या वर्षी सोन्याच्या किमतींनी एक नवा इतिहास रचला. अमेरिकन शेअर बाजारातील गोंधळ आणि डॉलरच्या किमतीत झालेली घसरण यांच्यात, १० ग्रॅम सोन्याची किंमत पहिल्यांदाच १ लाख रुपयांच्या पुढे गेली आहे. मंगळवारी सुरुवातीच्या व्यवहारात, मल्टी कमोडिटी एक्सचेंज (MCX) वर सोन्याचा भाव १७०० रुपयांपेक्षा जास्त वाढीसह व्यवहार करताना दिसला.
मुख्यमंत्री देवेंद्र फडणवीस यांनी मंत्रालयातील मंत्रिमंडळ सभागृहात नाशिकमधील सिंहस्थ कुंभमेळ्यानिमित्त वाढणारी वाहतूक आणि भाविकांची गर्दी लक्षात घेता वाहतूक नियोजन अधिक सक्षम करण्यासाठी नाशिक बाह्यवळण रस्त्यांच्या कामांचा आढावा घेतला. या रस्त्यांचा प्रस्ताव मंत्रिमंडळाच्या मान्यतेसाठी तातडीने सादर करावा, तसेच भाविकांना दर्जेदार वाहतूक सुविधा देण्यासाठी ई-बस एकात्मिक सेवा प्रस्ताव तयार करावा, असे निर्देश मुख्यमंत्री यांनी दिले.
दिल्लीच्या न्यायालयात आरोपी आणि त्याच्या वकिलाने न्यायाधीशांना धमकावले. चेक बाउन्स प्रकरणात न्यायाधीशांनी आरोपीला दोषी घोषित केले होते. यानंतर आरोपी आणि त्याच्या वकिलाने न्यायाधीशांना जीवे मारण्याची धमकी दिली.
इस्रोने दुसऱ्यांदा दोन उपग्रह यशस्वीरित्या अवकाशात सोडले आहेत. केंद्रीय मंत्री जितेंद्र सिंह यांनी सोमवारी एक्सपोस्टद्वारे ही माहिती दिली. ते म्हणाले की, आता री-डॉकिंगच्या यशानंतर, येत्या दोन आठवड्यात अधिक वैज्ञानिक प्रयोग केले जातील.
दिल्ली उच्च न्यायालयात न्यायमूर्ती यशवंत वर्मा यांच्या अध्यक्षतेखालील खंडपीठासमोर सुनावणी सुरू असलेल्या ५० हून अधिक प्रकरणांची नव्याने सुनावणी होणार आहे. उच्च न्यायालयाने याबाबत अधिसूचना जारी केली आहे.
भाजप खासदार निशिकांत दुबे यांच्याविरुद्ध दाखल केलेल्या अवमान याचिकेवर सोमवारी सर्वोच्च न्यायालयात सुनावणी झाली. याचिका दाखल करण्यासाठी न्यायालयाच्या परवानगीची आवश्यकता नाही, असे न्यायालयाने म्हटले आहे. पण यासाठी अॅटर्नी जनरलची परवानगी घ्यावी लागते.
काँग्रेस खासदार राहुल गांधी यांच्या भारतीय नागरिकत्वाला आव्हान देणाऱ्या याचिकेवर सोमवारी अलाहाबाद उच्च न्यायालयाच्या लखनऊ खंडपीठात सुनावणी झाली.
विधानसभा निवडणुकीतील पराभवानंतर आता आम आदमी पक्षाने (आप) दिल्ली महानगरपालिका (एमसीडी) निवडणूक न लढवण्याचा निर्णय घेतला आहे. माजी मुख्यमंत्री आतिशी आणि दिल्ली पक्षाध्यक्ष सौरभ भारद्वाज यांनी सोमवारी ही माहिती दिली. २५ एप्रिल रोजी निवडणुका होतील.
रविवारी जम्मू आणि काश्मीरमधील रामबन जिल्ह्यात ढगफुटी आणि भूस्खलनामुळे परिसरात प्रचंड हाहाकार माजला. यामध्ये ३ जणांचा मृत्यू झाला. पोलिसांनी सुमारे १०० लोकांना वाचवले. मुख्यमंत्री ओमर अब्दुल्ला सोमवारी परिस्थितीचा आढावा घेण्यासाठी रामबनला पोहोचले.
मुख्यमंत्री देवेंद्र फडणवीस यांनी महाराष्ट्र विधानसभा निवडणुकीत फेरफार झाल्याचा आरोप करणाऱ्या राहुल गांधी यांच्यावर सडकून टीका केली आहे.
इलेक्ट्रॉनिक्स आणि माहिती तंत्रज्ञान मंत्रालयाने (MeitY) सर्व्हे ऑफ इंडिया (SOI) च्या सहकार्याने अमेरिकेतील टेक दिग्गज गुगलला भारताचा चुकीचा नकाशा दाखवल्याबद्दल त्यांच्या प्ले स्टोअरवरून चिनी चॅट अॅप ‘अब्लोह’ काढून टाकण्याचे आदेश दिले आहेत.
पोप फ्रान्सिस यांचे निधन झाले आहे, त्यांनी वयाच्या ८८ व्या वर्षी अखेरचा श्वास घेतला. पोप फ्रान्सिस यांना नुकतेच रोमच्या जेमेली रुग्णालयात दाखल करण्यात आले होते. त्यांना फुफ्फुसांच्या गुंतागुंतीच्या संसर्गाने ग्रासले होते. यापूर्वी, २०२१ मध्ये, त्यांना रोममधील त्याच जेमेली रुग्णालयात १० दिवसांसाठी दाखल करण्यात आले होते.
छत्तीसगडमधील बोकारो जिल्ह्यातील लालपानिया येथील लुगु हिल येथे सुरक्षा दल आणि पोलिसांसोबत झालेल्या चकमकीत एकूण आठ नक्षलवादी ठार झाले. यामध्ये १ कोटींचा इनाम असलेला प्रयाग मांझी उर्फ विवेक, २५ लाखांचा इनाम असलेला अरविंद यादव आणि १० लाखांचा इनाम असलेला साहेब राम मांझी यांचा समावेश आहे.
कर्नाटकचे माजी पोलिस महासंचालक (डीजीपी) ओम प्रकाश यांच्या हत्या प्रकरणात एक खळबळजनक माहिती समोर आली आहे. पोलिस तपासानुसार, ओम प्रकाश याची पत्नी पल्लवीने तिच्या पतीवर चाकूने वार करण्यापूर्वी त्यांच्या चेहऱ्यावर मिरची पावडर फेकल्याचा आरोप आहे. या प्रकरणात पोलिसांनी पल्लवी आणि तिची मुलगी कृती यांना मुख्य संशयित म्हणून अटक केली आहे.
लोकसभेतील विरोधी पक्षनेते राहुल गांधी यांनी सोमवारी काँग्रेसशासित हिमाचल प्रदेशचे मुख्यमंत्री सुखविंदर सिंग सुखू आणि तेलंगणाचे मुख्यमंत्री रेवंत रेड्डी यांना पत्र लिहून रोहित वेमुला कायदा लागू करण्याचे आवाहन केले. त्यांनी सोशल मीडिया प्लॅटफॉर्म X वर मुख्यमंत्री सुखू आणि रेवंत रेड्डी यांना लिहिलेले पत्र देखील शेअर केले.
कर्मचारी भविष्य निर्वाह निधी संघटनेने (ईपीएफओ) सोमवारी या वर्षी फेब्रुवारीमध्ये १६.१० लाख सदस्यांची भर पडल्याची माहिती दिली.
मुख्यमंत्री देवेंद्र फडणवीस यांच्या हस्ते ‘पिंक ई-रिक्षा वितरण समारंभ, नागपूर जिल्हा’ येथे 50 महिला लाभार्थ्यांना पिंक ई-रिक्षाचे वितरण करण्यात आले.
भाजप नेते आणि केंद्रीय मंत्री सुकांत मजुमदार म्हणाले की, ममता बॅनर्जी पश्चिम बंगालमध्ये बांगलादेशसारखी परिस्थिती निर्माण करत आहेत. राज्यात हिंदूंच्या हत्या होत आहेत. लोकांना बांगलादेशातील परिस्थिती माहित आहे. बॅनर्जी यांनी आधीच पश्चिम बंगालला बांगलादेशचे लाइट व्हर्जन बनवले आहे.
पश्चिम बंगालमधील हिंसाचारग्रस्त मुर्शिदाबादमध्ये झालेल्या हिंसक निदर्शनांदरम्यान वडील आणि मुलाची हत्या केल्याच्या आरोपाखाली एका व्यक्तीला अटक करण्यात आली आहे. या प्रकरणातील ही चौथी अटक आहे.
बांगलादेश पोलिसांनी इंटरपोलला माजी पंतप्रधान शेख हसीना यांच्याविरुद्ध रेड कॉर्नर नोटीस जारी करण्याची विनंती केली आहे. हसिनांव्यतिरिक्त, इतर ११ जणांविरुद्धही अशीच मागणी करण्यात आली आहे.
दिल्ली महानगरपालिकेच्या महापौर पदाच्या निवडणुकीतून आम आदमी पार्टीने माघार घेतली. या निवडणुकीत पराभवाची खात्री झाल्यानंतर आम आदमी पार्टीला माघार घेण्यावरून दुसरा पर्याय उरला नव्हता.
पाकिस्तानी तुरुंगात कैद असलेले भारतीय नागरिक कुलभूषण जाधव यांना उच्च न्यायालयात अपील करण्याचा अधिकार देण्यात आलेला नाही. सर्वोच्च न्यायालयात झालेल्या सुनावणीदरम्यान पाकिस्तानच्या संरक्षण मंत्रालयाने ही माहिती दिली.
महाराष्ट्र नवनिर्माण सेनेचे अध्यक्ष राज ठाकरे आणि शिवसेना ठाकरे गटाचे अध्यक्ष उद्धव ठाकरे युती करणार असल्याची चर्चा सध्या महाराष्ट्रात सुरू आहे. राज ठाकरे एका मुलाखतीत बोलताना म्हणाले होते, महाराष्ट्राचे कल्याण होणार असेल तर कौटुंबिक भांडणासारख्या क्षुल्लक गोष्टी मी विसरून पुढे जाईल, असे म्हटले होते.
कर्नाटकची राजधानी बंगळुरूमध्ये कर्नाटकचे माजी डीजीपी ओम प्रकाश यांची हत्या झाली आहे. त्यांच्या पत्नीने चाकूने वार करून त्यांची हत्या केल्याचा संशय आहे. तथापि, पोलिस अजूनही या प्रकरणाचा तपास करत आहेत. त्यांचा मृतदेह बंगळुरूमधील एचएसआर लेआउट येथील त्यांच्या घरात आढळला.
खादूर साहिबचे खासदार आणि खलिस्तान समर्थक अमृतपाल सिंगवर लादण्यात आलेला राष्ट्रीय सुरक्षा कायदा (NSA) आणखी एक वर्षासाठी वाढवण्यात आला आहे. एनएसएच्या विस्ताराबाबत एक कागदपत्र समोर आले आहे. त्यानंतर हे स्पष्ट झाले आहे की अमृतपाल सिंग आता आणखी एक वर्ष आसामच्या दिब्रुगड तुरुंगात राहणार आहे.