वृत्तसंस्था
पुणे : पुणे जिल्ह्यात ५४० खाजगी हॉस्पिटल्सना 32 हजार 61 रेमडिसिव्हीर इंजेक्शन्सच्या व्हायल्सचे वितरण केल्याची माहिती जिल्हाधिकारी डॉ. राजेश देशमुख यांनी दिली.Good news for Pune: Distribution of 32 thousand 61 remedicivir injections; Including 540 private hospitals in the district
रेमडिसिव्हीर इंजेक्शन्स व्हायल्स 20 व 21 एप्रिल या दोन दिवसात जिल्ह्यातील सर्व रुग्णालयांना ऑक्सीजन बेडच्या संख्येनुसार 8 हजार 100 रेमडिसिव्हीर इंजेक्शन्सच्या व्हाईल या पुणे, पिंपरी चिंचवड महापालिका, नगरपालिका, नगरपरिषदा, कॅन्टोमेंट क्षेत्र व ग्रामीण क्षेत्रातील हॉस्पिटल्सला वितरीत केल्या आहेत.
पुणे जिल्ह्यातील रेमडेसिवीर इंजेक्शनचा तुटवडा विचारात घेता जिल्हाधिकारी कार्यालय पुणे येथे 11 एप्रिलपासून 24 X 7 रेमडिसिव्हीर नियंत्रण कक्ष कार्यान्वित केला आहे.
रेमडिसिव्हीरचा काळाबाजार रोखण्याच्या अनुषंगाने शहरी भागात 6 व ग्रामीण भागात 12 भरारी पथके तहसिलदार यांच्या नियंत्रणाखाली स्थापन केली. त्यांमार्फत रुग्णालये, स्टॉकिस्ट व वितरक यांचेकडील रेमडिसिव्हीरची उपलब्धता व सुयोग्य वापर यावर नियंत्रण ठेवण्यात येत आहे.
त्याचसोबतच पुणे, पिंपरी महापालिका, पुणे छावणी परिषद, पुणे ग्रामीण, नगरपालिका प्रशासन व नगर पंचायतसह आयुक्त औषध व प्रशासन यांनी प्राधिकृत केलेल्या आरोग्य अधिकारी यांनी नियंत्रण करणेबाबत सूचना दिल्या आहेत.
रेमडिसिव्हीरचा तपशील संकेतस्थळावर
दररोज प्राप्त झालेल्या रेमडिसिव्हीरचे रूग्णालयनिहाय वाटपाची रेमडिसिव्हीरच्या संख्येसह व वितरकाच्या नाव व मोबाईल क्रमांकासह यादी जिल्हाधिकारी कार्यालय पुणेच्या pune.gov.in वhttps://.pune.gov.in/corona-virus-updates/. या संकेत स्थळावर प्रसिध्द करण्यात येत आहे.