वृत्तसंस्था
लॉस एंजेलिस : California अमेरिकेतील कॅलिफोर्निया राज्यातील लॉस एंजेलिस येथे लागलेल्या आगीत सुमारे 13 लाख कोटी रुपयांचे नुकसान झाल्याचा अंदाज आहे. अमेरिकेत हवामानाशी संबंधित सेवा पुरवणाऱ्या इक्वेडोर या खासगी कंपनीच्या म्हणण्यानुसार, या आगीमुळे कॅलिफोर्नियाचे एकूण नुकसान 135 अब्ज ते 150 अब्ज अमेरिकन डॉलर्स दरम्यान होईल.California
इतर गोष्टींबरोबरच घरे आणि इतर इमारतींना झालेल्या नुकसानीचाही समावेश नुकसानीच्या मुल्यांकनात करण्यात आला आहे. याशिवाय, मूलभूत पायाभूत सुविधांचे झालेले नुकसान आणि त्यांच्या पुनर्बांधणीसाठी दीर्घकालीन खर्चाचाही समावेश आहे. आगीवर अद्याप नियंत्रण मिळालेले नाही, त्यामुळे ही आकडेवारी आणखी वाढणार आहे.
या आगीत आतापर्यंत 10 जणांचा मृत्यू झाला आहे
मीडिया रिपोर्ट्सनुसार, लॉस एंजेलिसमध्ये लागलेल्या आगीत आतापर्यंत 10 जणांचा मृत्यू झाला आहे. कॅलिफोर्नियामध्ये लागलेली ही आतापर्यंतची सर्वात मोठी आग आहे. गेल्या 4 दिवसांपासून धुमसत असलेली आग सुमारे 40 हजार एकर परिसरात पसरली आहे. यामध्ये 29 हजार एकर क्षेत्र पूर्णपणे जळून खाक झाले आहे.
आगीत सुमारे 10 हजार इमारती जळून खाक झाल्या आहेत
आगीत सुमारे 10 हजार इमारती जळून खाक झाल्या आहेत, तर 30 हजार घरांचे नुकसान झाले आहे. सुमारे 50 हजार लोकांना तात्काळ घरे सोडण्यास सांगण्यात आले आहे. 3 लाख लोकांना सुरक्षित स्थळी जाण्याच्या सूचना देण्यात आल्या आहेत. शनिवारपर्यंत आग आणखी पसरण्याचा इशारा प्रशासनाने दिला आहे. 1 लाख लोक विजेशिवाय जगत आहेत.
लॉस एंजेलिस काउंटी शेरीफ रॉबर्ट लुना यांनी परिस्थितीबद्दल सांगितले की, “या भागांवर अणुबॉम्ब टाकल्याप्रमाणे आग लागली आहे.”
California wildfires cause damage worth Rs 13 lakh crore; 10,000 buildings on 40,000 acres destroyed; 30,000 homes damaged
महत्वाच्या बातम्या
- Ajit Pawar शेतकऱ्यांना कर्जमाफी देण्याबाबत अर्थमंत्री अजित पवार चक्क नाही होऊन पडले?
- Devendra Fadnavis अपशब्द, अपमान अन् मोदीजींची शिकवण..देवेंद्र फडणवीस यांनी सांगितलं पाच वर्षांत काय भोगलं?
- Sharad Pawar : पवारांचा राजकारणात “रिव्हर्स स्विंग”; सुप्रिया सुळेंचे राष्ट्रीय राजकारणातून साखर कारखान्याच्या राजकारणात “लॉन्चिंग”!!
- National Commission for Women : पुण्यातल्या BPO महिला कर्मचारी हत्या प्रकरणाची राष्ट्रीय महिला आयोगाकडून गंभीर दखल, तातडीने नेमली फॅक्ट फाईंडिंग कमिटी!!