• Download App
    ...म्हणून रामदास आठवलेंची राहुल गांधींविरोधात निवडणूक आयोगाकडे तक्रार!|Ramdas Athawales complaint to Election Commission against Rahul Gandhi

    …म्हणून रामदास आठवलेंची राहुल गांधींविरोधात निवडणूक आयोगाकडे तक्रार!

    राहुल गांधींनी भारत जोडो यात्रा केली होती पण त्यांची यात्रा ही भारत तोडो यात्रा होती, असंही आठवलेंनी म्हटलं आहे.


    विशेष प्रतिनिधी

    नवी दिल्ली : केंद्रीय मंत्री रामदास आठवले यांनी काँग्रेस नेते राहुल गांधी यांच्याविरोधात निवडणूक आयोगाकडे तक्रार केली आहे. देशात आरक्षण हटवण्याबाबत केंद्र सरकारविरोधात भ्रामक प्रचार, वक्तव्ये आणि बिनबुडाचे आरोप केल्याप्रकरणी राहुल यांच्यावर कायदेशीर कारवाई करण्याची मागणी त्यांनी केली आहे.Ramdas Athawales complaint to Election Commission against Rahul Gandhi



    आठवले म्हणाले की, पंतप्रधान नरेंद्र मोदी भारतीय राज्यघटनेला सर्वोच्च सन्मान देऊन बाबासाहेब डॉ. भीमराव आंबेडकर यांचा आदर्श व विचार पुढे नेण्याचे काम करत आहेत, मात्र काँग्रेस नेते राहुल गांधी यांच्यासह इंडीया आघाडीचे नेते देशाच्या संविधानाला धोका असल्याचे सार्वजनिक सभांमध्ये सांगत आहेत. विरोधी पक्षांचे नेते पंतप्रधान मोदींच्या विरोधात जनतेमध्ये हा अपप्रचार करत आहेत की भाजपला निवडणुकीत 400 जागा जिंकायच्या आहेत जेणेकरून ते संविधान बदलू शकतील. पंतप्रधान मोदी यांच्यावर खोटे आरोप करून त्यांची प्रतिमा मलिन करून इंडी आघाडी केवळ आपले राजकीय हित साधत आहे.

    आठवले म्हणाले की, राहुल गांधींनी भारत जोडो यात्रा केली होती पण त्यांची यात्रा ही भारत तोडो यात्रा होती. काँग्रेस पक्षाने नेहमीच देशविरोधी शक्तींना प्रत्यक्ष किंवा अप्रत्यक्षपणे पाठिंबा दिला आहे. देशात प्रदीर्घ काळ सत्तेत राहूनही एससी, एसटी, ओबीसी, शेतकरी, मजूर, वंचित आणि इतर वर्गांना न्याय देण्यात काँग्रेस पूर्णपणे अपयशी ठरली आहे.

    केंद्र सरकारने महिला आरक्षण विधेयक मंजूर करून महिलांना आरक्षण देण्याचे काम केले. भारतीय राज्यघटनेला कोणाकडूनही धोका नाही आणि एनडीए सरकारने संविधानाच्या माध्यमातून लोककल्याणकारी योजनांच्या माध्यमातून समाजाच्या शेवटच्या टोकावर उभ्या असलेल्या लोकांसाठी नेहमीच कल्याणकारी काम केले आहे. असंही रामदास आठवलेंनी सांगितलं आहे.

    Ramdas Athawales complaint to Election Commission against Rahul Gandhi

    महत्वाच्या बातम्या

    Related posts

    Thackrey brothers तारीख बदलून मोर्चा हिंदी सक्तीच्या विरोधासाठी, की ठाकरे बंधूंच्या ऐक्यासाठी??

    Shaktipeeth Expressway शक्तिपीठ मार्गावरून फडणवीसांच्या धमकीमुळे पवारांची झोप उडाली; पण मोदींनी त्यात लक्ष घातल्यावर पवारांचे काय उडेल??

    माळेगावची निवडणूक शरद पवारांनीच अजितदादांना जिंकून दिल्याची मराठी माध्यमांची टिमकी; प्रत्यक्षात पवारांची ताकद मते फोडण्यापुरतीच उरली!!