वृत्तसंस्था
तेल अवीव : इस्रायलमध्ये 29 आठवड्यांपासून देशभरातून निषेध होऊनही सोमवारी न्यायिक दुरुस्ती विधेयकाचा एक मोठा भाग मंजूर करण्यात आला. बिलावरील मतदानादरम्यान हजारो इस्रायली तेल अवीवच्या रस्त्यावर निदर्शने करत राहिले. ते म्हणाले की, बेंजामिन नेतान्याहू आता रशियाचे अध्यक्ष पुतीन यांच्यासारखे झाले आहेत. ते देशाला हुकूमशाहीकडे ढकलत आहेत.Israel’s Supreme Court cannot change government orders; Thousands of people on the streets against legal change
या विधेयकाविरोधात आंदोलन तीव्र करण्याचा इशारा आंदोलकांनी दिला आहे. मेडिकल असोसिएशननेही 24 तासांच्या संपाची घोषणा केली आहे. तथापि, याचा आपत्कालीन सेवांवर परिणाम होणार नाही.
नवीन कायदेशीर बदलानुसार, आता इस्रायलमधील सर्वोच्च न्यायालय सरकारचा कोणताही निर्णय चुकीचा ठरवू शकणार नाही.
निदर्शनादरम्यान उत्तर कोरियाचा ध्वजही फडकवण्यात आला
कायदेशीर बदलाच्या विरोधात निदर्शने करणाऱ्या लोकांनी लोकशाही किंवा विद्रोह अशा घोषणा दिल्या. इस्रायलमध्ये हुकूमशाही चालणार नाही, असे ते म्हणाले. यादरम्यान अनेक पत्रकारांवर हल्लेही झाले. आंदोलकांनी मुख्य बेगुइन महामार्ग रोखून धरला. नेतान्याहू यांच्या हुकूमशाहीला विरोध करण्यासाठी काही आंदोलक उत्तर कोरियाचा ध्वज हातात घेऊन जातानाही दिसले. पोलिसांनी वॉटर कॅननचा वापर केला.
या विधेयकावरील मतदानावर विरोधकांनी बहिष्कार टाकला
सोमवारी या विधेयकावरील मतदानादरम्यान विरोधी पक्षातील सर्व 56 सदस्यांनी बहिष्कार टाकला. त्यानंतर हे विधेयक 64-0 मतांनी मंजूर झाले. इस्रायलच्या राष्ट्रीय निषेध आंदोलनाने नेतन्याहू यांना देशाच्या एकात्मतेत फूट, सैन्य आणि अर्थव्यवस्था कोलमडणे यासाठी जबाबदार धरले.
नॅशनल प्रोटेस्टने म्हटले की, अशा नेत्याशी बोलण्यात अर्थ नाही, ज्याने स्वत:ला रशियाचे अध्यक्ष पुतीनसारखे बनवले आणि देशाला हुकूमशाहीकडे ढकलण्याचा निर्णय घेतला. इस्रायलमध्ये उदारमतवादी लोकशाही राहावी यासाठी आम्ही नेतन्याहू यांच्याशी शेवटपर्यंत लढू.
Israel’s Supreme Court cannot change government orders; Thousands of people on the streets against legal change
महत्वाच्या बातम्या
- मणिपूरमध्ये जवानाकडून महिलेचा विनयभंग; व्हिडिओ आल्यानंतर बीएसएफने केले निलंबन, गुन्हा दाखल
- केंद्राविरोधात विरोधक आणणार अविश्वास प्रस्ताव; शहा यांच्या भाषणावेळी घोषणाबाजी, पोस्टर झळकावले
- सहकारातून स्वाहाकाराची मनमानी करणाऱ्यांना मोदी सरकारचा चाप; बहुचर्चित सहकार सुधारणा विधेयक लोकसभेत मंजूर!!
- ‘’भारतात शत्रूच्या मालमत्तेचा लिलाव सुरू झाला आहे’’ केंद्रीय गृह राज्यमंत्री अजय कुमार मिश्रांनी दिली माहिती!