वृत्तसंस्था
श्रीनगर : उत्तर प्रदेशातील मुझफ्फरनगरनंतर आता जम्मू विभागातील कठुआ जिल्ह्यात दहावीच्या विद्यार्थ्याला मारहाण झाल्याची घटना समोर आली आहे. फळ्यावर धार्मिक घोषणा लिहिल्याने शिक्षकाने विद्यार्थ्याला मारहाण केल्याचा आरोप आहे. विद्यार्थ्याची प्रकृती बिघडल्याने त्याला रुग्णालयात दाखल करावे लागले. आरोपी शिक्षकाला पोलिसांनी अटक केली आहे. या प्रकरणातील आरोपी मुख्याध्यापक अद्याप फरार आहे.A student who wrote ‘Jai Shri Ram’ on the blackboard was severely beaten by the teacher; Jammu and Kashmir school incident
ही घटना जिल्ह्यातील बनी तहसील येथील सरकारी उच्च माध्यमिक शाळेशी संबंधित आहे. वर्गाच्या फलकावर ‘जय श्री राम’ लिहिल्यामुळे शिक्षकाने विद्यार्थ्याला बेदम मारहाण केल्याचा आरोप आहे. यानंतर त्याला रुग्णालयात दाखल करण्यात आले. पोलिसांनी आरोपी मुस्लीम शिक्षक आणि प्राचार्याविरुद्ध एफआयआर नोंदवून शिक्षकाला अटक केली आहे.
पोलिसांचे म्हणणे आहे की, विद्यार्थ्याच्या वडिलांनी आपल्या मुलाला शिक्षक फारुख अहमद आणि शाळेचे मुख्याध्यापक मोहम्मद हाफिज यांनी मारहाण केल्याची तक्रार दाखल केली आहे. यावर स्थानिक पोलिस पथक शाळेत पोहोचले आणि शिक्षकाला पकडले.
कठुआचे उपायुक्त राकेश मन्हास यांनी या प्रकरणाची चौकशी करण्यासाठी तीन सदस्यीय टीम तयार केली आहे. दंडाधिकारी, उपमुख्य शिक्षणाधिकारी कठुआ आणि सरकारी उच्च माध्यमिक विद्यालय खरोटेचे मुख्याध्यापक हे त्याचे सदस्य असतील. या पथकाला दोन दिवसांत अहवाल सादर करण्याचे निर्देश देण्यात आले आहेत.
मुलाच्या मारहाणीवरून मुझफ्फरनगरमध्ये खळबळ
दुसरीकडे, यूपीच्या मुझफ्फरनगरमध्ये शाळेतील मुलाला मारहाणीचा व्हिडिओ समोर आल्यानंतर खळबळ उडाली आहे. या घटनेमुळे नागरिकांमध्ये संतापाचे वातावरण आहे. यासोबतच राजकीय गदारोळही सुरू आहे. या प्रकरणाचा तपास करून पोलिसांनी आरोपी शिक्षकाविरुद्ध गुन्हा दाखल केला आहे. हे प्रकरण मुझफ्फरनगरमधील मन्सूरपूर पोलीस ठाण्याच्या हद्दीतील खुब्बापूर गावाशी संबंधित आहे.
A student who wrote ‘Jai Shri Ram’ on the blackboard was severely beaten by the teacher; Jammu and Kashmir school incident
महत्वाच्या बातम्या
- केंद्र सरकारने उकडलेल्या तांदळावर लावले 20 टक्के निर्यात शुल्क , बिगर बासमती तांदळावर आधीच बंदी
- ‘…आणखी किती बिहारी मरण्याची वाट पाहताय मुख्यमंत्री’ नितीश कुमार सरकारवर चिराग पासवान यांचे टीकास्त्र!
- हरियाणातील नूहमध्ये इंटरनेट सेवा बंद, ‘विहिंप’ पुन्हा ब्रजमंडल यात्रा काढणार!
- बारामतीत वडील – मुलीने टाळले स्वागत; पण काकांच्या पुतण्याचे मात्र भव्य शक्तिप्रदर्शन!!; राजकीय इंगित काय??