वृत्तसंस्था
मुंबई : मुंबईतील हॉटेल, रेस्टॉरंट अँड बार चालकांकडून शंभर कोटी रुपयांची खंडणी वसूल करण्याच्या प्रकरणात बदली करण्यात आलेले मुंबईचे पोलीस आयुक्त परमवीर सिंग हे अजूनही पोलिसांसमोर अथवा न्यायालयासमोर हजर झालेले नाहीत. त्यामुळे त्यांना फरार घोषित करण्याची मुभा कोर्टाने मुंबई पोलिसांना दिली आहे.Court approves declaration of Paramvir Singh as absconding; If not present within 30 days, the property will be confiscated
त्याच बरोबर परमवीर सिंग हे येत्या 30 दिवसांमध्ये पोलिसांसमोर अथवा न्यायालयासमोर हजर झाले नाहीत तर त्यांची संपत्ती जप्त करण्याची प्रक्रिया सुरू करण्यात येईल, असे विशेष सरकारी वकील जगताप यांनी स्पष्ट केले आहे.
परमवीर सिंग यांच्या संदर्भातील याचिकेची सुनावणी आज न्यायालयात झाली. त्यावेळी न्यायालयाने पोलिसांना परमवीर सिंग यांना फरार जाहीर करण्याची मुभा दिली.आता पोलीस परमवीर सिंग यांना “वॉन्टेड आरोपी” असे जाहीर करून त्यांना फरार देखील घोषित करू शकतात, असे विशेष सरकारी वकील शेखर जगताप यांनी स्पष्ट केले आहे.
त्याच बरोबर पुढच्या 30 दिवसांमध्ये परमवीर सिंग यांना शोधून अटक करण्यात आली नाही किंवा ते स्वतःहून पोलिसांसमोर अथवा न्यायालयासमोर हजर झाले नाहीत तर त्यानंतर परमवीर सिंग यांची ज्ञात संपत्ती जप्त करण्याची कायदेशीर कारवाई सुरू करण्यात येईल, असेही त्यांनी स्पष्ट केले आहे.
Court approves declaration of Paramvir Singh as absconding; If not present within 30 days, the property will be confiscated
महत्त्वाच्या बातम्या
- महाराष्ट्रातील हिंसाचाराचे पाकिस्तानी कनेक्शन? आतापर्यंत 100 हून अधिक एफआयआर, 25 जणांना अटक, वाचा सविस्तर…
- रझा अकादमी म्हणजे काय? : धार्मिक प्रकाशन करणारी संस्था ते दंगलींपर्यंतचा प्रवास, आझाद मैदानाची दंगल ते सध्याचा हिंसाचार, वाचा सविस्तर…
- बालविवाह रोखण्यासाठी ठोस उपाय योजना करणे गरजेचे ; राज्य महिला आयोगाच्या अध्यक्ष रुपाली चाकणकर यांनी मुख्यमंत्र्यांना पाठवले पत्र
- “ज्यांनी जे काम केले आहे त्यांना त्याचे श्रेय त्यांनाच दिले पाहिजे” – अजित पवार
- कोल्हापूर विमानतळावरील अनियमित विमानसेवेमुळे प्रवाशांमध्ये नाराजी