वृत्तसंस्था
वॉशिंग्टन डीसी : Imran Khan पाकिस्तानचे माजी पंतप्रधान इम्रान खान यांचे सरकार पाडण्यामागील कारण एका गौप्यस्फोटाद्वारे समोर आले आहे. लीक झालेल्या दस्तऐवजांच्या आधारे असा दावा केला आहे की, इम्रान यांची सत्ता अविश्वास ठरावाने गेली नव्हती. त्यामागे अमेरिकेचा कट व पाकिस्तानी सैन्याची भूमिका होती. इम्रान यांनी २४ फेब्रुवारी २०२२ रोजी मॉस्कोमध्ये रशियाचे राष्ट्रपती पुतीन यांची भेट घेतली होती. त्याच दिवशी रशियाने युक्रेनवर हल्ला सुरू केला होता.Imran Khan
इम्रान यांच्या या दौऱ्यामुळे अमेरिका नाराज होती. युक्रेनबाबत इम्रान सरकारने तटस्थ भूमिका घेतली. ७ मार्च २०२२ रोजी वॉशिंग्टनमध्ये तत्कालीन राजदूत असद मजीद खान आणि अमेरिकेचे सहाय्यक परराष्ट्रमंत्री डोनाल्ड लू यांच्यात चर्चा झाली. मजीद यांना सांगितले की, अविश्वास ठरावाद्वारे इम्रान सत्तेतून हटले तर अमेरिका ‘सर्व काही माफ’ करेल. नंतर ३३ दिवसांत ९ एप्रिल २०२२ ला सरकार कोसळले.Imran Khan
सत्ता गेल्यानंतर इम्रान खान यांच्यावर १८८ गुन्हे दाखल
२०२२ मध्ये सरकार कोसळल्यानंतर सैन्यसमर्थित सरकारने इम्रान खान यांच्याविरोधात किमान १८८ गुन्हे दाखल केले आहेत. ऑगस्ट २०२३ पासून ते तुरुंगात असून सध्या अल-कादिर ट्रस्ट प्रकरणात १४ वर्षांची शिक्षा भोगत आहेत. तोशाखाना गुन्हेगारी प्रकरण, सायफर प्रकरण, यांसारखी महत्त्वाची प्रकरणे त्यांच्याविरोधात सुरू आहेत.
बैठकीनंतर संरक्षण काढले; विरोधकांना मार्ग मोकळा
या बैठकीनंतर पाकिस्तानात राजकीय हालचाली वेगाने वाढल्या. सैन्याने इम्रान यांना दिलेले संरक्षण मागे घेतले. विरोधकांच्या अविश्वास ठरावाला मार्ग मोकळा करून सत्ता परिवर्तनासाठी वातावरण तयार करण्यात आले. पाकिस्तानी सैन्याने यापूर्वीही इम्रान यांच्याविरोधात कट रचल्याचा दावा करण्यात आला आहे.
ट्रम्प काळात क्रिप्टो, खनिज, संरक्षण क्षेत्रात करार
ट्रम्प यांच्या काळात पाकिस्तान-अमेरिका संबंध व्यवहारकेंद्री बनल्याचे दिसले. पाकने सौदीसोबत संरक्षण करार केला. इम्रान यांनी तो नाकारला होता. क्रिप्टो कौन्सिलची स्थापना झाली आणि ट्रम्प कुटुंबाच्या एलएफ कंपनीसोबत करार झाला. दुर्मिळ खनिजांबाबत ५०० दशलक्ष डॉलरचा करारही केला.
वॉशिंग्टन: लंच टेबलवर इम्रान यांना हटवण्यासाठी दबाव टाकला
वॉशिंग्टनमधील एका हॉटेलमध्ये डोनाल्ड लू यांनी पाकिस्तानचे तत्कालीन राजदूत असद मजीद खान यांच्यासोबत लंचदरम्यान चर्चा सुरू होताच माजी पंतप्रधान इम्रान खान यांना हटवण्याचा दबाव टाकला होता.
लंचदरम्यान लू यांनी युक्रेन युद्धावर पाकिस्तानच्या भूमिकेबद्दल नाराजी व्यक्त केली. पाकिस्तान रशियाची उघड टीका करत नाही आणि हे अमेरिका व युरोपला मान्य नसल्याचे त्यांनी सांगितले.
लू यांनी मजीद यांना स्पष्ट केले की, अमेरिका इम्रान यांच्या रशिया दौऱ्यामुळे नाराज आहे. त्यानंतर चर्चा अविश्वास ठरावावर आली. लू म्हणाले, “जर इम्रान हटले, तर सर्व काही माफ होईल.”
इम्रान यांच्यानंतर अमेरिकेच्या सांगण्यावरून पाकिस्तानच्या नव्या सरकारने युक्रेनला शस्त्रांचा पुरवठा केला. हा पुरवठा अमेरिकन संरक्षण कंत्राटदार व तिसऱ्या देशांच्या माध्यमातून केला. त्यानंतर जुलै२०२३ मध्ये आयएमएफने पाकिस्तानसाठी ३ अब्ज डॉलरचे पॅकेज मंजूर केले.
Leaked Documents Reveal US-Pakistan Military Plot Behind Imran Khan’s Ouster
महत्वाच्या बातम्या
- महाराष्ट्रात मुख्यमंत्री फेलोशिपसाठी अर्ज प्रक्रिया सुरू; प्रशासनाच्या बरोबर काम करायची मोठी संधी
- महाराष्ट्रातल्या सहा तीर्थक्षेत्रांना मिळणार विकासाची नवी झळाळी; भीमाशंकर, परळी वैजनाथ, घृष्णेश्वराचा समावेश!!
- NIA : भारतात घुसखोरी केल्यानंतर दहशतवादी हेअर ट्रान्सप्लांट करण्यासाठी पोहोचला, स्लीपर सेल नेटवर्क तयार करण्यासाठी आला होता
- Kamal Haasan : कमल हासन तामिळनाडूचे मुख्यमंत्री विजय यांना भेटले, 6 मागण्या ठेवल्या; म्हटले – सरकारी ओटीटी प्लॅटफॉर्म सुरू करा