विशेष प्रतिनिधी
मुंबई : Bachchu Kadu राज्याच्या राजकारणात सध्या सुरू असलेल्या सत्तानाट्य आणि नेत्यांच्या पक्षांतरावर शिवसेनेचे नेते आणि आमदार बच्चू कडू यांनी अत्यंत खळबळजनक दावे केले आहेत. विधान परिषदेचे आमदार सचिन अहिर यांच्या शिवसेना प्रवेशावर बोलताना बच्चू कडू यांनी खासदार संजय राऊत यांच्यावर थेट आणि अत्यंत शेलक्या शब्दांत हल्लाबोल केला आहे. ठाकरे गटावर आज जी बिकट वेळ आली आहे, त्याला केवळ राऊतच जबाबदार असल्याचा घणाघात त्यांनी केला.Bachchu Kadu
‘सचिन आले, आता त्यांची क्रिकेट टीमही येणार’
सचिन अहिर यांनी नुकताच ठाकरे गटाला जय महाराष्ट्र करत एकनाथ शिंदेंच्या शिवसेनेत प्रवेश केला. यावर प्रतिक्रिया देताना बच्चू कडू यांनी खास आपल्या शैलीत टोलेबाजी केली. ते म्हणाले, “सध्या फक्त सचिन आले आहेत, लवकरच त्यांची संपूर्ण क्रिकेट टीमही इकडे (शिंदे गटात) येणार आहे.” या विधानातून त्यांनी ठाकरे गटातील आणखी काही मोठे नेते आणि आमदार शिंदे गटाच्या वाटेवर असल्याचे स्पष्ट संकेत दिले आहेत.Bachchu Kadu
संजय राऊतांवर थेट निशाणा; ‘फक्त मारायचं राहिलंय’
संजय राऊत यांच्यावर अत्यंत बोचरी टीका करताना कडू यांनी एक मोठा गौप्यस्फोट केला. “संजय राऊतांना उद्धव ठाकरेंनी खूप झापलं आहे, आता फक्त त्यांना मारायचं तेवढं बाकी राहिलंय,” असे विधान त्यांनी केले. तसेच, शिवसेनेवर आणि पक्षप्रमुख उद्धव ठाकरे यांच्यावर आज जी काही परिस्थिती ओढवली आहे, ती सर्वस्वी केवळ संजय राऊत यांच्यामुळेच आली असल्याचा दावाही बच्चू कडू यांनी केला. ते एका वृत्तवाहिनीशी बोलत होते.
‘ऑपरेशन टायगर’ सुसाट; पावसासोबत आमचाही जोर वाढणार!
शिंदे गटाकडून राबवल्या जाणाऱ्या ‘ऑपरेशन टायगर’ बद्दल विचारले असता, बच्चू कडू यांनी विरोधकांना थेट इशारा दिला. “जसा आता पावसाचा जोर वाढत चालला आहे, तसाच आता आमचाही जोर वाढणार आहे. येत्या काही दिवसांत पक्षात आणखी मोठी ‘इन्कमिंग’ झालेली पाहायला मिळेल,” असा विश्वास त्यांनी व्यक्त केला. त्यांच्या या विधानामुळे आगामी काळात ठाकरे गटाला आणखी धक्के बसणार का, यावर राजकीय वर्तुळात चर्चांना उधाण आले आहे.
Operation Tiger: Bachchu Kadu Claims Sachin Ahir’s Full Team Will Join Shinde Sena
महत्वाच्या बातम्या
- पवारांच्या पक्ष काँग्रेसमध्ये विलीन झाल्यावर काँग्रेसची ताकद वाढेल, की गटबाजी वाढेल??
- वारकऱ्यांच्या सेवेसाठी विकासाला वेग; देहूतील इंद्रायणीच्या घाटाचा कायापालट!!
- Ram Mandir : राममंदिर चोरी- आरोपी अविनाशच्या घरातून 20 लाख रुपये सापडले; 1000 डॉलर्सही जप्त करण्यात आले
- एकीकडे पाकिस्तानला भारताशी चर्चा करायची “तहान”; दुसरीकडे भारतातच हल्ले करायचा ISI मॉड्यूलचा पर्दाफाश!!