- जुन्या मुंबई हायवेवर फोर्ड कार कंटनेरवर आदळली
विशेष प्रतिनिधी
पुणे : जुन्या पुणे-मुंबई महामार्गावर राष्ट्रीय महामार्गावर शिलाटणे गावाजवळ आज सकाळी कार व कंटेनर यांच्या भीषण अपघात झाला. या अपघातामध्ये कारमधील पाच जणांचा जागीच मृत्यू झाला असून कारचा अक्षरशः चक्काचूर झाला आहे. Accident near Shilatne village; Five people died on the spot A Ford car crashed into a cantner on the old Mumbai highway
मुंबईहून पुण्याच्या दिशेने भरधाव वेगात जाणारी फोर्ड गाडी पुण्याकडून मुंबईच्या दिशेने येणाऱ्या कंटनेरवर आदळली. अति वेगात असणाऱ्या चालकाचा कारवरील ताबा सुटल्याने रस्त्याच्या मध्ये असणारे दुभाजक ओलांडून मुंबईच्या दिशेने जाणार्या कंटेनरखाली कार घुसली. यामुळे कार आणि कंटेनर यांच्यात भीषण अपघात झाला. यामध्ये कारमधील सर्वच म्हणजेच पाच प्रवाशांचा जागीच मृत्यू झाला.
अपघाताची माहिती समजताच महाराष्ट्र सुरक्षा बल,आयआरबी पेट्रोलिंग, देवदूत यंत्रणा आणि स्थानिक ग्रामस्थ तसेच पोलीस यांनी घटनास्थळी धाव घेत कंटेनरखाली अडकलेली कार आणि मृत प्रवाशी यांना बाहेर काढले.