वृत्तसंस्था
वॉशिंग्टन : अमेरिकेतील भारतीय वंशाच्या रिपब्लिकन नेत्या निक्की हेली यांच्यावर लेखिका आणि वकील अॅन कुल्टर यांनी वर्णद्वेषी टिप्पणी केली आहे. एका पॉडकास्ट दरम्यान, कुल्टर यांनी निक्की हेली यांना म्हटले की, तुम्ही भारतात परत का जात नाहीत?Racist Criticism on Nikki Haley American writer said – Why don’t they go back to India? Everyone is starving there
निक्की हेली यांच्यावर हल्ला करताना कुल्टर यांनी भारताच्या संस्कृतीवरही आक्षेपार्ह टिप्पणी केली होती. त्या म्हणाल्या की, “गाईंची पूजा कोण करतो? भारतात सगळे उपाशी आहेत. तिथे उंदरांची मंदिरे आहेत.”
- अमेरिकन पत्रकाराने अमेरिकेत हिजाब घालायला नकार दिल्याने इराणच्या अध्यक्षांनी टीव्ही इंटरव्यू नाकारला
निक्की हेली यांच्या उमेदवारीमुळे अॅन कुल्टर नाराज
भारतीय वंशाच्या निक्की हेली यांनी 15 फेब्रुवारीलाच रिपब्लिकन पक्षाच्या वतीने राष्ट्राध्यक्षपदाची उमेदवारी होण्याचा दावा केला होता. त्यामुळे अॅन कुल्टर चिडल्या. त्या म्हणाल्या की, निक्की हेली यांना 2% पेक्षा जास्त मते मिळणार नाहीत. अॅन कुल्टर यांनी हेली यांच्या दाव्याचे हास्यास्पद वर्णन केले. हेली यांना पाठिंबा देणारे लोक महिलांचा द्वेष करणारे असल्याचेही म्हटले आहे.
अॅन कुल्टर यांनी निक्की हेलींवर अशी वर्णद्वेषी टिप्पणी करण्याची ही पहिलीच वेळ नाही. यापूर्वी २०१६ मध्ये अॅन कुल्टर यांनी ट्रम्प यांना निक्की हेली यांना भारतात परत पाठवण्यास सांगितले होते. 2015 मध्ये जेव्हा हेलीने चार्ल्सटन गोळीबारानंतर दक्षिण कॅरोलिनातील स्टेट हाऊसवरील ध्वज खाली करण्याचा सल्ला दिला तेव्हा अॅन कुल्टरने तिला बिम्बो म्हटले.
निक्की यांचे कुटुंबीय अमृतसरचे
UN मध्ये राजदूत आणि दक्षिण कॅरोलिनाचे गव्हर्नर राहिलेल्या निक्कीचा जन्म 1972 मध्ये अमेरिकेत झाला. तिचे खरे नाव नम्रता रंधवा आहे. वडील अजितसिंग रंधवा पत्नी राज कौरसह 1960 मध्ये अमृतसरहून अमेरिकेत पीएचडी करण्यासाठी स्थलांतरित झाल्या होत्या. निक्की यांना दोन भाऊ मिठ्ठी आणि सिमी आणि एक बहीण सिमरन आहे.
Racist Criticism on Nikki Haley American writer said – Why don’t they go back to India? Everyone is starving there
महत्वाच्या बातम्या
- महाकालाच्या उज्जैनमध्ये 21 लाख दिव्यांनी उजळला क्षिप्रा घाट
- हा शिवसेना, राष्ट्रवादी अथवा काँग्रेसच्या फोडाफोडीचा मुद्दा नाही, तर भाजपच्या नव्या राजकीय व्युहरचनेचा मुद्दा आहे!!
- बिहारमधल्या 45 आमदारांचे नेते नितीश कुमारांची भाजपला लोकसभा निवडणुकीत 100 जागांमध्ये गुंडाळण्याची महत्त्वाकांक्षा!!
- सोरोसच्या अँटी मोदी कॅम्पेन पासून काँग्रेसने झटकले हात; पण मनमोहन सिंगांची मुलगी अमृत, शिवशंकर मेनन, हर्ष मंदर ते सलील शेट्टी सर्वांची सोरोसला साथ!!