वृत्तसंस्था
नवी दिल्ली : आंतरराष्ट्रीय नाणेनिधीने (IMF) 2023 मध्ये जागतिक अर्थव्यवस्थेच्या वाढीचा अंदाज जाहीर केला आहे. यामध्ये भारताचा आर्थिक विकासाचा अंदाज पुन्हा एकदा कमी करण्यात आला आहे. IMFने आर्थिक वर्ष 2023 साठी देशाच्या GDP वाढीचा अंदाज 6.8% ठेवला आहे, सध्याचा अंदाज 0.60% ने कमी केला आहे.IMF cuts India’s economic growth forecast India’s GDP to stand at 6.8% in 2023, lower than global growth forecast
तथापि, आर्थिक वर्ष 2024 साठी भारताचा GDP वाढीचा अंदाज न बदलता 6.1% वर ठेवण्यात आला आहे ही दिलासादायक बाब आहे. यापूर्वी जुलैमध्ये, IMF ने 2023 आणि 2014 या आर्थिक वर्षांसाठी भारताच्या GDP वाढीचा अंदाज 0.80% ने कमी केला होता.
रशिया-युक्रेन युद्ध आणि कोरोनामुळे 2023 साठी जागतिक अर्थव्यवस्थेच्या वाढीचा अंदाजही IMFने कमी केला आहे . एजन्सीने रशिया-युक्रेन युद्ध, आर्थिक मंदी, कोरोना महामारीचा प्रभाव, वाढलेले व्याजदर याला जागतिक अर्थव्यवस्थेच्या कमी विकासाचे श्रेय दिले आहे.
IMFच्या मते, पुढील वर्षी जागतिक अर्थव्यवस्थेचा विकास दर 2.7% असेल. यापूर्वी जुलैमध्ये तो 2.9% असण्याचा अंदाज होता. त्याच वेळी या वर्षासाठी जागतिक अर्थव्यवस्थेचा विकास दर 3.2% असा अंदाज आहे. गेल्या आर्थिक वर्षात जागतिक विकास दर 6% होता.
IMFचा अंदाज RBIच्या अंदाजापेक्षा कमी आहे
IMFने भारताच्या आर्थिक वाढीबाबत जाहीर केलेले अंदाज रिझर्व्ह बँक ऑफ इंडियाच्या (RBI) अंदाजापेक्षा कमी आहेत. या वर्षी सप्टेंबरमध्ये आरबीआयने देशाच्या जीडीपी वाढीचा अंदाज व्यक्त केला होता. आर्थिक वर्ष 2023 साठी देशाचा GDP वाढ 0.20% ने कमी होऊन 7% असण्याचा अंदाज होता.
अमेरिका-चीनमध्येही मंदीचे सावट
IMFने जगातील दोन सर्वात मोठ्या अर्थव्यवस्था अमेरिका आणि चीनचे अंदाजही कमी केले आहेत. IMFच्या मते, चालू आर्थिक वर्षात अमेरिकेची आर्थिक वाढ 1.6% असेल. हा अंदाज जुलैच्या अंदाजापेक्षा 0.7% कमी आहे. दुसरीकडे, चीनची अर्थव्यवस्था यावर्षी केवळ 3.2% दराने वाढण्याची शक्यता आहे.
IMF cuts India’s economic growth forecast India’s GDP to stand at 6.8% in 2023, lower than global growth forecast
महत्वाच्या बातम्या
- मराठा समाजासाठी चंद्रकांत पाटलांची घोषणा : प्रत्येक जिल्ह्यात 100 विद्यार्थी क्षमतेचे वसतिगृह, अण्णासाहेब पाटील महामंडळाकडून 15 लाखांपर्यंत व्याज परतावा
- नोटाबंदीच्या विरोधात आज सुप्रीम कोर्टात सुनावणी : कार्यवाहीचे होणार थेट प्रक्षेपण; 5 न्यायाधीशांच्या घटनापीठासमोर प्रकरण
- ठाकरेंच्या मशाल चिन्हावर समता पक्षाचा दावा : निवडणूक आयोगाकडे मागितली दाद, अंधेरीत उमेदवार देणार
- मार्क झुकरबर्ग यांचा सोशल मीडिया जाएंट Meta रशियात दहशतवादी म्हणून घोषित