विशेष प्रतिनिधी
मुंबई : मराठा समाजाला ओबीसी आरक्षणातून १० टक्के कोटा द्यावा या मागणीने राज्यात पुन्हा एकदा सामाजिक गटांमध्ये तणाव निर्माण केला आहे. मराठा आंदोलक मनोज जरांगे-पाटील यांनी आझाद मैदानावर बेमुदत उपोषण सुरू करत दबाव वाढवला असतानाच, ज्येष्ठ राष्ट्रवादी काँग्रेस अजित पवार गटाचे नेते व मंत्री छगन भुजबळ यांनी ओबीसी नेत्यांची महत्त्वाची बैठक बोलावली आहे.
ही बैठक सोमवारी दुपारी ३ वाजता होणार असून समता परिषदेचे प्रतिनिधी, तसेच इतर ओबीसी संघटनांचे नेते मोठ्या संख्येने सहभागी होणार आहेत. या बैठकीतून ओबीसी समाजाची एकत्रित भूमिका ठरण्याची चिन्हे असून, राज्य सरकारलाही या चर्चेकडे लक्ष देऊन पाहावे लागणार आहे.
भुजबळ यांनी स्पष्ट केले की, “कालेलकर आयोग आणि मंडल आयोग या दोन्ही अहवालांत मराठा समाजाला मागासवर्गीय म्हणून मान्यता दिलेली नाही. मुख्यमंत्री किंवा सरकारला कोणत्याही समाजाला मनमानी पद्धतीने यादीत समाविष्ट करण्याचा अधिकार नाही; आयोगाच्या शिफारशींच्या आधारेच निर्णय होऊ शकतो.”
मराठ्यांना कुणबी म्हणून ओळख मिळावी या मागणीवरूनही वाद पेटला असून, “उच्च न्यायालय आणि सर्वोच्च न्यायालयाने स्पष्ट केले आहे की मराठा आणि कुणबी हे समान नाहीत,” असे स्मरण करून देत भुजबळांनी शरद पवार गटावर झालेल्या टीकेलाही प्रत्युत्तर दिले.
दरम्यान, जरांगे यांनी आरक्षणाशिवाय मागे हटणार नाही अशी भूमिका घेतली आहे. त्यांची मागणी मान्य झाल्यास मराठा समाजाला शिक्षण आणि नोकऱ्यांमध्ये ओबीसी आरक्षणाचा लाभ मिळेल. परंतु यामुळे ओबीसी समाजाच्या अस्तित्वातील आरक्षणात मोठा गंड येईल, अशी चिंता ओबीसी संघटनांकडून सातत्याने व्यक्त केली जात आहे.
राज्याच्या राजकारणात हा मुद्दा निर्णायक ठरणार असून, भुजबळांच्या बैठकीतून पुढे ओबीसी समाज कोणती आक्रमक रणनीती ठरवतो याकडे संपूर्ण राज्याचे लक्ष लागले आहे.
Chhagan Bhujbal important move in the backdrop of the Maratha reservation controversy
महत्वाच्या बातम्या
- मराठा आरक्षणाचा विषय शरद पवारांनी घातला केंद्र सरकारच्या गळ्यात; अजितदादा म्हणाले, मला जायला लावू नका खोलात!!
- Gujarat : गुजरातेत माजी आमदार, IPS सह 14 जणांना जन्मठेप; सुरतेत बिल्डरचे अपहरण करून 12 कोटींचे बिटकॉइन ट्रान्सफर केले
- Droupadi Murmu : जिनपिंग यांच्या गुप्त पत्रामुळे भारत-चीन संबंध सुधारल्याचा दावा; राष्ट्रपती मुर्मू यांना लिहिले- ट्रम्पच्या टॅरिफमुळे आम्हाला त्रास
- Mahua Moitra controversial statement :