देशातील पहिली पाणबुडीविरोधी युद्धनौका (एएसडब्ल्यू-एसडब्ल्यूसी) आयएनएस अर्नाळा बुधवारी कार्यान्वित होणार आहे. भारतीय नौदल विशाखापट्टणम येथील नेव्ही डॉकयार्ड येथे ती कार्यान्वित करेल. या कार्यक्रमाचे प्रमुख पाहुणे सीडीएस जनरल अनिल चौहान आहेत.
सौ सोनार की, एक लोहार की या कहावतीचा प्रत्यय पंतप्रधान नरेंद्र मोदींनी कॅनडा दौऱ्यात आणून दिला. अमेरिकेचे अध्यक्ष डोनाल्ड ट्रम्प यांनी भारत आणि पाकिस्तान यांच्यात 13 वेळा लुडबुड करायचा केलेला प्रयत्न पंतप्रधान मोदींनी एका झटक्यात उधळून लावला.
उपमुख्यमंत्री अजित पवारांनी नाकारला सत्तेच्या वाट्यातला तुकडा म्हणून शरद पवारांनी परतीचा दोर कापला. ही राजकीय वस्तुस्थिती माळेगाव सहकारी साखर कारखान्याच्या निवडणुकीच्या निमित्ताने समोर आली.
बुधवारी सकाळी कॅनडातील कनानास्किस येथे झालेल्या G7 शिखर परिषदेत पंतप्रधान मोदी पाहुणे राष्ट्र म्हणून सहभागी झाले. कॅनडाचे पंतप्रधान मार्क कार्नी यांनी मोदींचे स्वागत केले. त्यानंतर दोन्ही देशांच्या राष्ट्रप्रमुखांमध्ये द्विपक्षीय बैठक झाली.
पंतप्रधान नरेंद्र मोदी आणि अमेरिकेचे अध्यक्ष डोनाल्ड ट्रम्प यांच्यात सुमारे ३५ मिनिटे फोनवर जोरदार चर्चा झाली. ही माहिती परराष्ट्र सचिव विक्रम मिस्री यांनी दिली. या संभाषणामुळे राजनैतिक वर्तुळात चर्चांना उधाण आलं आहे. दोन्ही नेत्यांनी काही दिवस आधीच भारताने केलेल्या “ऑपरेशन सिंदूर” बद्दल उघडपणे चर्चा केली. ही तीच लष्करी कारवाई आहे ज्यामध्ये भारतीय सैन्याने पाकिस्तानमधील दहशतवादी तळांना लक्ष्य केले होते.
मंगळवारी एअर इंडियाच्या ७ आंतरराष्ट्रीय उड्डाणे रद्द करण्यात आली. यामध्ये अहमदाबाद-लंडन, दिल्ली-पॅरिस, दिल्ली-व्हिएन्ना, लंडन-अमृतसर, दिल्ली-दुबई, बंगळुरू-लंडन या विमानांचा समावेश आहे. याशिवाय, सॅन फ्रान्सिस्कोहून मुंबईला येणाऱ्या विमानातील प्रवाशांना कोलकाता विमानतळावर उतरवण्यात आले.
राज्य मंत्रिमंडळाची महत्त्वाची बैठक मुख्यमंत्री देवेंद्र फडणवीस यांच्या अध्यक्षतेखाली पार पडली. या बैठकीत कृषीसाठी AI धोरण मंजूर करण्यात आले. सोबतच आणीबाणीत कारावास भोगलेल्यांच्या मानधनात दुपटीने वाढ करण्यात आली. इतकेच नाही तर ह्यात आता जोडीदारालाही मानधन मिळेल. तसेच धारावी पुनर्विकास प्रकल्पातील कंपनीला भाडेपट्टा करारावरील मुद्रांक शुल्क माफ करण्याचा निर्णय आज झालेल्या मंत्रिमंडळ बैठकीत घेण्यात आला.
गेल्या काही दिवसांपासून शरद पवार आणि अजित पवार हे एकत्र येणार असल्याची चर्चा राज्यात सुरू आहे. त्यामुळे शरद पवार आता भारतीय जनता पक्षासोबत महायुतीमध्ये सामील होणार का? याबाबत तर्क-वितर्क लावले जात होते. मात्र या सर्व चर्चांना शरद पवार यांनी ब्रेक लावला आहे. संधिसाधूपणा करणाऱ्यांना सोबत घेणार नसल्याचे शरद पवार यांनी म्हटले आहे. कोणासोबतही युती करा, मात्र भारतीय जनता पक्षासोबत नाही, असा थेट इशाराच शरद पवार यांनी दिला आहे.
पंतप्रधान नरेंद्र मोदी आणि कॅनडाचे नवे पंतप्रधान मार्क कार्नी यांच्यात पहिली औपचारिक बैठक कॅनडातील कनानास्किस येथे झालेल्या G7 शिखर परिषदेत झाली. यादरम्यान, दोन्ही नेत्यांनी राजधान्यांमध्ये उच्चायुक्तांच्या पुर्ननियुक्तीवर सहमती दर्शविली. त्यांनी परस्पर सहकार्यालाही महत्त्वाचे म्हटले.
मुख्यमंत्री देवेंद्र फडणवीस यांच्या अध्यक्षतेखाली आज मंत्रालय, मुंबई येथे राज्य मंत्रिमंडळ बैठक संपन्न झाली. या मंत्रिमंडळ बैठकीची सुरुवात अहमदाबाद विमान दुर्घटनेतील मृतांना श्रद्धांजली अर्पण करून झाली. त्यानंतर राज्यातील पावसाळी परिस्थितीचा आणि खरीप हंगामातील पेरणी प्रगतीचा आढावा घेण्यात आला
शिवसेना ठाकरे गट आणि महाराष्ट्र नवनिर्माण सेना म्हणजे उद्धव आणि राज ठाकरे एकत्र येण्याची चर्चा थंडावली आहे. मात्र उद्धव ठाकरेंची इज्जत निघून चालली आहे. मनसेसोबत आल्यावर इज्जत वाचेल अस त्यांना वाटत असेल. त्यामुळे ते मनसेचा कुठलाही प्रस्ताव मान्य करतील असा दावा शिवसेना शिंदे गटाचे नेते रामदास कदम यांनी व्यक्त केला आहे.
इराण आणि इस्रायलमधील तणाव आता उघड युद्धात रूपांतरित झाला आहे. इराणचे सर्वोच्च नेते अयातुल्ला अली खामेनी यांनी बुधवारी सोशल मीडिया प्लॅटफॉर्म X वर एका पोस्टमध्ये लिहिले की युद्ध सुरू झाले आहे. इराण आणि इस्रायलमधील संघर्ष सहाव्या दिवशीही सुरू आहे. इराणने इस्रायलवर हल्ला केला आहे. प्रत्युत्तरादाखल इस्रायलने १२ ठिकाणी हल्ला केला.
अहमदाबाद एअर इंडिया विमान अपघाताशी संबंधित एक नवीन व्हिडिओ समोर आला आहे. ज्यामध्ये बीजे मेडिकल कॉलेजच्या वसतिगृहातील विद्यार्थी आगीपासून आपला जीव वाचवण्यासाठी गॅलरीतून उड्या मारताना दिसत आहेत.
प्रसिद्ध अभिनेते कमल हसन यांच्या आगामी ‘ठग लाईफ’ या चित्रपटाच्या प्रदर्शनावरून कर्नाटकात गोंधळ सुरू आहे. दरम्यान, सर्वोच्च न्यायालयाने राज्यात चित्रपटाच्या प्रदर्शनाला हिरवा कंदील दाखवला आहे.
समाजवादी पक्षाचे अध्यक्ष अखिलेश यादव यांनी २०२७ मध्ये होणाऱ्या उत्तर प्रदेश विधानसभा निवडणुकांबद्दल मोठी घोषणा केली आहे. अखिलेश यादव म्हणाले, ‘समाजवादी पक्ष आणि काँग्रेस २०२७ च्या विधानसभा निवडणुका एकत्र लढतील.’ लखनऊ येथील समाजवादी अल्पसंख्याक सभेच्या बैठकीत अखिलेश यादव यांनी हे जाहीर केले.
आम आदमी पक्षाचे खासदार आणि प्रवक्ते संजय सिंह यांनी म्हटले आहे की त्यांचा पक्ष यावर्षी होणाऱ्या बिहार विधानसभा निवडणुकीत सर्व जागांवर उमेदवार उभे करेल. शिक्षण, आरोग्य आणि रोजगार हे त्यांचे मुख्य मुद्दे आहेत. एवढंच नाहीतर त्यांनी ‘आप’च्या इतर कोणत्याही पक्षाशी युतीची शक्यता फेटाळून लावली.
इस्रायली सैन्याने (आयडीएफ) मंगळवारी दावा केला की त्यांनी एका मोठा इराणी कमांडर अली शादमानीला ठार मारले आहे. इस्रायलने त्याचे सैन्य प्रमुख म्हणून वर्णन केले आहे. हा हल्ला एका मोठ्या कारवाईनंतर झाला आहे, ज्यामध्ये इस्रायलने ‘ऑपरेशन रायझिंग लायन’ अंतर्गत इराणचे मेजर जनरल गुलाम अली रशीद यांनाही ठार मारल्याचा दावा केला होता.
भाजपचे राज्यसभा खासदार सुधांशू त्रिवेदी यांनी काँग्रेस पक्षावर जातीवर आधारित संघर्षाला खतपाणी घालण्याचा आरोप केला आहे. पत्रकार परिषदेत बोलताना ते म्हणाले की, ‘’पंतप्रधान मोदींच्या नेतृत्वाखालील मंत्रिमंडळाने जनगणना करण्याचा निर्णय घेतला आहे. जारी केलेल्या अधिसूचनेत स्पष्टपणे म्हटले आहे की, स्वतंत्र भारताच्या इतिहासात पहिल्यांदाच जनगणनेसोबतच सामाजिक, आर्थिक सर्वेक्षण आणि जातीवर आधारित जनगणना देखील केली जाईल. यामागील आमचे उद्दिष्ट सर्व जातींची ओळख, सर्व जातींचा आदर आणि शेवटच्या टोकाला उभ्या असलेल्या जातींचे उत्थान आहे. परंतु इंडि आघाडी आणि काँग्रेस फक्त त्यांच्या कुटुंबाच्या उन्नतीचा विचार करतात.’’
इराणचा सर्वोच्च धार्मिक नेता आय्यतुल्लाह अली खामेनी याचा “सद्दाम हुसेन” करूनच थांबू अशी धमकी इजराइलने तेहरानवर तुफान बॉम्बफेक करतानाच दिली
विमानात बॉम्ब असल्याची माहिती मिळाल्यानंतर कोचीहून दिल्लीला जाणाऱ्या इंडिगोच्या विमानाचे नागपुरात इमर्जन्सी लँडिंग करण्यात आले..अधिक माहितीनुसार, इंडिगोचे विमान ६ई २७०६ कोचीहून दिल्लीला निघाले होते. दरम्यान विमानात बॉम्ब असल्याची धमकी मिळाल्यानंतर विमानाचे नागपुरात आपत्कालीन लँडिंग करावे लागले. पोलिस आणि अग्निशमन दल विमानाची कसून तपासणी करत आहेत. विमानातील सर्व प्रवाशांना सुरक्षितपणे खाली उतरवण्यात आले आहे. विमानातून आतापर्यंत कोणतीही संशयास्पद वस्तू आढळलेली नाही. सर्व प्रवासी सुरक्षित आहेत.
झारखंड मुक्ती मोर्चाचे सरचिटणीस सुप्रियो भट्टाचार्य यांनी बिहार विधानसभा निवडणुकीपूर्वी राष्ट्रीय जनता दलाबद्दल मोठे विधान केले आहे. त्यांनी म्हटले आहे की बिहार निवडणुकीत आरजेडीने युती धर्माचे पालन करावे. बिहारमधील महाआघाडीच्या बैठकीला ‘झामुमो’ला आमंत्रित न केल्याबद्दल सुप्रियो भट्टाचार्य यांनी हे विधान केले आहे.
दोन राष्ट्रवादींची होईचना एकी??, म्हणून शरद पवारांची तिसऱ्यांदा पलटी!!, असे चित्र आज पिंपरी चिंचवड मधून समोर आले. सध्याच्या दोन राष्ट्रवादी काँग्रेस केव्हाही एकत्र येऊ शकतात
देशातील आदिवासी समाजाच्या जीवनामध्ये मूलभूत परिवर्तन करण्याकरिता प्रधानमंत्री नरेंद्र मोदी यांनी प्रधानमंत्री धरती आबा जनजातीय ग्राम उत्कर्ष अभियान अंतर्गत धरती आबा लोकसहभाग योजना सुरू केली असून या योजनेंतर्गत राज्यातील 32 जिल्ह्यांचा समावेश होणार आहे. या योजनेंतर्गत पालघर जिल्ह्यातील 635 गावांचा समावेश होणार असल्याचे प्रतिपादन मुख्यमंत्री देवेंद्र फडणवीस यांनी केले.
इस्रायलसोबत सलग चौथ्या दिवशी सुरू असलेल्या संघर्षादरम्यान इराणने सोमवारी परदेशी नागरिकांना देश सोडण्याची परवानगी दिली. सूत्रांनी दिव्य मराठीला सांगितले की, भारताने इराणमधील आर्मेनियाच्या राजदूताशी त्यांच्या विद्यार्थ्यांना बाहेर काढण्यासाठी बोलले आहे.
राष्ट्रवादी काँग्रेसचे (शप) अध्यक्ष खासदार शरद पवार हे महायुतीमध्ये असते तर आत्ता राष्ट्रपती झाले असते, असे वक्तव्य रामदास आठवलेंनी परत करून शरद पवारांच्या जुन्या जखमांवरल्या खपल्या पुन्हा एकदा काढल्या.