वृत्तसंस्था
मुंबई : दूरचित्रवाणीवरील लोकप्रिय मालिका ‘रामायण’ मध्ये रावणाची भूमिका करणारे अभिनेते अरविंद त्रिवेदी ( वय ८३) यांचे निधन झाले. त्यांची प्रकृती गेल्या दोन- तीन दिवसांपासून बिघडली होती. मंगळवारी ( ता. ५ ) रात्री उशिरा त्यांची प्राणज्योत मालवली.Arvind Trivedi, who played the role of Ravana in ‘Ramayana’, has passed away
अरविंद त्रिवेदी यांचे पुतणे कौस्तुभ यांनी त्यांच्या निधनाची माहिती दिली. आपल्या अभिनयातून अरविंद त्रिवेदी यांनी रामायण मालिकेत रावणाची भूमिका पेलण्याचे शिवधनुष्य लीलया पेलेले. या वर्षी मे महिन्यात अरविंद त्रिवेदी यांचे निधन झाल्याच्या अफवा सुद्धा पसरल्या होत्या.
अरविंद त्रिवेदी यांचा जन्म मध्य प्रदेशातील उज्जैन शहरात झाला. गुजराती रंगभूमीपासून त्यांची कारकीर्द सुरू झाली. त्यांचे बंधू उपेंद्र त्रिवेदी हे गुजराती चित्रपटसृष्टीतील एक प्रसिद्ध नाव आहे. त्यांनी गुजराती चित्रपटांमध्ये अभिनय केला आहे. अरविंद त्रिवेदी, ज्यांनी लोकप्रिय हिंदी मालिका रामायणमधून नाव कमावले, त्यांनी सुमारे ३०० हिंदी आणि गुजराती चित्रपटांमध्ये काम केले आहे.
गुजराती भाषेतील धार्मिक आणि सामाजिक चित्रपटांद्वारे ४० वर्षे गुजराती प्रेक्षकांची मने जिंकली. गुजराती चित्रपटांतील सर्वोत्कृष्ट अभिनयासाठी त्यांना सात पुरस्कार मिळाले होते. २००२ मध्ये ते सेंट्रल बोर्ड ऑफ फिल्म सर्टिफिकेशन (CBFC) चे कार्यकारी अध्यक्ष होते. त्यांनी २० जुलै २००२ ते १६ ऑक्टोबर २००३ पर्यंत सीबीएफसीचे प्रमुख म्हणून काम केले
अभिनेता ते खासदार
अरविंद त्रिवेदी हे १९९१ ते १९९६ पर्यंत खासदारही होते. १९९१ मध्ये त्यांनी लोकसभेची निवडणूक लढवली. ते भाजपचे खासदार म्हणून साबरकाठा मतदारसंघातून निवडून आले होते.
Arvind Trivedi, who played the role of Ravana in ‘Ramayana’, has passed away
महत्त्वाच्या बातम्या
- टाटा ग्रुपमध्ये नोकरीची संधी, विविध कंपन्यांमध्ये ४५६४ रिक्त जागा लवकरच भरणार
- नारायण राणे यांनी सिध्द केले कोकणवरील वर्चस्व, वेंगुर्ला उपनगराध्यक्षपदाच्या निवडणुकीत कॉँग्रेस- राष्ट्रवादी- शिवसेना आघाडीला दणका
- सरकारवर टीका करणे खूप सोपे असते पण…गेल्या शंभर वर्षांपासूनच्या आरोग्यसेवेसाठी सध्याच्या राज्यकर्त्यांना दोषी ठरविणे चुकीचे, सर्वोच्च न्यायालयाकडून ऑक्सिजन कमतरतेवर तपासाचे आदेश देण्यास नकार
- श्रीनगर मध्ये दहशतवादी हल्ला, 3 नागरिकांची हत्या