कोरोनाच्या लाटेतून अवघे जग सावरत असताना रशियामध्ये पुन्हा एकदा संसर्गात झपाट्याने वाढ होऊ लागली आहे. रशियामध्ये पुन्हा एकदा कोरोनाने कहर केला आहे. गेल्या 24 तासांत 40 हजारांहून अधिक नवीन रुग्ण आढळले आहेत. महामारी सुरू झाल्यापासूनची ही सर्वाधिक आकडेवारी आहे. त्याचबरोबर मागच्या 24 तासांत 1159 जणांना आपला जीव गमवावा लागला आहे.COVID19 Surge In Russia 40096 New Cases And 1159 Fatalities In 24 Hours
वृत्तसंस्था
मॉस्को : कोरोनाच्या लाटेतून अवघे जग सावरत असताना रशियामध्ये पुन्हा एकदा संसर्गात झपाट्याने वाढ होऊ लागली आहे. रशियामध्ये पुन्हा एकदा कोरोनाने कहर केला आहे. गेल्या 24 तासांत 40 हजारांहून अधिक नवीन रुग्ण आढळले आहेत.
महामारी सुरू झाल्यापासूनची ही सर्वाधिक आकडेवारी आहे. त्याचबरोबर मागच्या 24 तासांत 1159 जणांना आपला जीव गमवावा लागला आहे. गेल्या आठवड्यापासून कोरोनाच्या रुग्णांमध्ये वाढ होत आहे. कोरोनावर नियंत्रण मिळवण्यासाठी पुतिन सरकारने 11 दिवसांचा लॉकडाऊन लागू करण्याचा निर्णय घेतला आहे.
गुरुवारपासून (28 ऑक्टोबर) रशियामधील शाळा, महाविद्यालये, मॉल्स, रेस्टॉरंट आणि बाजारपेठ बंद ठेवण्याचे आदेश जारी करण्यात आले आहेत. शाळा तसेच जिम, बहुतांश मनोरंजन स्थळे आणि दुकाने 11 दिवस बंद राहतील. या काळात रेस्टॉरंट्स आणि हॉटेल्स डिलिव्हरी ऑर्डरसाठी खुली राहतील.
रशियन अधिकार्‍यांना आशा आहे की, या काळात लोकांना कार्यालये आणि सार्वजनिक वाहतुकीपासून दूर ठेवल्याने कोरोनाव्हायरस (साथीचा रोग) साथीच्या रोगाचा प्रसार मर्यादित करण्यात मदत होईल.
60 वर्षांवरील लोकांना घरातच राहण्याचे आवाहन
सरकारने केवळ औषधांची दुकाने आणि जीवनावश्यक वस्तूंची दुकाने उघडण्यास परवानगी दिली आहे. व्लादिमीर पुतिन म्हणाले की, रशियाच्या 85 प्रदेशांमध्ये जेथे परिस्थिती विशेषतः गंभीर आहे, तेथे काम आधी थांबवले जाऊ शकते. सुट्ट्या 7 नोव्हेंबरच्या पुढे वाढवल्या जाऊ शकतात.
त्या काळात मुख्य पायाभूत सुविधा आणि काही सेवा वगळता बहुतेक सरकारी संस्था आणि खासगी व्यवसायांनादेखील काम थांबवावे लागेल. पुतिन यांनी स्थानिक अधिकार्‍यांना आदेश देण्यास सांगितले आहे की, 60 वर्षांवरील लोक ज्यांना लस मिळाली नाही त्यांनी घरीच राहावे.
COVID19 Surge In Russia 40096 New Cases And 1159 Fatalities In 24 Hours
महत्त्वाच्या बातम्या
- कृषी तंत्रज्ञान शिक्षण मराठी भाषेतून देण्याची गरज : राज्यपाल भगत सिंह कोश्यारी
- वीरेंद्र सेहवागने केला खुलासा , म्हणाला- आता भारत असा जिंकणार टी-२० वर्ल्ड कप
- समीर वानखेडे यांना अटक करायची झाल्यास तीन दिवसांची नोटीस देऊ; राज्य सरकारच्या वकिलांचे मुंबई हायकोर्टात निवेदन
- गोव्यात कोणीही आले तरी भाजपला फरक पडणार नाही; ममता बॅनर्जींच्या दौर्‍यावर मुख्यमंत्री प्रमोद सावंत यांचा टोला
- पाकिस्तानच्या गृहमंत्र्यांना ओवेसींचे प्रत्युत्तर, म्हणाले – इस्लामचा क्रिकेटशी काय संबंध, मंत्री वेडा आहे!