• Download App
    Pankaja Munde, OBC, Maratha Reservation, GR, Chhagan Bhujbal, PHOTOS, VIDEOS, Newsमराठा समाजाला बोगस सर्टिफिकेट देता कामा नये;

    Pankaja Munde : मराठा समाजाला बोगस सर्टिफिकेट देता कामा नये; OBC उपसमिती बैठकीत पंकजा मुंडेंची भूमिका

    Pankaja Munde

    विशेष प्रतिनिधी

    मुंबई : Pankaja Munde मनोज जरांगे यांच्या मराठा आरक्षणाच्या संदर्भातील 8 मागण्यांपैकी 6 मागण्या सरकारने मान्य केल्या आहेत. सरकारने हैदराबाद गॅझेट नुसार शासन निर्णय जारी करत मराठा समाजाला ओबीसीतून आरक्षण देण्यात आले. यावर ओबीसी समाज आक्रमक झाला आहे. ओबीसी मंत्रिमंडळ उपसमितीची स्थापना करत आज त्याची बैठक देखील पार पडली. ही बैठक महसूलमंत्री चंद्रशेखर बावनकुळे यांच्या अध्यक्षतेखाली पार पडली.Pankaja Munde

    या बैठकीत मंत्री छगन भुजबळ आक्रमक झाल्याचे पाहायला मिळाले. तसेच मंत्री पंकजा मुंडे यांनी आपली भूमिका स्पष्ट करत म्हटले की, मराठा समाजाला बोगस सर्टिफिकेट दिले जाऊ नये यासाठी आम्ही ठाम भूमिका घेतलेली आहे. तर सरकारने काढलेल्या जीआरमधील मराठा शब्दावर आक्षेप घेत भुजबळ यांनी आपली भूमिका मांडली. मराठा समाजासाठी काढलेल्या जीआरमुळे ओबीसीला फटका बसतोय, असे भुजबळ यांनी स्पष्टपणे सांगितले.Pankaja Munde



    पंकजा मुंडे म्हणाल्या, बैठकीत आमची विस्तृत चर्चा झाली. त्यामध्ये, ओबीसी हिताच्या बाबतीत निर्णय झाले आहेत. जागृतपणे निर्णय होत आलेले आहेत, ओबीसींमध्ये अनेक जाती आहेत, मिळणारे लाभ योजना, निधी यावर चर्चा झाली. तसेच, मराठा आरक्षणामुळे ओबीसींवर अन्याय होणार नाही, याचीही चर्चा झाल्याचे मुंडे यांनी म्हटले आहे.

    पुढे बोलताना पंकजा मुंडे म्हणाल्या, पुढच्या बैठकीत कोणते निर्णय घेतले पाहिजे, निधी संदर्भात अन्याय झाला नाही पाहिजे यासंदर्भात बैठकीत चर्चा झाली. राज्यात गेली अनेक दशकं मराठा आरक्षणाचा विषय सुरू आहे, आणखी लोक ओबीसीत घेण्याचे स्वागत होत नाही. मात्र, कुणबी नोंदणीसंदर्भात आमचे कोणतेही म्हणणे नाही. मात्र, अवैद्य नोंदी दिल्या जाऊ नये, यासंदर्भात श्वेतपत्रिका काढावी. तर, मराठा समाजाला बोगस सर्टिफिकेट दिले जाऊ नये यासाठी आम्ही ठाम भूमिका घेतलेली आहे.

    छगन भुजबळांचे अनुभवाचे बोल- पंकजा मुंडे

    छगन भुजबळ यांच्या नाराजीवर भाष्य करताना पंकजा मुंडे म्हणाल्या, छगन भुजबळ नाराज आहेत असे म्हणता येणार नाही, त्यांचे अनुभवांचे बोल आहेत. त्याला नाराजी म्हणता येणार नाही. तसेच पारंपरिक कुणबी प्रमाणपत्राबद्दल आमचा विरोध नाहीच, पण अवैद्य दाखले दिले गेले तर आमच्या अधिकारावर गदा येईल, असे मुंडे यांनी म्हटले आहे.

    Pankaja Munde, OBC, Maratha Reservation, GR, Chhagan Bhujbal, PHOTOS, VIDEOS, News

    महत्वाच्या बातम्या

    Related posts

    संघ शताब्दी : पुणे महानगरात शताब्दी वर्षात संघशक्तीचे विराट दर्शन; विजयादशमी निमित्त 77 संचलने, 84 शस्त्र पूजन उत्सव!!

    Government : पूरग्रस्तांसाठी सरकारचा महत्त्वाचा निर्णय; जिल्हा वार्षिक निधीतील पैसे खर्च करण्यास मंजुरी, शासन निर्णय जारी

    Eknath Shinde : दसरा मेळाव्यावर एकनाथ शिंदे म्हणाले- शक्तिप्रदर्शन नव्हे, शेतकऱ्यांची सेवा हाच दसरा मेळावा, परंपरा अबाधित ठेवणार