Maharashtra Lockdown 2021 : देशातील एकूण कोरोना संसर्गापैकी महाराष्ट्रातील आकडेवारी सर्वात जास्त चिंताजनक आहे. कोरोनाला पायबंद घालण्यासाठी मुख्यमंत्री उद्धव ठाकरे यांनी 14 एप्रिल रोजी रात्री 8 वाजेपासून ते 1 मे रोजी सकाळी 7 वाजेपर्यंत 15 दिवसांच्या संचारबंदीची घोषणा केली आहे. यादरम्यान शासनाने कडक निर्बंधही लादले आहेत. लॉकडाऊनसदृश्य या निर्बंधांमुळे अनेक व्यापारी, हातावर पोट असणाऱ्यांचे हाल होत आहेत. मुंबईत चाकरमान्यांचे अन्नदूत असलेल्या डबेवाल्यांनाही याचा मोठा फटका बसला आहे. एकूण 5 हजार डबेवाल्यांपैकी केवळ 200 ते 250 कार्यरत असून उर्वरित डबेवाल्यांचा रोजगार गेला आहे. Dabbawalas facing tough time due to fresh covid restrictions in maharashtra lockdown 2021
विशेष प्रतिनिधी
मुंबई : देशातील एकूण कोरोना संसर्गापैकी महाराष्ट्रातील आकडेवारी सर्वात जास्त चिंताजनक आहे. कोरोनाला पायबंद घालण्यासाठी मुख्यमंत्री उद्धव ठाकरे यांनी 14 एप्रिल रोजी रात्री 8 वाजेपासून ते 1 मे रोजी सकाळी 7 वाजेपर्यंत 15 दिवसांच्या संचारबंदीची घोषणा केली आहे. यादरम्यान शासनाने कडक निर्बंधही लादले आहेत. लॉकडाऊनसदृश्य या निर्बंधांमुळे अनेक व्यापारी, हातावर पोट असणाऱ्यांचे हाल होत आहेत. मुंबईत चाकरमान्यांचे अन्नदूत असलेल्या डबेवाल्यांनाही याचा मोठा फटका बसला आहे. एकूण 5 हजार डबेवाल्यांपैकी केवळ 200 ते 250 कार्यरत असून उर्वरित डबेवाल्यांचा रोजगार गेला आहे.
कडक संचारबंदीमुळे अनेक खासगी कार्यालये बंद असून काही ठिकाणी वर्क फ्रॉम होम सुरू आहे. यामुळे याचा थेट परिणाम चाकरमान्यांना डबे पोहोचवणाऱ्या डबेवाल्यांवर झाला आहे. डबेच बंद झाल्याने अनेक डबेवाल्यांचे मोठे आर्थिक नुकसान होत आहे.
वृत्तसंस्था एएनआयशी बोलताना मुंबई डबावाला असोसिएशनचे प्रवक्ते विष्णू कलडोके म्हणाले, “5000 डबेवाल्यांपैकी फक्त 400-500 कार्यरत होते. नवीन लॉकडाऊनच्या कडक निर्बंधानंतर आता फक्त 200-250 शिल्लक आहेत. आर्थिक मदतीसाठी आम्ही पुन्हा सरकारला विनंती करत आहोत.”
राज्य सरकारने हा मिनी लॉकडाऊन जाहीर करतानाच हातावर पोट असणाऱ्या फेरीवाले, रिक्षावाल्यांसाठी आर्थिक मदत जाहीर केली. परंतु राज्य सरकारचे पॅकेज म्हणजे निव्वळ धूळफेक असल्याचा आरोप विरोधकांनी केला आहे. अनेक तळागाळातील घटकांना कोणतीही आर्थिक मदत मिळणार नसल्याचा दावा करण्यात आला आहे. आता डबेवाल्यांच्या मागणीवर राज्य सरकार काय भूमिका घेते हे पाहणे महत्त्वाचे आहे.
Dabbawalas facing tough time due to fresh covid restrictions in maharashtra lockdown 2021
महत्त्वाच्याा बातम्या
- Maharashtra Curfew 2021 : ना इलेक्शन ना कुंभमेळा, तरीही कोरोनाच्या बाबतीत महाराष्ट्राचाच पहिला नंबर
- ‘बेड द्या नाहीतर त्यांना जिवे तरी मारा’, कोरोनामुळे वडिलांचे हाल पाहून मुलाचा हृदय पिळवटून टाकणारा टाहो
- निवडणुकांच्या पाच राज्यांत कोरोना पसरतोय वेगाने; प्रचारसभा ठरताहेत सुपर स्प्रेडर.. संसर्ग व मृत्यूदरांमध्ये मोठी वाढ
- maharashtra curfew 2021 : मुंबईत रुग्णालये जवळपास फुल्ल, आता 5 स्टार हॉटेल्समध्ये होणार रुग्णांवर उपचार
- प. बंगालमध्ये काँग्रेस उमेदवाराचा कोरोनामुळे मृत्यू, शमशेरगंज मतदारसंघातून उभे होते रेजाऊल हक