पुणे : सोलापूर महामार्गावर विद्यार्थ्यांना उरूळी कांचन येथील विद्यालयात सोडण्यासाठी जाणा-या एका रिक्षाला भरधाव पिकअपने पाठीमागून धडक दिल्याने रिक्षामधील जवळपास ११ विद्यार्थी आणि रिक्षाचालक जखमी झाल्याची घटना सोमवारी सकाळी घडली आहे. On pune – solapur road school auto crashed pickup Jeep, ११ students injured in accident
विशेष प्रतिनिधी
पुणे : पुणे – सोलापूर महामार्गावर विद्यार्थ्यांना उरूळी कांचन येथील विद्यालयात सोडण्यासाठी जाणा-या एका रिक्षाला भरधाव पिकअपने पाठीमागून धडक दिल्याने रिक्षामधील जवळपास ११ विद्यार्थी आणि रिक्षाचालक जखमी झाल्याची घटना सोमवारी सकाळी घडली आहे. जखमी विद्यार्थ्यांवर खाजगी रुग्णालयात उपचार सुरु आहे. सुदैवाने या अपघातात जीवीतहानी झाली नाही.
पोलीसांनी दिलेल्या माहितीनुसार, या अपघातात संदिप कोळपे (रा. बोरी भडक, ता. दौंड , जि. पुणे) हा रिक्षा चालक गंभीर जखमी झाला आहे. तर अंकुश येलभारे (वय १३), मानसी चंद्रमोहन कोळपे (वय १५), भक्ती बापुराव शिंदे (१५), वैष्णवी आप्पासाहेब गव्हाणे, तनुजा चंद्रमोहन कोळपे (१०), मयूरी शिंदे (वय १०), अमर शिंदे (वय १२), हर्षल वाघमारे (वय १४ , सर्व रा. बोरीभडक, ता. दौंड, जि. पुणे) असे अपघात जखमी झालेल्या विद्यार्थ्यांची नावे आहेत. यातील काही विद्यार्थी हे महात्मा गांधी महाविद्यालयात तर एक विद्यार्थिनी वैष्णवी ढवळे ही स्वामी विवेकानंद विद्यालयातील इयत्ता आठवीत शिकणारी आहे.
शाळा सुरु झाल्यापासून हे विद्यार्थी नेहमीप्रमाणे बोरीभडक येथून रिक्षाने उरुळी कांचन येथील विद्यालयात जात होते. यावेळी उरूळीकांचन जवळ असतांना रिक्षाला पाठीमागून येणा-या भरधाव पिकअपने जोरदार धडक दिली. धडक ऐवढी जोरदार होती की रिक्षा रस्त्याच्या खाली जाऊन पलटी झाली. यावेळी रिक्षा चालक संदिप कोळपे हा जमीनीवर आदळल्याने त्याच्या डोक्याला गंभीर मार बसला आहे. तर काही विद्यार्थ्यांना किरकोळ तर काहिंना गंभीर दुखापती झाल्या आहेत. त्यांच्यावर उरुळी कांचन येथील येथील एका खाजगी रुग्णालयात उपचार सुरु आहेत.
On pune – solapur road school auto crashed pickup Jeep, ११ students injured in accident
मह‌त्त्वाच्या बातम्या
- आसामची मिरची आणि फणस दुबईत निर्यात केल्याची छायाचित्रे वाणिज्य मंत्र्यांकडून प्रसिद्ध
- काँग्रेस बनली भाऊ-बहिणीची पार्टी ,बाकीच्या नेत्यांची झाली सुटी ; भाजपचे अध्यक्ष नड्डा यांची जोरदार टिका
- शांघायममध्ये घरात बंद असलेल्या लोकांचा मदतीसाठी खिडक्यांमधून टाहो; व्हिडिओ प्रसिद्ध
- अंदमान निकोबारच्या कॅम्पबेल उपसागरात भूकंपाचा धक्का ; रीश्टर स्केलवर ४.६ तीव्रतेची झाली नोंद