प्रतिनिधी
मुंबई : मिशी कापणे, हातपाय तोडणे यानंतर आता संभाजी भिडे गुरुजींना काँग्रेसच्या माजी राज्यमंत्र्याची थेट खुनाची धमकी दिली आहे. Sambhaji Bhide has now received a direct death threat from the former Congress Minister of State
महात्मा गांधी, महात्मा फुले आदी महापुरुषांविषयी संभाजी भिडे यांनी वादग्रस्त वक्तव्ये केल्यानंतर अमरावती पोलिसांनी त्यांच्याविरुद्ध गुन्हा दाखल केला आहे. त्यांना नोटीस धाडली आहे. या संदर्भात राष्ट्रवादीचे आमदार जितेंद्र आव्हाड यांनी देखील ठाण्यात संभाजी भिडे यांच्या विरोधात गुन्हा दाखल करून तो गुन्हा अमरावती पोलीस ठाण्यात वर्ग केला आहे.
उपमुख्यमंत्री देवेंद्र फडणवीस यांनी ही माहिती दिली. त्याचबरोबर संभाजी भिडे गुरुजी हिंदुत्वाचे काम करत असले तरी कोणत्याही महापुरुषाची बदनामी करण्याचा अधिकार त्यांना नाही. त्यांनी बदनामीकारक वक्तव्य केली असतील, तर त्यांच्याविरुद्ध कायदेशीर कारवाई केली जाईल, अशी ग्वाही फडणवीसांनी आज विधानसभेत दिली.
मात्र दरम्यानच्या काळात संभाजी भिडे गुरुजींना मिशी कापणे, हातपाय तोडणे अशा धमक्याही आल्या. त्यानंतर आता माजी राज्यमंत्री सुबोध सावजी यांनी संभाजी भिडे गुरुजींचा खून करण्याची धमकी दिली आहे. तसे पत्र त्यांनी उपमुख्यमंत्री देवेंद्र फडणवीस यांना पाठविले आहे. संभाजी भिडे गुरुजींना अटक केली नाही, तर मी त्यांचा मर्डर करीन. त्याची जबाबदारी गृहमंत्री म्हणून आपल्यावर राहील, अशी धमकी सुबोध सावजी यांनी या पत्रात दिली आहे.
सुबोध सावजी हे 1978 पासून 1995 पर्यंत आमदार होते. तसेच 1991 ते 93 या काळात काँग्रेस सरकारमध्ये राज्यमंत्री होते.
Sambhaji Bhide has now received a direct death threat from the former Congress Minister of State
महत्वाच्या बातम्या
- पॉक्सो प्रकरणात बृजभूषण यांना दिलासा; अल्पवयीन कुस्तीपटूला दिल्ली पोलिसांच्या क्लोजर रिपोर्टवर हरकत नाही
- देशातील 4001 आमदारांकडे 54,545 कोटी रुपयांची संपत्ती, ईशान्येतील 3 राज्यांच्या बजेटपेक्षाही जास्त
- हरियाणा हिंसाचाराची धग राजस्थानपर्यंत पोहोचली; उत्तर प्रदेशातही अलर्ट जारी, 5 ठार
- विरोधकांच्या’I.N.D.I.A’ची आज पहिली अग्निपरीक्षा; दिल्ली सेवा विधेयकावर लोकसभेत चर्चा होणार