पुढील वर्षात भारतात येणार असल्याचेही सांगितले आहे; जाणून घ्या आणखी काय म्हटले आहे?
विशेष प्रतिनिधी
न्यूयॉर्क : पंतप्रधान नरेंद्र मोदी 20 ते 25 जून दरम्यान अमेरिका आणि इजिप्तच्या राज्य दौऱ्यावर आहेत. या दौऱ्याच्या पहिल्या टप्प्यात पंतप्रधान मोदी मंगळवारी न्यूयॉर्कला पोहोचले. येत्या काही दिवसांत पंतप्रधान मोदी अनेक कार्यक्रमांमध्ये सहभागी होणार आहेत. यामध्ये आज आंतरराष्ट्रीय योग दिनानिमित्त संयुक्त राष्ट्र संघात आयोजित कार्यक्रमाचा समावेश आहे. दरम्यान, ट्विटरचे सीईओ एलोन मस्क यांनी पंतप्रधान मोदींची भेट घेतली. I am a fan of Modi Elon Musks statement after PM Modis meeting
लोटे न्यूयॉर्क पॅलेस हॉटेलमध्ये पंतप्रधान मोदींची भेट घेतल्यानंतर इलॉन मस्क यांनी भारतात येण्याची इच्छा व्यक्त केली. पुढील वर्षी आपण भारतात येऊ शकतो, असे मस्क यांनी सांगितले आहे. एवढच नाही तर मी मोदींचा चाहता असल्याचे म्हणत इलॉन मस्क यांनी सांगितले की, मी भारताच्या भविष्याबाबत खूप उत्सुक आहे. मला वाटते की भारतामध्ये जगातील इतर कोणत्याही देशापेक्षा अधिक क्षमता आहे. मी म्हणू शकतो की पंतप्रधान मोदींना भारतासाठी योग्य गोष्टी करायच्या आहेत. नवीन कंपन्यांकडे त्यांचा दृष्टिकोन खूप उदारमतवादी आहे. त्यांना आपल्या देशात नवीन कंपन्यांचे स्वागत खुल्या हातांनी करायचे आहे.
पंतप्रधान मोदींसोबतच्या भेटीबाबत विचारल्यावर मस्क म्हणाले की, ‘’मोदींना त्यांच्या देशाची खूप काळजी आहे. म्हणूनच ते भारतात गुंतवणुकीसाठी खूप सक्रिय आहेत. आम्ही भारतातही गुंतवणुकीच्या संधी शोधत आहोत. आम्ही फक्त योग्य वेळ शोधत आहोत.’’ तसेच, मस्क म्हणाले की, त्यांना भारतात ब्रॉडबँड इंटरनेट सेवा स्टारलिंक आणायची आहे. यामुळे ग्रामीण भागातील लोकांना इंटरनेटची सुविधा उपलब्ध नाही.
I am a fan of Modi Elon Musks statement after PM Modis meeting
महत्वाच्या बातम्या
- पंतप्रधान मोदी अमेरिकेच्या राजकीय दौऱ्यासाठी न्यूयॉर्कला पोहोचले; भारतीय समुदायाकडून जल्लोषात स्वागत
- नव्या शैक्षणिक धोरणानुसार निर्माण होत असलेल्या पाठ्यपुस्तकांबाबत धर्मेंद्र प्रधान यांची विशेष माहिती
- ‘’…हे लक्षात आल्यानेच उद्धव ठाकरे बावचळल्यासारखे बोलताय’’ फडणवीसांनी लगावला टोला!
- 18 जुलै हाच खरा गद्दार दिन!!; आमदार संजय शिरसाट असे का म्हणाले??
