विशेष प्रतिनिधी
अंधेरी – शरीरसौष्ठवपटू मनोज पाटीलने आत्महत्येचा प्रयत्न केल्याप्रकरणी अभिनेता साहिल खानसह जुनेद कालिवाला, रुबल दंडकर आणि राज फौजदार यांच्याविरुद्ध ओशिवरा पोलिसांनी गुन्हा नोंदवला आहे. लवकरच या चौघांची पोलिसांकडून चौकशी केली जाणार असून त्यानंतर अटकेची कारवाई केली जाईल, असे पोलिसांनी सांगितले. Police booked actor sahil khan and four others
जोगेश्वरी येथील रहिवासी असलेला मनोजने शरीरसौष्ठव स्पर्धेतील ‘मिस्टर इंडिया मेन्स फिजिक ओव्हरऑल चॅम्पिशियनशिप’ हा किताब पटकाविला होता. गेल्या काही दिवसांपासून त्याचा अभिनेता साहिल खानसोबत वाद सुरू होता. याच वादातून मनोजने त्याच्यावर गंभीर आरोप केले होते. साहिलकडून वारंवार धमक्या दिल्या जात असल्याने मनोज गेल्या काही दिवसांपासून प्रचंड मानसिक तणावात होता. त्यातून मनोजने आत्महत्येचा प्रयत्न केला होता. सध्या मनोजवर कूपर रुग्णालयात उपचार सुरू असून त्याची प्रकृती आता स्थिर आहे.
मनोजने लिहिलेल्या सुसाईड नोटमध्ये साहिलवर गंभीर आरोप केले होते. या प्रकरणी मनोजने दिलेल्या जबाबानुसार पोलिसांनी अभिनेता साहिल खान, त्याचे तीन सहकारी रुबल दंडकर, राज फौजदार आणि जुनेद कालिवाला या चौघांविरुद्ध आत्महत्येस प्रवृत्त करणे, सोशल मीडियावर बदनामी करून धमकी देणे आदी प्रकरणी गुन्हा नोंदवण्यात आला.
Police booked actor sahil khan and four others
महत्त्वाच्या बातम्या
- डोंबिवलीत पाण्यापाई तरुणीचा हात मोडला कल्याण-डोंबिवलीत २७ गावे तहानलेली
- दोन प्रौढ व्यक्तींना धर्माचा विचार न करता जोडीदार निवडण्याचा अधिकार, अलाहाबाद हायकोर्टाचा निर्वाळा
- फौजदारी खटल्यांची चुकीची माहिती देणे महागात पडणार, सुप्रीम कोर्टाची कठोर भूमिका, अशा कर्मचाऱ्यांना नियुक्तीचा हक्क नाही
- मोठी बातमी : मुख्यमंत्रिपदाचा राजीनामा देण्यासोबतच काँग्रेस पक्षाचाही राजीनामा देऊ शकतात कॅप्टन अमरिंदर; पंजाब काँग्रेसमध्ये राजकीय भूकंप