वृत्तसंस्था
फ्लोरिडा : अमेरिकेतील फ्लोरिडा राज्यातील जॅक्सनविल येथील एका दुकानात शनिवारी गोळीबार झाला. अधिकाऱ्यांनी सांगितले की, एक व्यक्ती बंदूक घेऊन दुकानात घुसला. त्याने तीन कृष्णवर्णीयांना लक्ष्य करून गोळ्या झाडल्या. तिघांचाही मृत्यू झाला. रॉयटर्सने दिलेल्या माहितीनुसार, तिघांची हत्या केल्यानंतर आरोपीने स्वत:वरही गोळी झाडली.3 Blacks Killed in US Mass Shooting; The attacker also shot himself
जॅक्सनविलचे पोलीस अधिकारी टीके वॉटर्स म्हणाले – आरोपी काळ्या लोकांचा तिरस्कार करत होता. हा जातीय हल्ला होता. मृतांमध्ये 2 पुरुष आणि 1 महिलेचा समावेश आहे. शूटिंगपूर्वी आरोपीने कुटुंबातील सदस्य, मीडिया आणि पोलिस अधिकाऱ्यांसाठी अनेक जाहीरनामेही प्रसिद्ध केले होते, ज्यामध्ये त्याने कृष्णवर्णीयांविरुद्ध आपला द्वेष व्यक्त केला होता.
राष्ट्रपती बिडेन यांना दिलेल्या घटनेची माहिती
एफबीआयने सांगितले की, द्वेषपूर्ण गुन्हे हे नेहमीच त्यांचे प्राधान्य राहिले आहे. विशिष्ट समुदायाच्या लोकांना धमकावण्याच्या उद्देशाने हे केले जाते. सध्या अमेरिकेचे अध्यक्ष जो बिडेन आणि अॅटर्नी जनरल मेरिक गारलँड यांना फ्लोरिडा गोळीबाराची माहिती देण्यात आली आहे. त्याचबरोबर जॅक्सनव्हिलमध्ये राहणाऱ्या लोकांना आणि विशेषतः कृष्णवर्णीयांना हाय अलर्टवर ठेवण्यात आले आहे.
अमेरिकेत या वर्षी सामूहिक गोळीबाराच्या ४६९ घटना
अमेरिकेच्या गन वायलेन्स आर्काइव्हनुसार, येथे सामूहिक गोळीबाराच्या घटनांमध्ये सातत्याने वाढ होत आहे. यावर्षी आतापर्यंत अशा 469 प्रकरणांची नोंद झाली आहे. अमेरिकेतील बंदूक संस्कृतीचा इतिहास सुमारे 230 वर्षांचा आहे.
3 Blacks Killed in US Mass Shooting; The attacker also shot himself
महत्वाच्या बातम्या
- केंद्र सरकारने उकडलेल्या तांदळावर लावले 20 टक्के निर्यात शुल्क , बिगर बासमती तांदळावर आधीच बंदी
- ‘…आणखी किती बिहारी मरण्याची वाट पाहताय मुख्यमंत्री’ नितीश कुमार सरकारवर चिराग पासवान यांचे टीकास्त्र!
- हरियाणातील नूहमध्ये इंटरनेट सेवा बंद, ‘विहिंप’ पुन्हा ब्रजमंडल यात्रा काढणार!
- बारामतीत वडील – मुलीने टाळले स्वागत; पण काकांच्या पुतण्याचे मात्र भव्य शक्तिप्रदर्शन!!; राजकीय इंगित काय??