• Download App
    कोल्हापूर : काँग्रेसचे आमदार चंद्रकांत जाधव यांची उपचारादरम्यान प्राणज्योत मालवली । Kolhapur: Congress MLA Chandrakant Jadhav died during treatment

    कोल्हापूर : काँग्रेसचे आमदार चंद्रकांत जाधव यांची उपचारादरम्यान प्राणज्योत मालवली

    गेल्या आठ दिवसांपासून चंद्रकांत जाधव यांच्यावर हैदराबाद येथील रुग्णालयात उपचार सुरू होते. Kolhapur: Congress MLA Chandrakant Jadhav died during treatment


    विशेष प्रतिनिधी

    कोल्हापूर : काँग्रेसचे आमदार चंद्रकांत जाधव यांचे आज हैदराबाद इथे उपचार सुरू असताना निधन झाले. आज दुपारी १ वाजेपर्यंत चंद्रकांत जाधव यांचे पार्थिव कोल्हापुरात आणण्यात येणार असून दोन वाजेपर्यंत काँग्रेस समितीमध्ये अंत्यदर्शनासाठी ठेवण्यात येणार आहे.त्यानंतर काशीद कॉलनी येथील त्यांच्या निवासस्थानातून दुपारी तीन वाजता अंत्ययात्रा निघणार आहे. चंद्रकांत जाधव हे गेल्या काही दिवसांपासून आजारी होते. गेल्या आठ दिवसांपासून चंद्रकांत जाधव यांच्यावर हैदराबाद येथील रुग्णालयात उपचार सुरू होते.



    जाधव यांना गेल्या वर्षी ऑगस्टमध्ये कोरोनाची लागण झाली होती. तेव्हा त्यांच्या फुफ्फुसाला संसर्ग झाला होता.त्यावेळी त्यांच्यावर एक शस्त्रक्रिया करण्यात आली होती. मात्र आठ दिवसांपूर्वी जाधव यांना पुन्हा त्रास जाणवू लागल्याने त्यांना हैदराबाद येथे हलविण्यात आले.दुर्दैवाने उपचारांदरम्यान रक्तदाब कमी झाल्याने त्यांचे निधन झाले.

    कोल्हापूर उत्तर मतदारसंघातून ते पाहिल्यांदाच निवडून आले होते. कोल्हापूरातील मोठे उद्योगपती म्हणून चंद्रकांत जाधव याची ओळख होती. सर्वच पक्षातील नेत्यांशी जाधव यांचे जिव्हाळ्याचे संबंध होते. निवडणुकीच्या आधी काँग्रेसमध्ये प्रवेश करून जाधव हे एका महिन्यात आमदार म्हणून निवडून आले होते.

    Kolhapur : Congress MLA Chandrakant Jadhav died during treatment

    महत्त्वाच्या बातम्या

    Related posts

    डाव्या शेकापच्या चळवळीत आयुष्य घालवलेल्या नेत्याचे नवी मुंबई विमानतळाला नाव; संघ स्वयंसेवक पंतप्रधानाच्या हस्ते उद्घाटन!!

    भाजपच्या सत्तेच्या वळचणीचा अजितदादांना आता खरा चटका; पुणे आणि पिंपरी चिंचवड मध्ये जोरदार धक्का!!

    Devendra Fadnavis : फडणवीस मंत्रिमंडळाचे महत्त्वाचे निर्णय; तुकडाबंदी अधिनियमात सुधारणा आणि एसआरएमध्ये क्लस्टर योजना लागू