विशेष प्रतिनिधी
नाशिक :Ashok Kharat नाशिकमधील भोंदूबाबा अशोक खरात प्रकरणात नवे धागेदोरे समोर येत असतानाच त्याची पत्नी कल्पना खरात फरार असल्याने तपास अधिकच वेगाने सुरू झाला आहे. लूकआऊट नोटीस जारी केल्यानंतर SIT ने थेट माहेरी धडक देत चौकशी केली आणि त्यातून समोर आलेल्या माहितीने तपासाला नवे वळण मिळाले आहे.Ashok Kharat
नाशिकमध्ये गाजत असलेल्या अशोक खरात प्रकरणात त्याची पत्नी कल्पना खरात सध्या फरार असून, तिचा शोध घेण्यासाठी विशेष तपास पथक (SIT) सक्रिय झाले आहे. दोन दिवस उलटूनही कल्पना सापडली नसल्याने तिच्याविरोधात लूकआऊट नोटीस जारी करण्यात आली आहे. याचदरम्यान SITने खरात कुटुंबातील सदस्यांवर लक्ष केंद्रीत करत चौकशीचा वेग वाढवला आहे. अशोक खरातचा मुलगा हर्षवर्धन याची पुन्हा चौकशी करण्यात आली असून, कल्पनाचे दोन भाऊ यांचीही तपास पथकाने विचारपूस केली आहे.Ashok Kharat
दरम्यान, SITचे पथक स्थानिक पोलिसांच्या मदतीने सिन्नर तालुक्यातील पाडळी येथील कल्पना खरातच्या माहेरी पोहोचले. येथे झालेल्या चौकशीत अत्यंत धक्कादायक माहिती समोर आली आहे. नातेवाईकांच्या म्हणण्यानुसार, कल्पना खरात गेल्या 16 वर्षांपासून माहेराशी संपर्कात नाही. इतकेच नव्हे, तर अशोक खरात तिला माहेरी येऊ देत नसल्याचाही आरोप करण्यात आला आहे. लग्नानंतर कल्पनाने माहेराशी फारसा संबंध ठेवला नव्हता, तसेच तिचा भाऊसुद्धा तिला भेटू शकला नसल्याचे सांगण्यात आले. तिच्या कुटुंबीयांची आर्थिक परिस्थिती साधी असून, ते अल्पशेतीवर उदरनिर्वाह करत असल्याची माहितीही समोर आली आहे.
या प्रकरणाला आणखी एक महत्त्वाचा पैलू जोडला गेला आहे. शिर्डी परिसरात जमीन खरेदी व्यवहारात कल्पना खरातने एका शेतकऱ्याची फसवणूक केल्याचा आरोप समोर आला आहे. या संदर्भात SITने पुन्हा एकदा हर्षवर्धन खरातची चौकशी केली. तपासात असेही उघड झाले की, या व्यवहारात कल्पना आणि तिच्या भावांचा आर्थिक संबंध होता. त्यामुळे आता या प्रकरणात फक्त अशोक खरातच नव्हे, तर त्याचे नातेवाईकही तपासाच्या कक्षेत आले आहेत.
संचालकांचा खरातच्या आर्थिक व्यवहारांशी संबंध असल्याचे पुरावे
दरम्यान, अशोक खरातशी संबंधित शिवनिका संस्थानच्या तीन संचालकांचीही SITकडून चौकशी करण्यात आली आहे. इशान्येश्वर मंदिराशी संबंधित या संस्थेच्या माध्यमातून मोठे आर्थिक व्यवहार झाले असल्याचा संशय आहे. SITकडे उपलब्ध माहितीनुसार, या संचालकांचा खरातच्या आर्थिक व्यवहारांशी संबंध असल्याचे पुरावे मिळाले आहेत. महिलांची फसवणूक आणि धार्मिक विधींच्या नावाखाली लाखो रुपये उकळल्याचा आरोप आधीच असताना, आता आर्थिक व्यवहारांचा तपास अधिक गडद होत चालला आहे. एकूणच, कल्पना खरात फरार असताना तिच्या नातलगांपासून ते संस्थात्मक संबंधांपर्यंत तपासाचा विस्तार होत असून, पुढील काळात आणखी मोठे खुलासे होण्याची शक्यता व्यक्त केली जात आहे.
Hunt for Kalpana Kharat: SIT Questions Family as Ashok Kharat’s Wife Remains Absconding
महत्वाच्या बातम्या
- शिवछत्रपतींनी उभारलेले किल्ले संस्कृतीचे चैतन्यमय तीर्थाटन; खासदार डॉ. सुधांशु त्रिवेदींचे प्रतिपादन
- Raghav Chadha : आप ने राघव-चड्ढा यांना राज्यसभेतून उपनेता पदावरून हटवले; चार वर्षांपासून खासदार
- Amit Shah : शहा म्हणाले- 15 दिवस बंगालमध्ये राहणार; ममतांना त्यांच्याच घरात हरवायचे आहे, TMCला खाडीत फेका
- विधानसभेच्या पोटनिवडणुकीत बारामती मध्ये काँग्रेसला राजकीय पुनरुज्जीवनाची संधी!!