वृत्तसंस्था
मुंबई : केंद्र सरकारने पेट्रोल-डिझेलच्या दरात कपात केल्यानंतर 24 तास उलटले आणि महाराष्ट्रातील ठाकरे पवार सरकारने पेट्रोल – डिझेलची काही अंशी दर कपात केली आहे. After 24 hours, after Center: Petrol-diesel price reduction in Maharashtra too
पेट्रोलच्या दरात 2 रुपये 8 पैसे आणि डिझेलच्या दरात 1 रुपये 44 पैशांची कपात केली आहे. तत्पूर्वी शनिवारी केंद्र सरकराने पेट्रोलच्या दरात 8 रुपयांनी तर डिझेलच्या दरात 6 रुपयांनी कपात केली आहे.
केंद्रीय अर्थमंत्री निर्मला सीतारामन यांनी राज्यांना पेट्रोल आणि डिझेलवरील व्हॅट कमी करावे, असे आवाहन केले होते. त्यानंतर राजस्थान आणि केरळने आपल्या राज्यात पेट्रोल-डिझेलच्या व्हॅटमध्ये कपात केली होती. यानंतर महाविकास आघाडी सरकारवरही दडपण होते, त्यानंतर आज पेट्रोल-डिझेलच्या व्हॅटमध्ये कपात करण्याचा निर्णय राज्य सरकराने घेतला. या निर्णयामुळे राज्याच्या तिजोरीवर वार्षिक 2500 कोटींचा बोजा पडणार आहे.
नोव्हेंबर 2021 मध्ये जेव्हा केंद्र सरकारने पेट्रोल – डिझेलच्या उत्पादन शुल्कात मोठी घट केली होती, तेव्हा मात्र महाराष्ट्र, पश्चिम बंगाल, छत्तीसगड, राजस्थान आदी राज्य सरकारांनी पेट्रोल डिझेल वरील मूल्यवर्धित कर अर्थात व्हॅट कमी केला नव्हता. आता मात्र महाराष्ट्राने कालची केंद्र सरकारची दर कपातीची घोषणा झाल्यानंतर 24 तासांनी पेट्रोल डिझेलच्या दरात अंशतः कपात केली आहे.
After 24 hours, after Center: Petrol-diesel price reduction in Maharashtra too
महत्वाच्या बातम्या
- ब्राह्मण समाजाला आरक्षण नाही, पण महामंडळाचा विषय मुख्यमंत्र्यांच्या कानावर घालू; शरद पवारांचा शब्द!!
- पुण्यातल्या उद्याच्या राजसभेलाही 13 अटी!!; अयोध्या दौरा भोंगे यावर काय बोलणार??; प्रचंड उत्सुकता!!
- मनसे : संदीप देशपांडे, संतोष धुरींवरील गुन्हा तथ्यहीन; न्यायालयाची सरकारला चपराक!!
- पेट्रोल – डिझेल केंद्राकडून स्वस्त : पण महाराष्ट्र, बंगाल, राजस्थान, छत्तीसगड, झारखंड या वेळी तरी प्रतिसाद देतील??