वृत्तसंस्था
वॉशिंग्टन डीसी : Florida Test अमेझॉनचे संस्थापक जेफ बेझोस यांच्या अंतराळ कंपनी ब्लू ओरिजिनला मोठा धक्का बसला आहे. कंपनीचे महत्त्वाकांक्षी ‘न्यू ग्लेन’ हे विशाल रॉकेट फ्लोरिडातील केप कॅनव्हेरल प्रक्षेपण केंद्रावर चाचणीदरम्यान भीषण स्फोटात उद्ध्वस्त झाले. या घटनेमुळे अमेरिकेच्या चंद्र मोहिमांनाही फटका बसण्याची शक्यता व्यक्त केली जात आहे.Florida Test
ही दुर्घटना २८ मेच्या रात्री ‘हॉट फायर टेस्ट’दरम्यान घडली. उड्डाणापूर्वी इंजिनांची अंतिम चाचणी सुरू असताना रॉकेटने अचानक पेट घेतला आणि काही क्षणांत प्रचंड अग्निगोल तयार झाला. स्फोट इतका मोठा होता की परिसरात धुराचे मशरूमसारखे ढग दिसून आले.Florida Test
सर्व कर्मचारी सुरक्षित, पण अब्जावधींचे नुकसान
ब्लू ओरिजिनने सांगितले की, दुर्घटनेत कोणतीही जीवितहानी झाली नाही आणि सर्व कर्मचारी सुरक्षित आहेत. स्वतः Jeff Bezos यांनी सोशल मीडियावर प्रतिक्रिया देताना “आजचा दिवस अत्यंत कठीण होता, पण आम्ही पुन्हा उभे राहू,” असे म्हटले.
‘न्यू ग्लेन’ हे Blue Origin चे सर्वात महत्त्वाचे आणि जड वजन वाहून नेणारे रॉकेट मानले जाते. SpaceX च्या ‘स्टारशिप’ आणि ‘फाल्कन-९’ला टक्कर देण्यासाठी कंपनीने अनेक वर्षे आणि अब्जावधी डॉलर खर्च करून हा प्रकल्प विकसित केला आहे.
नासाच्या चंद्र मोहिमांवर परिणाम होण्याची शक्यता
ही दुर्घटना Blue Origin साठी केवळ आर्थिकच नव्हे तर धोरणात्मक धक्का मानली जात आहे. कारण काही दिवसांपूर्वीच NASA ने चंद्र मोहिमांसाठी आणि ‘आर्टेमिस’ कार्यक्रमासाठी Blue Origin ला मोठा करार दिला होता. या रॉकेटच्या मदतीने भविष्यात चंद्रावर मालवाहतूक आणि उपकरणे पाठवण्याची योजना होती.
या रॉकेटद्वारे Amazon च्या उपग्रह प्रकल्पासाठी ४८ उपग्रह प्रक्षेपित करण्याची तयारीही सुरू होती. स्फोटामुळे आगामी मोहिमा लांबणीवर पडण्याची शक्यता आहे.
‘स्पेसएक्स’शी स्पर्धेत आणखी दबाव
एलॉन मस्क यांच्या SpaceX कंपनीने पुनर्वापरक्षम रॉकेट तंत्रज्ञानात मोठी आघाडी घेतली आहे. अशा वेळी Blue Origin वर अधिक वेगाने प्रगती करण्याचा दबाव होता. या दुर्घटनेमुळे SpaceX आणि Blue Origin यांच्यातील स्पर्धेत Bezos यांच्या कंपनीला मोठा धक्का बसल्याचे मानले जात आहे.
दरम्यान, अमेरिकेची फेडरल एव्हिएशन प्रशासन (FAA) आणि NASA यांनी दुर्घटनेची चौकशी सुरू केली आहे. स्फोटाचे नेमके कारण अद्याप स्पष्ट झाले नसले तरी इंजिन चाचणीदरम्यान तांत्रिक बिघाड झाल्याची प्राथमिक शक्यता वर्तवली जात आहे.
Blue Origin New Glenn Rocket Explodes on Launchpad During Florida Test
महत्वाच्या बातम्या
- पिंपरी-चिंचवड आणि पुण्यासाठी जलसंधारणाच्या दिशेने मोठे पाऊल; दोन्ही ठिकाणच्या विशेष पथकाला फडणवीस सरकारची मंजुरी
- राष्ट्रवादीच्या नेत्यांमध्ये सत्तेच्या तुकड्यासाठी भांडणे; शिंदे सेनेचे मराठवाड्यात पक्षप्रवेश सोहळे!!
- AI च्या क्षेत्रात गुंतवणुकीसाठी सध्या सर्वोत्तम काळ आणि संधी; AI क्षेत्रात नेतृत्वासाठी महाराष्ट्र सज्ज!!- मुंबई टेक वीक २०२६ चे उद्घाटन
- Amit Shah : ‘घुसखोरांना शोधून भारताबाहेर पाठवणार’; अमित शहांचा मोठा इशारा, सीमासुरक्षेवर केंद्र सरकार अधिक आक्रमक