Mohammad Ali Jinnah statue destroyed in blast in Balochistan : बलुचिस्तानच्या बंडखोरांनी बलुचिस्तान प्रांतातील किनारी शहर ग्वादरमध्ये बॉम्बस्फोट घडवून पाकिस्तानचे संस्थापक मोहम्मद अली जिना यांचा पुतळा नष्ट केला. सोमवारी ‘डॉन’ वृत्तपत्रात प्रसिद्ध झालेल्या वृत्तानुसार, सुरक्षित क्षेत्र समजल्या जाणाऱ्या मरीन ड्राईव्हवर जूनमध्ये उभारण्यात आलेला पुतळा रविवारी सकाळी स्फोटकांनी उडवण्यात आला. Pakistan founder Mohammad Ali Jinnah statue destroyed in blast in Balochistan Gwadar
वृत्तसंस्था
इस्लामाबाद : बलुचिस्तानच्या बंडखोरांनी बलुचिस्तान प्रांतातील किनारी शहर ग्वादरमध्ये बॉम्बस्फोट घडवून पाकिस्तानचे संस्थापक मोहम्मद अली जिना यांचा पुतळा नष्ट केला. सोमवारी ‘डॉन’ वृत्तपत्रात प्रसिद्ध झालेल्या वृत्तानुसार, सुरक्षित क्षेत्र समजल्या जाणाऱ्या मरीन ड्राईव्हवर जूनमध्ये उभारण्यात आलेला पुतळा रविवारी सकाळी स्फोटकांनी उडवण्यात आला.
रिपोर्ट्सनुसार, स्फोटात पुतळा पूर्णपणे नष्ट झाला. बीबीसी उर्दूच्या वृत्तानुसार, प्रतिबंधित संघटना बलूच रिपब्लिकन आर्मीचे प्रवक्ते बबगर बलूच यांनी ट्विटरवर स्फोटाची जबाबदारी स्वीकारली आहे. बीबीसी उर्दूने ग्वादरचे उपायुक्त मेजर (निवृत्त) अब्दुल कबीर खान यांच्या हवाल्याने सांगितले की, या प्रकरणाची उच्च स्तरावर चौकशी केली जात आहे. ते म्हणाले की, स्फोटके लावून जिनांचा पुतळा उद्ध्वस्त करणारे दहशतवादी या भागात पर्यटक म्हणून घुसले होते.
सीनेटर बुगती यांची दोषींवर कडक कारवाईची मागणी
अब्दुल कबीर खान यांच्या मते, अद्याप कोणालाही अटक करण्यात आलेली नाही, पण तपास एक -दोन दिवसात पूर्ण होईल. ते म्हणाले, ‘आम्ही या प्रकरणाकडे सर्व बाजूंनी पाहत आहोत. दोषी लवकरच पकडले जातील.’ बलुचिस्तानचे माजी गृहमंत्री आणि सध्याचे सिनेटर सरफराज बुगती यांनी ट्विट केले, ‘ग्वादरमध्ये कायदे-ए-आझमचा पुतळा नष्ट करणे हा पाकिस्तानच्या विचारधारेवर हल्ला आहे. मी अधिकाऱ्यांना विनंती करतो की जियारत येथील कायदे-ए-आझम निवासस्थानावरील हल्ल्याप्रकरणी आम्ही ज्याप्रमाणे गुन्हेगारांना शिक्षा केली त्याप्रमाणे त्यांना शिक्षा करावी.”
Pakistan founder Mohammad Ali Jinnah statue destroyed in blast in Balochistan Gwadar
महत्त्वाच्या बातम्या
- ‘भारत बंदची हाक देणाऱ्या संघटना तालिबानी’, बीकेयू – भानुच्या अध्यक्षांचे वक्तव्य, राकेश टिकैतांवरही डागली तोफ
- पंतप्रधान डिजिटल आरोग्य मिशन लाँच : काय आहे हेल्थ कार्ड? ते कसे तयार होणार?, त्याचा फायदा काय? वाचा तुमच्या प्रत्येक प्रश्नाचे उत्तर…
- सीमेवर चीन पुन्हा सक्रिय : लडाख सीमेवर तंबू ठोकले; आठ ठिकाणी लष्करी छावण्या, प्रत्येक ठिकाणी ८४ तंबू
- राज्यसभा पोटनिवडणूक अखेर बिनविरोध; काँग्रेसच्या रजनी पाटील यांची निवड निश्चित
- थोरात – नानांची शिष्टाई कामी आली; काँग्रेसला कात्रज घाट दाखविण्याची संधी गेली!!