांना विराेध करण्यात दलितांनी वेळ दवडू नये ; सरस्वती सन्मान विजेते शरणकुमार लिंबाळे
- जैश ए मोहम्मद, लष्कर ए तय्यबा, हक्कानी नेटवर्कचा सुरक्षा समितीत भारताकडून पर्दाफाश; परराष्ट्रमंत्री एस. जयशंकर यांची सफल अध्यक्षता