BJP MLA Prasad Lad : केंद्रीय मंत्री नारायण राणे यांना काल झालेल्या अटकेनंतर रात्रीच जामीनही मिळाला आहे. परंतु यानंतर राणेंच्या सतत सोबत असणाऱ्या भाजप आमदार प्रसाद लाड यांना धमक्यांचे फोन सुरू झाले. खुद्द लाड यांनीच माध्यमांशी बोलताना ही माहिती दिली आहे. याप्रकरणी पोलिसांत गुन्हा दाखल करणार असल्याचं त्यांनी सांगितलं आहे. BJP MLA Prasad Lad Received Threat Calls after Narayan Rane Bail
विशेष प्रतिनिधी
मुंबई : केंद्रीय मंत्री नारायण राणे यांना काल झालेल्या अटकेनंतर रात्रीच जामीनही मिळाला आहे. परंतु यानंतर राणेंच्या सतत सोबत असणाऱ्या भाजप आमदार प्रसाद लाड यांना धमक्यांचे फोन सुरू झाले. खुद्द लाड यांनीच माध्यमांशी बोलताना ही माहिती दिली आहे. याप्रकरणी पोलिसांत गुन्हा दाखल करणार असल्याचं त्यांनी सांगितलं आहे.
नारायण राणेंना जेल ते बेल या सगळ्या घडामोडीदरम्यान भाजप आ. प्रसाद लाड हे त्यांच्यासोबतच होते. पोलिसांनी भरल्या ताटावरून नारायण राणेंना उचलून नेलं असा आरोप करत प्रसाद लाड यांनी एक व्हिडिओसुद्धा ट्वीट केला होता. रात्री उशिरा राणेंना जामीन मिळाल्यावर राणे महाडहून मुंबईला निघाले तेव्हा लाड यांना धमकीचे फोन सुरू झाले.
प्रसाद लाड म्हणाले की, “रात्री 2 वाजून 51 मिनिटांपासून मला धमकीचे फोन सुरू झाले, जे अजूनही सुरू आहेत. मला एक नाही, तर धमकीचे अनेक फोन आले आहेत. अज्ञात नंबरवरून हे फोन येत आहेत. फोनमधील व्यक्ती अर्वाच्य भाषेत शिवीगाळ करून मला जिवे मारण्याची धमकी देत आहेत. वाईट पद्धतीने मेसेज टाकत आहे.”
लाड म्हणाले की, “मी आताच सायन पोलिस स्टेशनच्या वरिष्ठ पोलिस निरीक्षकांसोबत बोललो. त्यांना पत्र लिहिलं आहे. तसंच महाराष्ट्राच्या मुख्यमंत्र्यांना आणि गृहमंत्र्यांनाही याविषयी मी पत्र लिहिणार आहे आणि हा सगळा विषय त्यांना अवगत करणार आहे.”
लाड यांनी आरोप केलाय की, “काही दिवसांपूर्वी सचिन वाझेकरवी सुपारी होती. सचिन वाझेकडे अग्रवाल नावाच्या व्यक्तीने तशा पद्धतीचं स्टेटमेंट दिलं होतं. त्यामुळे माझ्या जिवाला सातत्याने धोका वाढतोय. पण अशा धमक्यांना मी एक तरुण म्हणून, मराठी आमदार म्हणून भीक घालत नाही. अशा धमक्यांना मी जशास तसं उत्तर देईन”, असंही ते म्हणाले.
BJP MLA Prasad Lad Received Threat Calls after Narayan Rane Bail
महत्त्वाच्या बातम्या
- माजी मंत्री शोभाताई फडणवीसांना पुत्रशोक, देवेंद्र फडणवीसांच्या चुलत भावाचे हृदयविकाराच्या झटक्याने निधन
- योगीजी माझ्या ज्येष्ठ बंधूंसारखे वागले; कल्याण सिंह यांचे पुत्र राजवीर सिंह यांची कृतज्ञ भावना
- शिवसेना आमदार संतोष बांगर यांची नारायण राणेंचा कोथळा बाहेर काढण्याची उन्मत्त भाषा
- छगन भुजबळ आणि दोन पुत्रांची १०० कोटींची बेनामी मालमत्ता प्राप्तिकर विभागाकडून जप्त; किरीट सोमय्या यांचा दावा
- अफगाणिस्तानातून आणलेल्या 78 अफगाणांपैकी 16 संक्रमित, केंद्रीय मंत्री हरदीप पुरी यांच्या आले होते संपर्कात