विशेष प्रतिनिधी
पुणे : स्वरसम्राज्ञी लता मंगेशकर यांना आदरांजली वाहण्यासाठी सोमवार, दिनांक १४ फेब्रुवारी रोजी, सायंकाळी पाच वाजता, बालगंधर्व रंगमंदीर येथे विशेष आदरांजली सभेचे आयोजन करण्यात आलेले आहे. या कार्यक्रमाचे अध्यक्षस्थान ज्येष्ठ गांधीवादी विचारवंत उल्हास पवार भूषवणार आहेत. Lata Mangeshkar Adaranjali Sabha on Monday
सुधीर गाडगीळ, रामदास फुटाणे व अनुराधा मराठे लतादीदींच्या आठवणी जागवतील. स्वरप्रतिभा दिवाळी अंकात पूर्वप्रकाशित लतादीदींच्या लोकप्रिय हिंदी व मराठी निवडक एक हजार गाण्यांचे मुखडे, सहगायक, गीतकार, संगीतकार, चित्रपट व वर्ष यांची सूची व तीन पूर्व प्रकाशित लेख असलेला विशेषांक प्रकाशित केला जाणार आहे.
या नंतर लतादीदींच्या काही निवडक गाण्यांवर आधारित संगीतमय श्रद्धांजली कार्यक्रम पार्श्व गायिका स्नेहल आपटे, गीतांजली जेधे, हिम्मत कुमार व सहकारी सादर करतील. स्वरप्रतिभाचे संपादक प्रवीण प्र.वाळिंबे, संवाद पुणेचे अध्यक्ष सुनील महाजन, कोहिनूर ग्रूपचे कृष्णकुमार गोयल यांनी कार्यक्रमाचे आयोजन केले आहे. हा कार्यक्रम सर्वांसाठी खुला आहे.
कृष्णकुमार गोयल( कोहिनूर ग्रूप) सुनील महाजन (अध्यक्ष संवाद ) प्रवीण प्र. वाळिंबे (संपादक, स्वरप्रतिभा) यांनी ही माहिती कळविली आहे. लडाख, जम्मू काश्मिर, पंजाब, राजस्थान, उत्तरप्रदेश, उत्तराखंड, बिहार, पश्चिम बंगाल, आसाम, नागालँण्ड, ओरिसा, मध्यप्रदेश, गुजरात, महाराष्ट्र, कर्नाटक, तेलंगणा, आंध्रप्रदेश, तमिळनाडू, केरळ अशी राज्ये, महाराष्ट्रातील अनेक जिल्हे यामधील वृत्तपत्रांमध्ये लतादीदींचे सविस्तर वृत्त प्रकाशित झाले.
तसेच जगातील अनेक देशामधील अनेक वृत्तपत्रांमध्ये देखील याची मोठी नोंद घेण्यात आली आहे. स्वरप्रतिभा तर्फे याचे संकलन केले जात असून त्याचे प्रदर्शन लवकरच भरवण्यात येणार आहे. तसेच देशातील वृत्तपत्रांमधील अग्रलेख व विशेष लेखांचे संकलन असणारा स्वरप्रतिभा विशेषांक देखील यावेळी प्रकाशित केला जाईल, असे त्यांनी नमूद केले आहे.
Lata Mangeshkar Adaranjali Sabha on Monday
महत्त्वाच्या बातम्या
- हिजाब वादाचे पडसाद; बुलडाण्यात १४४ कलम लागू; मोर्चा, निर्दशने आणि आंदोलनास मनाई
- अनिल देशमुखांच्या चुलत भावाच्या कंपन्यांकडून राष्ट्रवादीच्या नेत्यांना बेकायदेशीर रक्कम वाटप; ईडीला संशय
- कोरोना संपल्यानंतरच जनतेची मास्कमधून मुक्ती; उपमुख्यमंत्री अजित पवार यांचे सूचक वक्तव्य
- मुंबई महापालिका निवडणूक : एकीकडे प्रशासक नेमण्याची तयारी; दुसरीकडे 125 जागा जिंकण्याचा शिवसेनेचा दावा!!
- महापालिका निवडणुकीपूर्वी पुण्यात मेट्रो धावणार; पंतप्रधान नरेंद्र मोदी यांच्या हस्ते होणार उदघाटन