Afghanistan Crisis : बायडेन प्रशासनाचा मोठा निर्णय, अफगाणिस्तानला होणारी शस्त्रांची विक्री स्थगित, हे आहे कारण

Afghanistan Crisis : तालिबानने अफगाणिस्तान ताब्यात घेतल्यापासून अमेरिकेवर दबाव वाढत असल्याचे दिसते. यामुळेच आता त्याचा परिणाम अमेरिकेवर दिसू लागला आहे. अमेरिकेचे अध्यक्ष जो बायडेन यांच्या प्रशासनाने अफगाणिस्तानला शस्त्रास्त्रांची विक्री बंद करण्याचा निर्णय घेतला आहे. तालिबानने युद्धग्रस्त देशाचा ताबा घेतल्यानंतर तीन दिवसांनी या संदर्भात निर्णय घेण्यात आला. वास्तविक, ही शस्त्रे तालिबानच्या ताब्यात जाण्याची भीती आहे. Afghanistan Crisis Biden administration suspends arms sales to Afghanistan After Taliban takeover

---

वृत्तसंस्था

वॉशिंग्टन : तालिबानने अफगाणिस्तान ताब्यात घेतल्यापासून अमेरिकेवर दबाव वाढत असल्याचे दिसते. यामुळेच आता त्याचा परिणाम अमेरिकेवर दिसू लागला आहे. अमेरिकेचे अध्यक्ष जो बायडेन यांच्या प्रशासनाने अफगाणिस्तानला शस्त्रास्त्रांची विक्री बंद करण्याचा निर्णय घेतला आहे. तालिबानने युद्धग्रस्त देशाचा ताबा घेतल्यानंतर तीन दिवसांनी या संदर्भात निर्णय घेण्यात आला. वास्तविक, ही शस्त्रे तालिबानच्या ताब्यात जाण्याची भीती आहे.

अमेरिकेच्या परराष्ट्र विभागाच्या राजकीय/सैन्य व्यवहार विभागाने संरक्षण कंत्राटदारांना दिलेल्या नोटिसमध्ये म्हटले आहे की, अफगाणिस्तानला प्रलंबित किंवा वितरित न केलेली शस्त्रे सध्या पुनरावलोकनाखाली आहेत. “अफगाणिस्तानमध्ये वेगाने बदलणारी परिस्थिती पाहता, संरक्षण विक्री संचालनालय जागतिक शांतता, राष्ट्रीय सुरक्षा आणि अमेरिकेच्या परराष्ट्र धोरणाच्या दृष्टीने त्यांची योग्यता निश्चित करण्यासाठी सर्व प्रलंबित आणि जारी केलेले निर्यात परवाने आणि इतर मंजुरी निश्चित करणे आवश्यक आहे.” नोटीसमध्ये पुढे म्हटले आहे की, अमेरिकन परराष्ट्र विभाग येत्या काही दिवसांत संरक्षण उपकरणे निर्यात करणाऱ्यांसाठी अपडेट जारी करेल.

तालिबानने ही शस्त्रे घेतली ताब्यात

अशरफ घनी प्रशासनाच्या पतनानंतर तालिबानने अमेरिकन शस्त्रे जप्त केल्याच्या वृत्ताला अनेक माध्यमांनी दुजोरा दिला आहे. या शस्त्रांची किंमत कोट्यवधी रुपये आहे. शस्त्रांमध्ये अमेरिकन बनावटीच्या M4 कार्बाईन्स आणि M16 रायफल्स, ब्लॅक हॉक हेलिकॉप्टर, A-29 सुपर Tucano अटॅक एअरक्राफ्ट आणि माइन रेझिस्टंट ह्यूमवीस यांचा समावेश आहे. आकडेवारीनुसार, अमेरिकेने 2020 पर्यंत अफगाणिस्तानला 22.7 कोटी डॉलर्स किमतीची शस्त्रे विकली आहेत.

अमेरिकी शस्त्रांची 47 टक्के निर्यात मध्यपूर्वेत

स्वीडनस्थित स्टॉकहोम इंटरनॅशनल पीस रिसर्च इन्स्टिट्यूट (सिपरी) ने गोळा केलेल्या आकडेवारीनुसार, अमेरिकेने शस्त्रास्त्रांच्या निर्यातीतील जागतिक हिस्सा गेल्या पाच वर्षांत 37 टक्क्यांपर्यंत वाढवला आहे. अमेरिका, फ्रान्स आणि जर्मनीच्या निर्यातीत झालेली वाढ ही रशिया आणि चीनला शस्त्रास्त्रांच्या निर्यातीमध्ये घट झाल्यामुळे झाली आहे, हेही याच आकडेवारीवरून दिसून आले. विशेष म्हणजे, अमेरिकेच्या शस्त्रास्त्रांच्या निर्यातीपैकी सुमारे 47 टक्के मध्यपूर्वेत गेले. केवळ सौदी अरेबियाचा 24 टक्के वाटा आहे. सौदी अरेबिया या शस्त्रांचा वापर स्वतःच्या सुरक्षेसाठी तसेच येमेनमधील हौथी बंडखोरांशी लढण्यासाठी करतो.

Afghanistan Crisis Biden administration suspends arms sales to Afghanistan After Taliban takeover

महत्त्वाच्या बातम्या

• फॉर्म्युला 1 बॉस पत्नीला प्रेयसीसोबत रंगेहाथ पकडल्याने पतीने केली हत्या, नंतर स्वत : वरही झाडल्या गोळ्या
• मराठा आरक्षण : अशोक चव्हाण यांना दिला जाणार ‘विश्वासघातकी’ पुरस्कार, राज्यव्यापी बैठकीत निर्णय
• Bengal Post Poll Violence : निवडणूक हिंसाचारप्रकरणी हायकोर्टाच्या आदेशाला ममता सरकार सुप्रीम कोर्टात आव्हान देण्याची शक्यता
• जगातील 100 श्रीमंतांमध्ये डी-मार्टचे संस्थापक राधाकिशन दमानी यांचा समावेश, तब्बल 1.42 लाख कोटींची संपत्ती
• तब्बल 1250 कोटी रुपये घेऊन अशरफ घनी पळून गेले, या स्टार अफगाणी क्रिकेटपटूनेही सोडला देश