वृत्तसंस्था
पुणे : पुणे तेथे काय उणे, असे सांगितले जाते. पण गुन्ह्यातही पुणे मागे नाही. पुण्यातील काही ठिकाणे प्रामुख्याने मध्य भाग हे गुन्हेगारीचे हॉटस्पॉट बनले आहेत, असे एका अहवालात स्पष्ट झाले आहे. पुणे शहरातील स्वारगेट, डेक्कन, बंड गार्डन आणि बिबवेवाडी परिसर असुरक्षित असल्याचे आढळून आले असून, त्यात चोरी आणि विनयभंगाच्या सर्वाधिक घटना घडल्या आहेत. Central Pune becomes hotspot for crime’ Clear in one study; Published in Springers Geo Journal
पुण्यातील मध्यवर्ती भाग आणि पुणे-बंगळुरू महामार्गालगतचा मार्ग गुन्हेगारीचे ठिकाण म्हणून टॅग करण्यात आला होता, तर हिंजवडी, हडपसर आणि वानवडी हे तुलनेने सुरक्षित क्षेत्रांपैकी एक होते, असे एका अभ्यासानुसार स्पष्ट झाले.
हरियाणा स्पेस अॅप्लिकेशन सेंटरमधील संशोधक धर्मेंद्र सिंग, भारती विद्यापीठ डीम्ड युनिव्हर्सिटी, पुणे येथील पर्यावरण आणि शिक्षण संशोधन संस्थेच्या सरस्वती मंडल आणि डेहराडून येथील इंडियन कौन्सिल ऑफ फॉरेस्ट्री रिसर्च अँड एज्युकेशनचे राकेश कुमार यांनी भौगोलिक माहिती प्रणाली (GIS) आणि सांख्यिकीय मॉडेल्सचा वापर केला. कायद्याची अंमलबजावणी डेटा स्थानिक पातळीवर मिळवलेल्या गुन्हेगारी डेटासह निष्कर्षांवर पोहोचण्यासाठी एकत्रित केला. २०१२ ते २०१५ या काळातील गुन्ह्याचा अभ्यास त्यासाठी केला गेला.
शहराच्या मध्यवर्ती भागांमध्ये गुन्हेगारीचा उच्च धोका असल्याचे स्पष्ट झाले.स्वारगेट, दत्तवाडी, सहकारनगर, बिबवेवाडी, विश्रामबागवाडा, फरासखाना, खडक आणि शिवाजीनगर या ठिकाणी सर्वाधिक गुन्हे घडत आहेत, असे स्प्रिंगर्स जिओ जर्नलमध्ये प्रकाशित झालेल्या अभ्यासात म्हंटले आहे.