वृत्तसंस्था
मुंबई : माजी गृहमंत्री अनिल देशमुखांविरोधातील कथित आर्थिक गैरव्यवहाराप्रकरणी देशमुखांचे स्वीय सचिव संजीव पलांडे आणि स्वीय सहाय्यक कुंदन शिंदे यांच्या न्यायालयीन कोठडीत २८ ऑगस्टपर्यंत वाढ केली आहे. Money laundering of ransom money, increase in judicial custody of Anil Deshmukh’s aides Sanjeev Palande and Kundan Shinde
मुंबईचे माजी पोलीस आयुक्त परमबीर सिंह यांनी देशमुख यांनी दरमहा १०० कोटी रुपयांच्या वसुलीचे आदेश दिल्याचा आरोप केला होता. या भ्रष्टाचाराच्या आरोपांची गंभीर दखल घेत सीबीआयनं देशमुखांविरोधात २१ एप्रिल रोजी गुन्हा दाखल केला. त्यांनतर ईडीकडूनही या प्रकरणाची चौकशी सुरू आहे.
त्यात देशमुखांचे स्वीय सचिव संजीव पलांडे आणि स्वीय सहाय्यक कुंदन शिंदे यांना ईडीने अटक केली. सोमवारी ईडीने पलांडे आणि शिंदेविरोधात दोषारोपपत्र दाखल केले. त्यातच मंगळवारी पलांडे आणि शिंदे यांच्या जामीन अर्जावरही सत्र न्यायालयात सुनावणी पार पडली.
मात्र, ईडीकडून दाखल झालेल्या दोषारोपपत्राची प्रत आरोपींना दिली नसल्याचं कोर्टाला सांगण्यात आलं. त्याची दखल घेत मुंबई सत्र न्यायालयानं दोघांच्याही कोठडीत २८ ऑगस्टपर्यंत वाढ केली आहे. या सुनावणीदरम्यान आरोपींना कुटुंबियांस न्यायालयातच भेटण्याची परवानगी दिली.
सोमवारी ईडीच्यावतीने मुंबई सत्र न्यायालयातील विशेष पीएमएलए कोर्टात पलांडे आणि शिंदे यांच्याविरोधात आरोपपत्र दाखल केलं आहे. देशमुख यांच्या आदेशावरूनच सचिन वाझेनं मुंबईतील बार मालकांकडून ४.७० कोटी रुपयांची खंडणी गोळा केली.
ही खंडणी वाझेनं संजीव पलांडे आणि कुंदन शिंदे यांना आणून दिली. पलांडे व शिंदे यांनी हा खंडणीचा पैसा दिल्लीतील चार बनावट कंपन्यांच्या माध्यमातून हवाला पद्धतीनं अनिल देशमुखांच्या नागपुरातील श्री साई शिक्षण संस्था या शैक्षणिक व चॅरिटेबल ट्रस्टमध्ये गुंतवला. यामुळेच यांत पैशांचे मनी लाँड्रिंग झाल्याचा आरोप आहे.
Money laundering of ransom money, increase in judicial custody of Anil Deshmukh’s aides Sanjeev Palande and Kundan Shinde
महत्त्वाच्या बातम्या
- नाना पटोले यांनी पुन्हा एकदा काढली शिवसेनेची खोडी, राज्यात मुख्यमंत्री काँग्रेसचाच होणार असल्याचा पुनरुच्चार
- पदकविजेत्या दिव्यांगा खेळाडूंनी रस्त्यावर फेकून दिली पदके, आश्वासन पाळले नसल्याचा आरोप करत मुख्यमंत्री निवासासमोर आंदोलन करत आत्मदहनाचा इशारा
- शिवसेनेच्या जळगावच्या महापौर, उपमहापौरासह २५ जणांविरुद्ध दंगलीचा गुन्हा, भाजप कार्यालयात धक्काबुक्की करत सोडली डुकरे
- आणखी एक स्वदेशी कोरोन लस, पुण्यातील जेनोव्हा बायोफार्मास्युटिकल्सला दुसऱ्या आणि तिसऱ्या टप्यातील क्लिनिकल ट्रायलला परवानगी