विशेष प्रतिनिधी
पुणे : आपल्या पूर्वजांनी योग, आयुर्वेद, वेद, उपनिषदे, पुराणे अशा अनेक विषयांवर आपले ज्ञान हस्तलिखितांद्वारे शब्दबद्ध केले आहे. नूमवि प्रशालेजवळील ‘आनंदाश्रम’ या ऐतिहासिक संस्थेत सुमारे १५,००० हस्तलिखिते आहेत. १३५ वर्षांमध्ये प्रथमच आनंदाश्रमातील हा अमूल्य ठेवा पुणेकरांसाठी बघायला खुला होणार आहे. Manuscripts of ‘Anandashram’ will be open for Pune residents after 135 years
आनंदाश्रम परिक्रमा हा उपक्रम म्हणजे लक्षवेधी घटना ठरणार आहे. २५, २६ आणि २७ फेब्रुवारीला होणाऱ्या हस्तलिखितांच्या या प्रदर्शनात, प्रदर्शनाबरोबरीनेच संस्कृत, मराठी, हिंदी आणि इंग्रजी भाषांतील पुस्तकेही विक्रीसाठी उपलब्ध असणार आहेत.
पुण्यात अशी एक संस्था आहे, जी १३५ वर्षे अप्पा बळवंत चौकाजवळ, आपल्या इतिहासाचा ठेवा जपून ठेवत दिमाखात उभी आहे, त्या संस्थेचे नाव आनंदाश्रम. कै. म. चिं. आपटे या विद्वान व्यक्तीने भारताच्या कानाकोपऱ्यात जाऊन वेगवेगळ्या विषयांवरील हस्तलिखिते आणली. या विषयावर संशोधन करणारी आनंदाश्रम ही संस्था उभी केली. १३५ वर्षे भक्कमपणे उभ्या असलेल्या या संस्थेत जवळजवळ १५,००० हस्तलिखिते आहेत.
संस्कृत, प्राकृत मराठी, मोडी, तामिळ आणि तेलगू भाषेतील ही हस्तलिखिते आपल्या देशाचा अमूल्य ठेवा आहेत. यावर अनेक संशोधक आपले संशोधन कार्य सखोल अभ्यास करून पूर्ण करतात.
आनंदाची पालखी पुण्यातील अप्पा बळवंत चौकात आनंदाश्रम या वास्तूत सजणार आहे. या पालखीचे भोई असणार आहेत, पुण्यातील सुनिधी पब्लिशर्स, कोलंबस पब्लिशिंग अँड सर्विसेस, ओनामा शैक्षणिक खेळणी आणि पूर्णम् इकोव्हिजन फाऊंडेशन या ४ संस्थांनी हा उपक्रम आयोजित केला आहे.
Manuscripts of ‘Anandashram’ will be open for Pune residents after 135 years
महत्त्वाच्या बातम्या
- कम्युनिस्टांप्रमाणे कॉँग्रेस विचारसरणीही धोकादायक,या संदर्भातूनच कॉँग्रेसमुक्त भारत, पंतप्रधान नरेंद्र मोदी यांचा हल्लाबोल
- वाद शाळा- कॉलेजमधील पोषाखाचा आणि प्रियंका गांधी म्हणतात मुलींनी बिकिनी घाला किंवा हिजाब
- उडता पंजाबसाठी पाकिस्तानी ड्रोन, बीएसएफने अमली पदार्थांच्या तस्करीचा प्रयत्न पाडला हाणून
- हिजाब प्रकरणावरून पाकिस्तान्यांना मिळाली संधी, आता आठवले मानवी अधिकार