पुणे पोलिसांनी दिलेल्या माहितीनुसार, गोसावीला रात्री उशिरा अटक करण्यात आली आहे. यादरम्यान केपी गोसावीची पुणे पोलिसांनी तासभर कसून चौकशी केलीHiding under the name of Sachin Patil, pretending to be a member of an NGO, Pune Police gave complete information
विशेष प्रतिनिधी
पुणे : आर्यन खान प्रकरणातील मुख्य साक्षीदार किरण गोसावी याला महाराष्ट्रातील पुणे येथून अटक करण्यात आली आहे.चिन्मय देशमुख फसवणूक प्रकरणी गोसावी यांच्यावर ही कारवाई करण्यात आली आहे. पुणे पोलिसांनी दिलेल्या माहितीनुसार, गोसावीला रात्री उशिरा अटक करण्यात आली आहे. यादरम्यान केपी गोसावीची पुणे पोलिसांनी तासभर कसून चौकशी केली.
पुणे पोलीस आयुक्त अमिताभ गुप्ता यांनी चौकशीत समोर धक्कादायक माहिती सांगितली आहे. गोसावी हा सचिन पाटील हे नाव धारण करून तो परराज्यात लपत होता. सचिन नावाने त्याने अनेकांची फसवणूक केली. काही एनजीओचा पदाधिकारी असल्याचीही तो बतावणी करत होता.
पोलीस आयुक्त अमिताभ गुप्ता यांनी सांगितले की , केपी गोसावी सचिन पाटील या नावाने लपत होता. लखनऊच्या हॉटेलमध्येही तो याच नावाने राहिला होता. त्याचा आम्ही तपास करत आहोत. तसेच तो एनजीओचा मेंबर असल्याची बतावणी करायचा. स्टॉप क्राईम ऑर्गनायजेशन आणि सिप्का कंपनीचा सदस्य असल्याचंही तो लोकांना सांगत होता. एक्सपोर्ट इम्पोर्टचा त्याचा व्यवसाय आहे. तसेच जॉब प्लेसमेंटचही तो काम करतो. त्याबाबत गुन्हा दाखल करण्यात आला आहे, असं गुप्ता यांनी सांगितलं.
या प्रकरणात कोणतंही राजकारण नसल्याचा खुलासा आयुक्तांनी केला. गेल्या दहा दिवसांपासून तो कुठे कुठे लपला होता याची आम्ही माहिती घेतली. तो हैदराबाद आणि लखनऊमध्ये असल्याचं कळलं होतं. त्यानुसार आम्ही कारवाई केली, असंही त्यांनी सांगितलं.
गोसावीला अटक करण्यात आम्हाला चिन्मय देशमुख यांनी बरीच मदत केली. चिन्मयने आम्हाला जी माहिती दिली ती चार्जशीटमध्ये दाखल करणार आहोत. चार्जशीटमध्ये ज्या ज्या गोष्टी राहून गेल्या आहेत, त्या सर्व नमूद केल्या जातील, असंही गुप्ता यांनी सांगितलं.
पुढे गुप्ता म्हणाले की , आम्ही तूर्तास आमच्या केसवर लक्ष केंद्रीत केलं आहे. आर्यन खान प्रकरणावर फोकस नाही. नंतर या गोष्टी येतील असं सांगतानाच एनसीबीने आमच्याशी कोणताही संपर्क साधला नाही, तसेच गोसावीला आपल्याकडे सुपूर्द करण्यासाठी मुंबई पोलिसांसह कोणत्याही एजन्सीने आमच्याशी संपर्क साधला नाही, असं त्यांनी स्पष्ट केलं.
Hiding under the name of Sachin Patil, pretending to be a member of an NGO, Pune Police gave complete information
महत्त्वाच्या बातम्या
- ‘मारुती’ कंपनीची इलेक्ट्रिक वाहनांबाबत सावध पावले; आणखी वर्षे पारंपरिक वाहने विकणार
- माजी मंत्री अमरिशभाई पटेल यांना मातृशोक
- RAJSTHAN CONGRESS GOVERNMENT: राजस्थानमधील पोलीस ठाण्यांमध्ये देवघर बनवण्यावर बंदी ! काँग्रेस सरकारचा पोलिसांच्या माध्यमातून हिंदुद्वेषी आदेश
- अजित पवारांवरील छापासत्रामुळे समीर वानखडे यांच्यावर खोटेनाटे आरोप सुरु ; किरीट सोमय्या