वृत्तसंस्था
पुणे : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे गाभा-यात सोमवारी गणरायाला सुमारे ५०० डाळिंबांचा नैवेद्य दाखविण्यात आला.500 pomegranates are Offered to shrimant Dagdusheth Ganpati in Pune ; Flower decoration of Sheshnag replica
आजच्या दिवशी शेषात्मज गणेशाचा अवतार झाला होता. त्यामुळे गाभाऱ्यात शेषनागाच्या प्रतिकृतीची आकर्षक पुष्पसजावट केली आहे.गणेश जयंतीनिमित्त मंदिरात सोमवारी सकाळी ब्रह्मवृंदांच्या उपस्थितीत धार्मिक विधी पार पडले.
भगवान ब्रह्मदेव सृष्टी रचनेच्या कार्यात असताना आपल्याच सृष्टीवर मोहित झाले. त्या मोहित अवस्थेत त्यांच्या नासिकेमधून बालक जन्माला आले. त्याला पाहून भगवान ब्रह्मदेव अधिकच मायायुक्त झाले. त्याला त्यांनी मायाकर, असे नाव दिले. वरदानही दिले.
पुढे विप्रचित्ती नामक राक्षसाने या मायाकराला राक्षसांचा राजा केले. मायाकराने अतुलनीय वरदानांवर सगळी पृथ्वी आणि स्वर्ग लोक जिंकला. त्यानंतर त्याने पाताळावर आक्रमण केले. त्याच्या वरदानासमोर निष्प्रभ झालेल्या भगवान शेषांनी शेवटी भगवान गणेशांचे स्मरण केले.
त्यांच्या ध्यानातूनच भगवान श्री गणेश श्रीशेषात्मज रूपात ज्येष्ठ शुद्ध चतुर्थीला मध्यान्य समयी प्रकट झाले. याच अवतारात पुढे गजासुर नामक राक्षसाला मारण्यासाठी भगवान श्री गणेशांनी ब्रह्मदेव, विष्णू, शंकर ,देवी, सूर्य या पंचेश्वरांच्या शक्तिने युक्त असलेले मूषक हे वाहन त्यांना करायला सांगितले.
या मूषकावर बसून श्री गणेशांनी गजासुर वध केला. याच श्रीशेषात्मज अवताराला श्रीमूषकग असेही नाव प्राप्त झाले. गाणपत्य संप्रदायात भाद्रपद आणि माघ मासाप्रमाणेच ज्येष्ठ चतुर्थीचाही श्रीशेषात्मज जन्मोत्सव महत्वपूर्ण मानलेला आहे. त्यामुळे ही सजावट व महानैवेद्य दाखविण्यात आला, अशी माहिती ट्रस्टचे अध्यक्ष अशोक गोडसे यांनी दिली.
500 pomegranates are Offered to shrimant Dagdusheth Ganpati in Pune ; Flower decoration of Sheshnag replica
महत्वाच्या बातम्या
- हाँगकाँग, झिजियांग प्रातांमधील मानवाधिकाराच्या हननावरून जी – ७ आणि मित्र देशांनी चीनला फटकारले
- अमेरिकेचे अध्यक्ष ज्यो बायडेन यांचा चीनविरोधात आव आक्रमक; भाषा गुळमुळीत!!
- चीनच्या महत्त्वाकांक्षी बेल्ट अँड रोड प्रकल्पाला लोकशाही पर्यायी प्रकल्प देण्याचे जी – ७ देशांचे सूतोवाच
- Electric Vehicle : इलेक्ट्रिक दुचाकी आता होणार स्वस्त; केंद्र सरकारने अनुदानाची रक्कम वाढविली