• Download App
    चीनने एकाच दिवसात दिले १ कोटी ८० लाख कोरोना लसीचे डोस, आत्तापर्यंत नागरिकांना दिले १६३.७ कोटी डोस|China gives 18 million doses of corona vaccine in one day, 163.7 crore doses to citizens so far

    चीनने एकाच दिवसात दिले १ कोटी ८० लाख कोरोना लसीचे डोस, आत्तापर्यंत नागरिकांना दिले १६३.७ कोटी डोस

    विशेष प्रतिनिधी

    बीजिंग : संपूर्ण जगात कोरोनाचा हाहाकार सुरू करण्यामागे चीनचे षडयंत्र आहे, असा आरोप होत आहे. मात्र, चीनने कोरोना प्रतिबंधक लसीकरणा मात्र आघाडी घेतली आहे. चीनने ३० जुलै रोजी १ कोटी ८० लाख कोरोना लसीचे डोस वितरित केले. आत्तापर्यंत संपूर्ण चीनमध्ये १६३.७ कोटी लसीचे डोस वितरित केले आहेत.China gives 18 million doses of corona vaccine in one day, 163.7 crore doses to citizens so far

    कोरोनाच्या संक्रमणाला रोखण्यासाठी लसीकरण करण्यासाठी चीनने कठोर निर्णय घेतला आहे. कोरोना लस न घेतलेल्या नागरिकांना रुग्णालयातच उपचार नाकारले जात आहेत. चीनमधील काही राज्यांनी लस सक्तीचा निर्णय जाहीर केला आहे.



    चीनमध्ये गेल्या काही महिन्यांपासून लसीकरणाला वेग देण्यात आला आहे. आतापर्यंत १६३ कोटींहून अधिक डोस देण्यात आल्याचा दावा चीनने केला आहे. उर्वरित लोकसंख्येचे लसीकरण करण्यासाठी चीनने आणखी पावले उचलली आहेत.

    चीनमधील 12 राज्यांतील जवळपास 50 जिल्हा प्रशासनांनी लस न घेणाऱ्या नागरिकांना इशारा दिला होता. लस न घेतल्यास त्या नागरिकांना सार्वजनिक सेवांपासून वंचित ठेवले जाईल, असे आदेशही जारी केले आहेत. प्रशासनाकडून लस घेण्यासाठी या नागरिकांना जुलैअखेरपर्यंतची मुदत देण्यात आली आहे.

    चीनमधील शिचुआन, फुजियान, शानक्सी, जिआंग्सू, जियांग्शी, गुआंग्शी, अनहुई, शेडोंग, हेबॅ, हेनान, झेजियांग आदी राज्यांमध्ये लस सक्तीची घोषणा करण्यात आली आहे. काही राज्यांमध्ये कोरोना प्रतिबंधक लस न घेतलेल्या नागरिकांना सार्वजनिक परिवहन सेवा, सार्वजनिक स्थळी जाता येणार नाही.

    त्याशिवाय, ज्या मुलांच्या पालकांनी लस घेतली नाही, त्यांना शाळेत प्रवेश मनाई करण्यात येणार आहे. चीनने या वर्षाअखेर 80 टक्के नागरिकांचे लसीकरण पूर्ण करण्याचे उद्दिष्ट ठेवले आहे. त्यासाठी विविध पातळीवर प्रयत्न केले जात आहेत.

    China gives 18 million doses of corona vaccine in one day, 163.7 crore doses to citizens so far

    महत्त्वाच्या बातम्या

     

    Related posts

    AI-Generated Nude Photo : खासदाराचा धक्कादायक प्रयोग: स्वतःचा एआय-निर्मित न्यूड फोटो संसदेत दाखवत डिपफेकचा धोका उघड

    Elon Musk : डोनाल्ड ट्रम्प यांच्यापासून दूर होताच इलॉन मस्कचा मास्टरस्ट्रोक!

    Hindu-Buddhist temple : बांगलादेशने नोटांवरून माजी राष्ट्रपतींचे चित्र हटवले; नवीन नोटेवर हिंदू-बौद्ध मंदिरांचे चित्र