वृत्तसंस्था
कॅलिफोर्निया : गुगलचे सहसंस्थापक सर्गेई ब्रिन यांनी पत्नी निकोल शानाहान हिला घटस्फोट दिला आहे. निकोल व्यवसायाने एक बिझनेसवुमन आणि वकील आहेत आणि मीडिया रिपोर्ट्सनुसार, त्यांच टेस्लाचे संस्थापक एलन मस्कसोबत अफेअर आहे.Google co-founder’s divorce from wife Shanahan; Discussing an affair with Elon Musk
न्यायालयाच्या कागदपत्रांनुसार, सर्गेई आणि निकोलची घटस्फोट प्रक्रिया 26 मे रोजी पूर्ण झाली. दोघांकडे त्यांच्या 4 वर्षांच्या मुलीचा संयुक्त ताबा असेल.
निकोलने घटस्फोटाला विरोध केला नाही. दोघांनी 2015 मध्ये डेट करायला सुरुवात केली आणि 2018 मध्ये लग्न केले. सर्गेईने निकोलशी लग्न केल्यानंतरच त्याची पहिली पत्नी अॅनी वोजिकीशी घटस्फोट झाला. तथापि, 2021 पासून सर्गेई आणि निकोल वेगळे राहत होते.
सर्गेई ब्रिनने 2022 मध्ये घटस्फोटासाठी अर्ज दाखल केला
ब्रिनने 2022 मध्ये घटस्फोटासाठी अर्ज केला. न्यूयॉर्क पोस्टच्या रिपोर्टनुसार, याच्या एक महिन्यापूर्वीच निकोल आणि मस्कच्या अफेअरच्या बातम्या व्हायरल होऊ लागल्या होत्या. निकोल शानाहान आणि एलन मस्क एकमेकांना बऱ्याच काळापासून ओळखतात. दोघांनीही त्यांच्या अफेअरच्या बातम्या पूर्णपणे फेटाळून लावल्या आहेत.
वॉल स्ट्रीट जर्नलमध्ये एक लेख प्रसिद्ध झाला होता. कथित अफेअरमुळे एलन मस्कची सर्गेई ब्रिनसोबतची मैत्री तुटली हे त्याचे शीर्षक होते. यात मस्कने लिहिले- सर्गेई आणि मी मित्र आहोत आणि आम्ही फक्त एका दिवसापूर्वी एका पार्टीत एकत्र होतो. गेल्या 3 वर्षांत मी निकोलला फक्त दोनदा भेटलो. दोन्ही वेळी आमच्या आजूबाजूला खूप लोक होते. त्यात वैयक्तिक काहीही नव्हते.
मस्क-निकोल यांनी अफेअरच्या बातम्या फेटाळल्या
निकोलने अफेअरच्या बातम्यांचे वर्णन एक अफवा म्हणून केले. ती म्हणाली की, मस्क आणि ती फक्त मित्र आहेत आणि त्यांचे कोणतेही अफेअर नाही. डेली मेलच्या रिपोर्टनुसार, एलन मस्क आणि निकोल शानाहान डिसेंबर 2021 मध्ये मियामीमध्ये एका आर्ट इव्हेंटमध्ये जवळ आले आणि त्यांचे अफेअर सुरू झाले. तथापि, हे फार कमी काळासाठी होते.
अफेअर समजल्यानंतर सर्गेईने घटस्फोटासाठी अर्ज केला. घटस्फोटाबद्दल कळल्यानंतर, मस्क अत्यंत निराश झाला आणि त्याने गुडघे टेकून सर्गेई ब्रिनची माफी मागितली. ब्रिनने माफी स्वीकारली, पण घटस्फोटाच्या निर्णयावर ठाम राहिला. या अफेअरमुळे त्यांच्या मैत्रीत दुरावा निर्माण झाला आहे.
Google co-founder’s divorce from wife Shanahan; Discussing an affair with Elon Musk
महत्वाच्या बातम्या
- राहुल गांधी म्हणाले- तेलंगणातून 100 दिवसांत बीआरएस सरकार हटवणार; सत्तेत आल्यास सिलिंडर 500 रुपयांना, महिलांना दरमहा 2500 देणार
- सर्वपक्षीय बैठकीत विरोधक म्हणाले- महिला आरक्षण विधेयक आणा; आजपासून संसदेचे विशेष अधिवेशन
- रवींद्रनाथ टागोर यांच्या ‘शांती निकेतन’चा युनेस्कोच्या जागतिक वारसा यादीत समावेश
- सर्वपक्षीय बैठकीत महिला आरक्षण विधेयकाचा मुद्दा उपस्थित, प्रादेशिक