Imran Khan : अमेरिका आणि पाक सैन्याच्या संगनमतातून इम्रान खान यांची उचलबांगडी झाल्याचा खुलासा, इम्रान यांच्या रशिया दौऱ्यामुळे अमेरिका नाराज
पाकिस्तानचे माजी पंतप्रधान इम्रान खान यांचे सरकार पाडण्यामागील कारण एका गौप्यस्फोटाद्वारे समोर आले आहे. लीक झालेल्या दस्तऐवजांच्या आधारे असा दावा केला आहे की, इम्रान यांची सत्ता अविश्वास ठरावाने गेली नव्हती. त्यामागे अमेरिकेचा कट व पाकिस्तानी सैन्याची भूमिका होती. इम्रान यांनी २४ फेब्रुवारी २०२२ रोजी मॉस्कोमध्ये रशियाचे राष्ट्रपती पुतीन यांची भेट घेतली होती. त्याच दिवशी रशियाने युक्रेनवर हल्ला सुरू केला होता.