विशेष प्रतिनिधी
मुंबई – अंमली पदार्थाचा पुरवठा करून भारतातील तरुणाईला शिकार करण्याचे पाकिस्तानचे मनसुबे भारतीय तडरक्षक दलाने उधळून लावले आहेत. तटरक्षक दलाने गुजरातजवळ कारवाई करत पाकिस्तानी मच्छीमार बोटीतून ३० किलो हेरॉईन जप्त केले आहे. तसेच बोटीवरील आठ पाकिस्तानी नागरिकांनाही ताब्यात घेण्यात आले आहे. All most 30 kg heroine seized from Pakistani ship
त्यांची चौकशी करण्यात येत आहे. जप्त केलेल्या हेरॉईनची आंतरराष्ट्रीय बाजारपेठेत सुमारे ३०० कोटी रुपये किंमत आहे. पाकिस्तानी बोटीतून अमली पदार्थांची तस्करी होत असल्याबाबत माहिती मिळाल्यानंतर गुजरात एटीएसच्या साह्याने तटरक्षक दलाने गुरुवारी ही कारवाई केली.
त्यासाठी गुजरातजवळील समुद्रात या बोटीचा शोध घेण्यात आला. भारतीय हद्दीत शिरलेली ही बोट आढळताच तटरक्षक दलाने कारवाई करत बोटीवरून हेरॉईनची प्रत्येकी एक किलोची ३० पाकिटे ताब्यात घेतली. गुजरातच्या किनाऱ्यावर हा साठा उतरवण्यात येणार होता.
मागील महिन्यात लक्षद्वीप बेटांजवळ तटरक्षक दलाने अशीच कारवाई करून तस्करांकडून ३०० किलो हेरॉईन व पाच एके ४७ रायफली आणि एक हजार काडतुसे जप्त केली होती.
All most 30 kg heroine seized from Pakistani ship
इतर बातम्या
- ISRO शास्त्रज्ञ नंबी नारायण यांच्या विरोधात खटला भरणाऱ्यांची सीबीआय चौकशी करा; सुप्रिम कोर्टाचे आदेश
- राष्ट्रीय स्वयंसेवक संघाच्या दीड हजार स्वयंसेवकांचे कुंभमेळ्यामध्ये योगदान , विशेष पोलीस अधिकारी म्हणून कार्य ; गर्दी, वाहतूक नियंत्रणासाठी भरीव मदत
- NIA कडून लष्कर ए तैयबाचे पश्चिम बंगाल – काश्मीर यांचे जिहादी भरती कनेक्शन expose; रिक्रुटिंग एजंटला काश्मीरमधून अटक
- पाकिस्तानच्या मॉडस ऑपरेंडीमध्ये बदल; आता दहशतवाद्यांच्या घुसखोरीसाठी कव्हर फायरिंग; भारताचेही नव्या स्ट्रॅटेजीने प्रत्युत्तर
- विमानप्रवाशांना कोरोनाची मोठी धास्ती, प्रवाशांची संख्या आली अवघ्या दोन लाखांवर